|
حيران وأرجو من أخواتي المتزوجات إفادتي
بسم الله الرحمن الرحيم السلام عليكم ورحة الله وبركاته حيران وأرجو من أخواتي المتزوجات إفادتي أنا أنسان متزوج وأحب زوجتي وهي تحبني وعايشين أحلا عيشة وماقصرت معها في أي شي وأعاملها أحسن معاملة ولله الحمد مشكلتي تكمن في أني أعمل في إدارة مستشفيات إحدى القطاعات الحكومية ولست في نفس المستشفى وطبيعة عملي تلزمني في التعامل مع بعض الطبيبات و الموظفات في المستشفيات وذلك عن طريق الهاتف فقط لاغير وأنا أنسان بطبعي مأحب أهين أحد أو أحسسه أنه ثقيل وفيه بعض الطبيبات والموظفات يتميلحون انفسهم ويزيدون في الكلام والسواليف سواء في مجال العمل أو غيرة وكله في نطاق الأدب والأحترام والكثير منهم لديهم رقم هاتفي الجوال وأتلقى منهم اتصالات في أوقات غير أوقات العمل منهم من تستفسر عن موضوع معين يخص العمل ومنهم من تريد أن تسولف والي تبي تسولف أحاول أني أنهي المكالمة بسرعة وتوصلني من بعضهم رسائل على الجوال والإيميل وهذه الرسائل كلها في حدود الأدب مثلاً نكت تعليق على موضوع معين تهنئة ألخ....... السؤال الذي اتنمى من أخواتي المتزوجات هل يعتبر ما ذكرت خيانه لزوجتي أم لا مع العلم أن زوجتي غيورة جداً جداً وهي لا تعلم عن ماكتبت لكم وعن المعلومات التي أدرجتها وفكرت أني أقولها بس خفت على مشاعرها وزعلها أفيدوني وأزيلوا الحيرة مني شاكر ومقدر حسن تعاونكم |
والله انا زوجي يصير معها نفس الشي بس انا ماخذه الموضوع عادي لاني واثقه منه وفي مره وحده حاولت انها تبي تسوي علاقه معاها بس الحمد لله ان ربي رد لي زوجي وبعدها عنه بس لو ننظر للموضوع بجديه اهي راح تزعل ومن حقها حط نفسك مكانها واهي الي يصير معاها نفس الشي وش بيصير ردة فعلك
|
لا ان شاء الله انه مو خيانه
ولازم تسوي حد معهم اكثر عشان مايمونون زياده واذا تقدر تخلي زوجتك تشوف هم ايش يرسلون لك اخاف تكتشف هالشي بعدين وتشك فيك بس انتبه لاتضعف قدامهم والله مشاكل اللي يشتغلون في المستشفيات كثيره وانا اعرف واحد طبيب متزوج ومستقر وعنده اطفال وعاقل -- فجأه سمعنا انه يبي يتزوج وحده تشتغل معاه في المستشفى والمشكله انها عربيه -- لكن الحمدلله انه عدل عن هالفكره وانفصل عنها الله يهنيك مع زوجتك ويحفظكم لبعض |
مشكورة أختي بنت الأصل على مرورك
أنا متأكد من نفسي أني ماراح أرضى لو كنت بمكانها لكن هذي وظيفتي السؤال هل اعتبر خائن أو لا؟ أرجو الإفادة |
شكراً على مرورك حالتي صعبة وعلى الكلام الي كتبتيه
بس أنا ذكرت أني ما أعمل في نفس المستشفى فقط في الإدارة ولا لي أي احتكاك مع النساء مباشرة مجرد بالهاتف فقط فكرت أبلغها بس زي ما قلتلك غيورة جداً مع العلم أني غيرت رقم جوالي خمس مرات لكن دون فائدة وزوجتي عصبية وحساسة نوعاً ما وموضوع زي هذا راح يسببلي مشاكل وأرجو أن أنام وأنا مرتاح البال اليوم لأن الموضوع هذا مسببلي أرق من فترة طويلة ويوم حصلت المنتدى هذا قلت لعلي ألقى من يريحني وتحياتي للجميع |
ما تعتبر خائن
(((((((((((( لكن )))))))))))) لازم تحط لهم حد بمعنى تحسسهم بطريقة مباشرة وغير مباشرة إنك ترفض إتصالاتهم خارج نطاق العمل أو في أوقات غير أوقات العمل الرسمية صدقني لو حطيت حد وحد قوي من البداية مستحيل يتصلون أو حتى يرسلون عموماً الله يخليك لزوجتك ويخليها لك ويوفقكم ويسعدكم ويهنيكم |
اذا كان الي ذكرته صحيح انه في حدود الادب ما يعتبر خيا نه لكن الشيطان موجود علشان ترتاح ولاتزعلها خلها تشوف اليميلات والرسا ئل معك وخل الجوال دايم عندها اذاصرت موجود وعلمها برسا يل قبل ما تقراها هي اذا جتك والتوفيق
|
الله يهنيكم ويوفقكم ويبعد عنكم عيال الحرام وبنات الحرام يارب
اخوي احس فيه حاجه مهمه ناقصه علاقتكم وهي الصراحه يمكن تقول الصراحه يمكن تسبب مشاكل انا في غنا عنها لكن صدقني ا لصراحه راح تخلي حياتكم اروع من قبل تخيل انزوجتك بالصدفه شافت الرسايل ووسوس لها الشيطان واتصلت على الرقم ولردت عليها وحده على طوووووووول تفكرانك تخونها وتصير مشكله لها اول مالها اخر لاسسمح الله ويمكن زوجتك تفقد ثقتها فيك انت قول لزوجتك الموضوع على جرعات عشان ماتنصدم او تشك واذا زوجتك ماتقبلت الامر بحكم غيرتها اللي انا اشوفها جدا طبيعيه في مثل هالامور مافيها شي تقول لهابنات باسلوب مهذب انك ماتبيهم يراسلونك او يتصلون الا للعمل اسفه على الطاله واتمنى اكون قدرت افيدك دمتم بود |
مشكورة اختي alhm على الكلام الي قلتيه
أنا مثل المثل الي يقول ( أن قمت طقني الغار وأن قعدت كلتني النار ) خايف على حياتي مع زوجتي ولا ابي يكون فيها مشاكل وخايف على وضعي في العمل لأن وضعي الحمد لله جداً زين ولو أحد من المسئولين أحس أني أسأت في المعاملة مع وحدة من الطبيبات أو الموظفات المسئولات عندنا لصارة لي مشكلة والمشكلة لو استخدمت معهم اسلوب مهذب وقلتلهم لا يراسلوني أخاف يفتتنون علي في عملي وأدخل في مشاكل كبيرة بعملي شكراً مرة أخرى على كلامك وتحياتي |
السلام عليكم ورحمة الله وبركاته ...
اخي العزيز... مفيش اي مشكلة انك تكلم زميلاتك في العمل ....وتكون علاقتك معاهم علاقة زمالة في حدود الادب ويميزها احترام متبادل...وانا لو كنت زوجي لما كنت مانعت...ولكن لكنت رفضت رفضا شديدا ان تتصل بك واحدة منهم على جوالك حتى تسولف او تبعثلك نكتة او تعليق...ممكن موضوع يخص الشغل عادي او تهنئة عادي..بس شي ثاني حاول انك تتفادى هالشي...لانو اكيد زوجتك لو تدري بهالشي رح تنجرح...وزميلات العمل خليهم في العمل بس... مع تحياتي,, |
| الساعة الآن 08:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©