|
زوجي يراسل ويكلم وحده
سلام
ساعدوني انا نفسيتي تعبانة حييييييييييييييييييييييييل اكتشفت ان زوجي تراسله بنت الله يهديها هو اول ماتزوجت قالي انه يكلم بنات قبل لكن بعد الزواج لا لكن اكتشفت ان جواله مليان رسايل منها وهو مايرد عليها لاني حصلت مكالمات لم يرد عليها كثيره منها وحصلت مكالمةصادرة منه لنفس الرقم واذكر لما كنت في شهر العسل كان دايم يدق هالرقم ولا يرد هو مسجله باسم ولد وشكيت في الامر واخذت الرقم ودقيت ردت بنت واجهته وانكر ذلك انا ماقلت اني دقيت لكن بطريقتي بينت اني شاكه وش اسوي انا لسا عروس مالي غير 3 اشهر ما ابي اخسر زوجي لانه يحبني وانا اموووووووووووووووووت فيه لو يطلب عمري فداه وش اسوي ردوا علي؟؟؟؟؟؟؟؟؟؟؟؟ |
أختي لا تستعجلي إجعلي الأمور تسير على طبيعتها ولا تلفتي لهذا الأمر ما دام أن زوجك ترك هذا الأمر بعد الزواج
أسأل الله أن يجمعكم على الخير والحب والمودة وأن يعينك على طاعة الله |
لا حول ولا قوة إلا بالله..
أخيتي.. أستعيذي بالله من الشيطان الرجيم .. مررت بتجربتك مرارا وتكرارا.. واكتشفت ان هذه المسائل تحتاج لهدوء وحكمة في التصرف.. واجهية مرة ثانية في الوقت المناسب.. أي إذا شفتيها تدق وزوجك مايرد .. أسأليه ليه ماترد ؟؟ وقولي له بصراحة أنا من زمان متضايقة من هالاتصالات بس ساكتة.. وحسسيه إنك ماراح ترتاحي إلا لما تتوقف هالاتصالات.. وإذا اعترف إن في بنت تراسله وتزعجه .. قولي له غير رقمك عشان ترتاح .. وعشان إنتي أيضا ترتاحي.. عزيزتي.. لي عودة .. |
الله يعنيك والله مشكلة ولكن
انت تقولين انه يحبك وانت تموتين فيه اذا لازم تصبرين هو الحين زي المريض بمرض وهو صراحه مرض خطير لان المتعود على المغازل صعب انه يتركه الا اذا ربنا تاب عليهة ورزقه زوجه صالحة لا وبعد صبورة واذا كان ما يرد على البنت زي ما تقولين فانها ان شاء الله بشرى انه فعلا يريد التوبة وبدأ حياة جديدة بالحلال ولكن شكلها لاصقه فيه وماتبي تتركه الله يهديها ويمكن بعد هي الي لاحقته المهم اتصلي عليها انت وخبريها انك تعرفين هي وش تدور عليه وانكم تحبون بعض وانها ماراح تطول منكم شيئ وان الي تسويه عيب عليها بس كلميها بأدب يعني لاتخربينها معها علشان تستحي على دمها واذا كان زوجك صادق في كلامه لازم تواجهينه وتخبرينه انك تعرفين وش اللي صاير وانه لازم يكلمها قدامك ويستحسن انتم الاثنين تكلمونها مع بعض علشان تتأكدين انت وهي من صدق زوجك وانظري في عيون زوجك وهو يكلمها ونبرات صوته وصدقيني راح تعرفين هو صادق والا لا هذه المشكلة ان لم تضعي لها حد من بداية الزواج صدقيني راح تتعبك لان المسألة ببساطة ادمان ولازم ما تتهاونين في الامر بس اياك ثم اياك ان تقولين له طلقني او تهددينه بطلب الطلاق يعني اقصى شيئ لا سمح الله انك تروحين عند اهللك لفترة بسيطة كنوع من التغلي الا اذا كان زوجك من النوع الي راسه يابس اياك ان تخرجي من البيت واياك