|
تعبت من زوجي
السلام عايكم يا اعزائي ... بدون مقدمات ...
انا متزوجه من 3 سنوات وللحين الله ما رزقني الذريه ولله الحمد ... انا امس تزاعلت مع زوجي والسبب ان كنت جالسه اكلم اختي في التلفون و زوجي كان جنبي هي تكلمني من صوب وهو قاعد يكلمني بصوت عالي ما قدرت اركز وانا اقوله لحظه لحظه برد عليك انا ارتبشت ما عرفت منو اكلم كان اقوله لحظه شفيك محتشر يعني منخبص والله قتله باسلوب جدا عادي ولا كان قصدي اسكته ولا شي من هالقبيل جان يعصب وقعد يصرخ علي ويقول انتي ليش اسكتيني و انا مش مطنزه حقج انتي واختج وانا اعرف انكم تتطنزون علي انتي واختج الحين انتي وانتي ... انا بصراحه انصدمت منه بطلت عيوني قتله انا الحين شو قتلك علشان تصارخ علي جذيه قعد يقولي انتي اصلا ما عندج شخصية وانتي ببغاء تعيدين كلام اختج لي و يوم قتله محتشر ..... والله قهرني وايد وانا سكت عنه يوم قالي ما عندج شخصية كنت برد عليه بس تعوذت من الشيطان و قلت خلني اسكت بدال ما تصير مشكله كبيرة وهو دايما كل ما نتزاعل بقعد ينتقد شخصيتي ومرة تهاوشنا وجان يقولي انتي اصلا ما تتكلمين وانتي كله ساكته والكل يشهدلي اني انا وايد اسولف وانا متأكده من هالشي انا اجتماعية وايد ... الهم وبعد مامرت على السالفه اسبوع سألته انا الحين صدق كله ساكته ما اتكلم ؟ جان يقولي انا كنت معصب وقتلج هذا الكلام والله تعبت من هالريال والله نحن وايد متفاهمين وقليل ما نتزاعل واذا تزاعلنا نتزاعل على اشياء تافهة بس هو الله يهداه مرات ما يتحمل مني كلمه يسوي من الحبه قبة شو اسوي وياه مرات احس اني اكرررررره |
حبيبتي
أولا غلط وأكبر غلط تكلمين اختك او صديقاتك وزوجك جنبك مهما كان الزوج مايحب زوجته تفكيرها بشي ثاني غيره المفروض تكلمينها وهو نايم طالع او لاهي بشغله ثانيه بالكمبيوتر او أوراق او شغل وقتها كلمي اللي تبين الرجال مهما كان ما يحب الزوجه تتكلم على التلفون وهو جنبها هو ما يمنعها بس يحاول يخرب عليها المكالمه وانتي افهميها وشي طبيعي بيعصب |
زوجك كان يبغى يفهمك
انه يبغاك تسكرين السماعه وانتي الله يهديك ما فهمتيها الرجال يغار عليك ولا بحب يشوفك تكلمين احد غيره(يغارر عليك) احمدي ربك ما شاء الله بعض الناس عندهم ازواج مثل الصنم ما يكلمني الابالحسره (ماشاء الله تبارك الله عليكم) |
وانا مع الاخــوات....لا تتضايجين الغاليه...بس اتني غلطتي ..كان المفروض اتسكرين عن اختج
اول ما بدأ يكلمــج....مب تردين عليه....وبعدين اي انســان يوم يكون معصب يقول كلام ما يقصده...لان الشيطان هو اللي يتحكم هني.....والحمدلله انها عدت على خير...وانتبهي مره ثانية عزيزتي....وربي يسعدكم ويبعد عنكم كل ضيج وزعل...ويرزقكم الذريه الصالحه ان شاء الله.. اختــــج...لمنــــي بشــــوق |
ترى انت اللى مكبرة السالفه
مادام هو مايحب تكلمين احد وهو جنبك لا تتكلمين ريحى اعصابك والمشكلة صغيرة جدا وما تستاهل زعلك يا جميل تقبلى تحياتى |
المشكله يا اخواتي واخواني مش في التلفون و بعدين المكالمة كانت سريعه المشكله هي يوم يعصب يقعد ينتقد شخصيتي و يخلي الغلط كله مني انا والله قهر انزين اذا انتقدني ارد عليه بالمثل ولا اسكت وجهونييييي بلييييييييييييز
|
اقول الله يهديكي
والله انتي غلطانه بقوووه ومعه حق يزعل انتي غلطانه 100% |
اذا أحس الرجل من زوجته أنه ثانوي بالنسبة لها , ثارت رجولته على زوجته , ففعلك أوهم زوجك بذلك بأن محدثك
هو اهم من زوجك , ويجب ان يشعر الزوج من زوجته بأن أساسي في كل شي , وذلك حقا فهو جنتها ونارها وان كنت ألوم زوجك على هذه الأسلوب |
اختي لا تزعلين .. انتي غلطانة ومالج حق تزعين منه لا بلحظتها ولا تستمرين بزعلج ..
مثل ما ذكروا الاخوة والاخوات : الزوج يحب يكون الاساسي بحياتج بكل شي .. يبي يحس بقيمته عند زوجته .. خصوصا بلحظات معينة :/ صدقيني لو انج مسكرة التلفون لحظتها ومعطية زوجج ابتسامة شقاقية كان كبرتي بعينه .. طبيعة الزوج يحب الزهو وان تكون له المكانة الكبرى عند زوجته .. لو مسوية اللي ذكرته لج صدقيني راح يبدأ يتغير للافضل معاج .. حسسيه انه ملك في بيته .. صدقيني بعد فترة بتكوني ملكة عنده باذن الله .. |
اختى الغاليه مثل ما قالوا الاخوات انتى غلطانه انك تتحدثين مع اختك وزوجك جنبك من الاحسن ان تتحدثى معها وهو فى الشغل وتفضى وقتك لحين ما يكون هو جنبك لتتحدثوا مع بعض وهكذا فلا تزعلى وربنا يوفقك ويرزقك بالذريه الصالحه
|
| الساعة الآن 01:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©