|
غــلطــان وزعــلان 00!! نرجو المساعده بسررعه
على غير عادته عندما التقينا بأحد المقاهي كالعاده لمتابعة احد المباريات كان مزاجه متعكرا وكانت تبدو عليه علامات الغضب 00 سألته فرد : مافيه شي 0 سكت وعرفت ان هناك مشكلة ولكنه لايود الافصاح عنها وعند الساعة الثانيه عندماا اردت الخروج من المقهى قال لي : اجلس انا عازمك على السحور الليله 00 رديت عليه : الليله خميس والسحور مع المدام له طعم غير قال لي : يارجال ماوراهن الا النكد والطفش بس اجلس هنا عرفت ان هناك مشكله بينه وزوجته وبعد الحاح عليه اخبرني التالي : بعد الفطور كانت زوجته بالمطبخ فرن جوالها وكانت {فلانه} فأخذ الجوال ورد عليها فسلمت ورد عليها سألت عن زوجته فقال انها مشغوله في المطبخ فطلبت ان يأخذ الجوال اليها فضحك وقال ابشري فسمعت زوجته ضحكته معها على الجوال فغضبت واقفلت الجوال وهنا بدأت المشكله لانها قالت له بصوت عالي : وشلون ترد على جوالي وانت شايف انها وحده من زميلاتي لا وبعد تضحك معها فقال لها : انا زوجك تكلمي معي بهدوء وبعدين مافيها شي اذا رديت على جوالك لانك مشغوله والضحكه لانها ماقتنعت بكلامي فقلت لها ابشري وضحكت وبس 0 ردت بغضب مالك شغل بجوالي مره ثانيه لو يحترق فرد عليها بغضب الا لي شغل ولاترفعي صوتك مره ثانيه يقول وتركتها وفتحت الباب لاخرج قالت لي على وين بعد فقلت اذا عرفتي احترام زوجك ارد عليك ويقول من خرجت للحين مااتصلت علي والحين بنتسحر هنا وبرجع للبيت وانام وترا الفطور عندك بكرا 00 قلت له حياك الله ولكن من رايي انك تروح تتسحر معها رفض وقال تبي تتسحر معي هلابك لكن انا هذا اللي ناوي عليه 00 بعد طول كلام معه واخذ ورد وهو مو راضي يسمع مني عرضت عليه ان اعرض عليه مشكلته هنا في المنتدى ونرى الحلول منكم ايها الاعضاء وهذا انا انتظره على الفطور وفي انتظار مساعدتكم 000 واعذروني على الاطاله |
انا فهمته ان زوجته من اثار الصيام وشغل المطبخ قبل الفطور وبعده تكون نفسيتها متكدره شوي
وبعدين لو ماتحبه ماكان غارت عليه من ضحكه مع صديقتها ونصحته بأن يأخذ لها جوال جديد وبدون أي كلام يعطيها الجوال ويروح ينام وهي راح تفهم ان هالهديه هي عن الاعتذار لانه بصراحه هو اللي غلطان برده على جوالها لكنه رفض بحجة انها رفعت صوتها عليه وانها لم تتصل لتسأل عنه |
سبحان ربي الحين يزعل عشانها بينت غيرتها عليه ويقول قل احترام
لو هي راده على جواله كان صارت علوم بس متى الرجل يبدا يقيس المراه بميزانه وعلى كل حال قله ترا الحياه الزوجيه مواقف والنساء مافيه اسهل منهم لما شافها عصبت كان ضمها وقالها كم كلمه تطيرها بين النجوم والله مو كثير على زوجته والكلام اللين غلب الحق البين بس مدري ليه يعرفون هالشي ويستكثرونه |
حسبي الله ونعم الوكيل عليه :(
انت كمان يا اخي ما احترمتها :29: كان لازم تعرف انها بس معصبة من شغل البيت عادي لو رفعت صوتها يعني شوا مممممممم :25: ادا ما تحب ترفع صوتها عليك انت كمان ما ترفع صوتك عليها :18: وشوية حنية و احترام اوكيييييييييي :29: ؟ بدي اسمع اخبار كويسة :30: تحياتي |
أول شي أقولكم هني وعافيه عالسحور الطيب ولاتنسى تعزمني معاكم عالفطور :d أحب أهني صاحبك بزوجته لأنها تحبه بشكل كبير حيل ولا يوصف وأكبر دليل على هالحب وكم المشاعر غيرتها العالية تجاهه . بعدين لو قدر الله حصل العكس زوجتك المصونة .. ردت على جوالك وكان المتصل أحد اصحابك وتكلمت معاه وضحكت بعدين جابت لك التلفون .. شلون راح يكون موقفك !؟ أكيد راح تعصب وتزعل وترفع صوتك لأنك تغار على حب حياتك وما تبي أحد يسمع صوتها وضحكها . فحط نفسك مكانها يا أخي واعذرها وتجاهل رفعة صوتها (( البسيطة )) ترى من شيم الرجال الصفح والتغاضي عن زلات الحريم بعدين لاتنسى أن المرة بهالشهر الكريم ربي يعتق رقابنا ورقابكم فيه من النار يبذلون جهد خيالي وكبير في المطبخ بين المواعين وحوسة الصحون والحر وووووو .. وجيت أنك وكملتها بالتلفون شنو تتوقع بتسوي بتضحك ؟؟ أكيد لأ بتاخذها فورة الغيرة وصدقني آنا مع اني توني شاب وعازب بس لي شفت تلفون الوالده ولا اختي والمتصل وحده من صديقاتهم ما أرد أصلاً اروح اوديلهم الجهاز .. وإن كانوا غير موجودين وتسكر الخط يخلصون شغلهم ويتصلون مره ثانية . قول لصاحبك ياخذ هدية حلوة لزوجته ويروح يراضيها فيها والله يتقبل منا ومنكم صالح الاعمال اميين :22: |
لو هي اللي راده على جوالك ايش بتسوووووووووووووووي هاه اكيد بيكون اخر يوم بحياتها رجال انانيين
|
اقتباس:
تسلمي :22: :22: :22: :22: :22: :22: |
على قولتك
هو الغلطان وهو الزعلان المفروض مايضحك مع صديقتها ويكلمها بجد الله يصلح مابينهم |
سبحان الله العظيم
(((بعض الرجال)))) امرهم غريب فعلا قبل كل شيء>>> هو مايعرف انه مايجوز له يكلم وحدة مو من محارمه ويضحك معاها!!! وليش مايضع نفسه مكانها ،، كان قص ايديها >>>>> امر عجييييب حقا اكيييييييييييد زوجته تبي تغار ،، اي امراة يحصل لها الموقف تبي تفعل مثلها ،،، ولو هي ما تحبه وتغارعليه ،، كان تركته يسووووووولف لين يمل ،، لا بعد يبغاها هي تكلمه وتعتذر ،، وهو الغلطان ،، ليش مكبر راسه ومو راضي يعترف بالخطأ>> ((اصلا فيه بعض الرجال))) مستحيييل يعترف بخطاه ورفع صوتها عليه >>>هذا شيء طبيعي لردة فعلها ،،، وش يبغاها تعمل >>> يعني تضحك وتنبسط !!!!! قل لرفيقك ،،، يبادر بإرضاء زوجته ويعترف با الخطأ احسن له من المكابر ،، اللي مايودي ولا يجيب،، وترى موعيب اذا اعتذر من زوجته وشريكة حياته،،، والمرأة عاطفية اي كلمة تفرحها وتدخل السرور بقلبها ،، واذا اعتذرمن زوجته ،، بتخجل وتبي تعتذر منه ،، لأنها رفعت صوتها عليه... الله يهديهم ويصلح مابينهم000000000000000000 |
جزاك الله خيراً أولاً أخي الحبيب ... أعظم الله أجرك بتضحيتك أنت الآخر لتتسحر مع صديقك وتترك زوجتك :d ... أيها الكريم الغالي ... الأمر بسيط .. جدُّ بسيط .. ولكن الشيطان والنفس الأمارة بالسوء تجعل من هذه التوافه أموراً عظاماً ... وكما قال النبي صلى الله عليه وسلم : (( إن الشيطان قد يئس أن يعبد في جزيرة العرب .. ولكن في التحريش بينهم )) أعتقد أنه لم يمر عليك سؤال صديقك بما هو موقفه لو كان الأمر على العكس تماماً ؟ ومن خلال إجابته .. دعه يحكم على نفسه ... ليسارع بالاعتذار ... الاثنان مخطئان .. خطأ الزوج في الترتيب أول .. وأكبر .. وخطأ الزوجة جاء ثانياً وليس بأقل في حجمه من الأول .. ليس انتقاصاً من المرأة .. ولا تحجيماً لحقها _ كما تظن الكثير من الأخوات غفر الله لنا ولهن _ ولكن لأن مكانة الزوج عند الله عز وجل أعلى .. ولا تسمح للمرأة بأن ترفع صوتها على زوجها ... ولكن يجب على الرجل أن يعذر زوجته ويقدر حالتها وضغط العمل في المنزل خلال شهر رمضان على الأخص ... فيغفر ويسامح ويصفح مع التنبيه والتوضيح لها باللتي هي أحسن ... بأن ما فعلته لا ينبغي تكراره .. وبطبيعة الحال .. هي لن تتقبل كلاماً كهذا إلا لو تقدم هو فبدأها الاعتذار ... لذا عليه أن يبدأ بالاعتذار ... وفي هذه الزوجة الخير الكبير إن شاء الله ... فتلقائياً ستُبادله الاعتذار بإذن الله .. دون تلميحٍ أو تصريح .. والله يوفقهما .. ويبعد عنهما الشيطان المُسلسل .... <<<< هو مسلسل وكذا .. أجل كيف لو انفك .. لعنة الله عليه ........ تحياتي ؛؛؛ |
| الساعة الآن 11:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©