احد يدري عن الموضوع لانه بيهز سمعة زوجك وصورته امام الناس وبيخرب عليه خط الرجعه واطلبي منه مسح رقمها من جواله او الافضل تغيير رقمه واذا كان صادق راح يغير رقمه وماراح تتصل مرة ثانية يعني ماراح يعطيها الرقم وانت وشطارتك تراكم الان في منافسه الهوى والشيطان والبنت والنفس الامارة بالسوء في جهة وانت في جهة وان شاء الله ربنا معك وبيعينك وزوجك هو الجائزة واللي بيكون نفسه اطول هو اللي بيفوز علشان كذا انا انصحك بالصبر والدعاء له لعل الله ان يهديه بعدين لازم تنتبهي لنفسك من دلع وغنج وجمال يعني امسحيها من مخه فالمسالة منافسة واخيرا ملاحظة مهمة للشباب من كانت له علاقات قبل الزواج والله انه راح يتعب ويتعب من معه بعد الزواج حتى محاولة الخروج من هذه العلاقة والمشكلة ليست بالبسيطة فاتقوا الله في اعراض المسلمين وبنات الناس ماهم لعبة تلعبون فيهم وبمشاعرهم واذا تزوج الواحد منهم رماها (والله حرام) والله يهدي الشباب والشابات |
اختي
انتي استعجلتي لما صارحتيه شيء طبيعي بينكر وخصوصا انكم لسا عرسان حبيبتي فيه الف طريقة وطريقة غير المصارحة وجها لوجه لان الرجل مايحب هذا الاسلوب وحاولي حاليا تتناسي الموضوع وخاصة انكما ببداية زواجكما فلا تجعلي هذا الموضوع يعكر عليكما اجمل ايام العمر بالتوفيق يالغالية,,,,, |
اقتباس:
احيانا فيه شباب اصواتهم تتشابه مع البنات في مرحلة المراهقه تحياتي |
الاخت /رتوووجة
الف مبروك على زواجكم واسعدكم الله وابعد عنكم المشاكل حسب كلامك انكم لم يمضى عليكم ثلاث أشهرالآن , انك قلتي انه كان يعرف وكان هناك رسائل واتصالات ولم يجيب أختي لو سمحتي تقبلي مني هذه الكلمات ولعلها سوف تغضبك لكن من أجل زوجك وأجلك زوجك طنش هذه الامور ولم يلقي لها بال ولم يحاول ان يستمر بل اراد الابتعاد عن الماضي فكان هناك ثلاث أشهر لكن جد شي جديد وهي التغيرات التي حدثة منك نعم منك انت الزوج لماذا تزوج والزوجة لماذا تزوجت الاجابه معروفه طبعا للبحث عن الحب والسعادة والطرف المكمل للآخر فاذا تغيرت الزوجة على زوجها . الشيطان لعنةالله عليه يبدى بحبك خيوطه على الزوجين وتحريكهما كيفما شاء لكن الغلط منا نحن عندما نقبل بذلك أختي في الله ارجعي لسابق عهدك وابحثي عن مفاتيح قلب زوجك فأنت من يستطيع ان يغير الوضع فيكون لك او يكون لغيرك |
اقتباس:
مشكور اخوي على الدعوة وانا احاول انسى الموضوع لكن اللي مزعلني انه كذب علي |
اقتباس:
مشورة اختي بحاول اسوي اللي قلتيه ودعواتك لي |
يا أختي
اصلا نادر ماتلقين من رجال هالوقت واحد مايكون علاقات ووحدة نعمة فيه رجال يكلمون 6 و7 و10 و.............................بلا حدود نصيحتي لالالالالالالالاتتجسسي على جواله (( ينحرق دمك )) عليك بالدعاء ووكلي أمرك لله. أخي الحبيب .. يرجى مراعاة الخطاب مع الجنس الآخر .. وشكرا لك |
| الساعة الآن 06:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©