|
ساااااعدوني اريد حلا لمشكلتي
بسم الله الرحمن الرحيم
سلام عليكم ورحمه الله وبركاته اخواني الاعضاء اتمنى اني القى حل عندكم لمشكلتي وابي ادخل بالموضوع على طول بس ماني عارف من وين ابدأ اخواني الاعضاء انا احب وحده من سنتين ونيتي اني اتزوجها بس صار شي دمر حياتي وهو ولد عمها سبقني وخطبها واهلها وافقو من غير مايستشيرونها واللي قاهرني ان انا ماتسمح لي حالتي الماديه اني اتقدم لها الحين وانا قايل لها من زمان اني ماراح اتقدم لها بعد ماتتخرج والحين ماقدر لان توني عمري 20 والبنت عمرها 17 وولد عمها صغير عمره 19 ومادري اشلون اهلهم وافقو انهم يزوجونهم والبنت حاولت تمنع الخطوبه بس ماقدرت اغصبوها على انها توافق وشهر 11 بتطبق 18 وبتملج وآآآآآخ قلبي يحترق وانا اتحجى ماني عارف اشلون اتصرف وماني قادر اهدها والبنت ماتبي تهدني تبي علاقتنا تستمر وانا ماني عارف شسوي اهدها ولا نكمل بس اذا كملت هالشي حرااااااام وبنفس الوقت انا من النوع اذا حبيت ما اقدر انسى ساعدوني وشوفولي حل واسف لاني طولت عليكم وماني عارف شقول من الصدمه والله ياناس قاعد اتعذب ماني قادر اتحمل ان حبيبتي واحد ثاني بياخذها مني |
أخوي ممكن تقولي
هل البنت قريبتك بأي شكل من الأشكال؟ |
أخوي بما أنك مارديت علي أكيد ان علاقتك فيها علاقة غير رسمية يعني علاقة معرفة ولد مع بنت فقط
لذلك أخوي ولا تزعل من كلامي أنت حسب ماقلتك عمرك 20 سنة والبنت عمرها 17 سنة توكم صغار في السن يعني هذي العلاقة من بدايتها معروفة يعني علاقة حب وقتي فقط وما أسمية حب أسمية أعجاب فقط وولد عمها أولى بها منك وأسف على الصراحة الزايدة لكن لمصلحتك ومصحلتها لأن العلاقة الي تبدا بنفس وضعكم نهايتها الشك بين الطرفين لأنه بيجي يوم وتقول زي ما كلمتني بتكلم غيري وهي نفس الشي بعد لذلك أنصحك أنك تتقبل الموضوع بروح رياضية وتأكد انك راح تنسى وهي بعد راح تنسى وإن شاء الله ربي بيرزق بوحده مثلها أو أحسن منها بس بطريقه أفضل من طريقتكم وتحياتي وبالتوفيق |
اقتباس:
|
احي dr bad
والله انا حاسه فيك وفي شعورك جد شعور كتير صعب عم بحاول افكر بحل بس ما بايدك شي غير انه هي تتصرف يعني المفروض هي الي ترفضه وتصر على رايها وخليها تستخير وانت كمان وتوكلو على الله لو من نصيبك حتاخودها لو شو ما صارت الظروف ولو ما الك فيها نصيب ما حتاخودها لا هلاء ولا حتى بعدين انت بس وكل امرك لالله وان شاءالله خير بس هي تحاول انه ترفضو وتعطيهم سبب مقنع لهالشي وانت كمان فكر منيح يعني لو هي تركت ابن عمها انت ما لازم تتاخر لازم تطلبها على القليله وتفهم اهلها وضعك لساتكم صغار وهيه لو ما قدرت تقنع اهلها خليها تقول لابن عمها انها ما بدها ياه وانه متل اخوها وانهم غاصبينها عليه وانحا ابدا ما بتحبو وان شاءالله بكون رجل واله كرامته وما حيرضاها لحاله . الله يوفقك وان كانت خير لالك ان شاءالله ربنا بوفقكم وبخليها من نصيبك |
اخوي Smarts Way
اختي artimos_216 مشكووورين على النصيحه واي نعم البنت ماتقرب لي وصح كلامك ياخوي انا توني على الزواج بس شسوي اذا اهلهم زوجوهم واهم صغار حيل وياخوي هالبنت الوحيده اللي دخلت فقلبي وحبيتها حيل يعني الحمدلله سنتين ماصارت لنا اي مشكله ومتفاهمين ونحب بعض وناوين على الزواج وبدايه المشكله ان ابوها الله يرحمه توفى واخوانها صارو مسؤلين عليها وعمها اللي يصير ابو اللي تقدم لها صار مسؤل عليهم وخطب البنت حق ولده وسوو كل هذا من غير مايستشيرونها ومن غير ماتدري بعد والبنت حاولت ترفض بس ماقدرت يقولون لها ان ولد عمج يحبج وشاريج واصلا اهوه تقدم لها بس عشان يبي يأذيها لانها رفضته وقالت له انها ماتحبه وتعتبره مثل اخوها وبسبته تعبت وايد لان فيها القلب وانا كثر حبي لها خايف عليها وماني قادر اسوي لها شي |
انت في سن قورة الشباب ويتخيل لك انك ما تقدر تعيش من غيرها
بس لو تكبر راح تنسى كل شئ صدقني . |
مشكووره اختي شايلة جروحها
وانا عارف ان خلاص مالي نصيب بالبنت بس علموني اشلون انساها وهم بالبنت ماتبي تهدني |
الله يعينك اخوي ويصبرك
الحين صار النصيب لولد عمها وش راح تسوي البنت؟؟؟؟؟؟انت تقول يااخوي ماتبقى تهدك البنت؟؟؟يعني بتنخطب وبتظل معاك حرام؟؟ اخوي حاول تشغل نفسك بالدراسه ومع الايام بتنساها صحيح البدايه صعب وراح تتعب بس مابعد التعب الاالراحه اختك :الحائــــرة |
مشكوووره اختي على نصيحتج
بس انا اشتغل وحتى انا بشغلي افكر فيها والحين البنت بتملج شهر 11 وبحاول انساها |
| الساعة الآن 03:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©