|
أنا والخدامة
مشكلتي اني إلى الآن كملت 4 أشهر بدون خدامة يبت 6 خدامات ولا وحده ضلت عندي اكتشفت ان خدم خالتي يخربونهم ويخوفونهم مني من اول ليلة اييون عندي ،، والسبب ان زوجي طاح على وحده من الخدم تخربط وبلغ خالتي فالخدامة ال ..... قاعدة تنتقم بتطفيش خدمي المهم انا الحين طالبة وحده واحتمال توصل بعد اسبوعين او اكثر المشكلة اني موظفة اقوم الصبح الساعة 6.30 وينتهي دوامي على 2.00 وعندي أطفال الصبح بالدوام وبعد الدوام انشغل باليهال ( وحده عمرها 4 سنوات والثانية سنة ونص ) يعني يبيلهم مجابل ، وتنظيف البيت طبعا من غسيل صحون وكواي وغسيل تكرمون حمامات ...... الخ وصلت لمرحلة خلاص مالي خلق اي شي وايد اهملت نفسي لاني زهقت تعبت وايد وكل اللي يشوفني يقولي ضاعفة ( هذا احسن مافي الموضوع :23: بس من زمان ما قمت ألبس قمصان نوم وقمت اقعد بالبيت بالبجاما .. احس اهملت نفسي وايد لاني تعبانة جسديا ونفسيا 4 شهور مو شوي والمشكلة زوجي يحاول يساعدني بس هم طبعه فوضوي وهالشي يزيد الخلافات بينا واتهمه انه عديم احساس ويتلي ايام انام عند عيالي هروب من زوجي لاني اكون في قمة التعب المشكلة اني الحين مو قادرة ارد مثل قبل من اهتمام بنفسي ولبسي .. قمت احس ان كلش مالي خلق وقمت احس ان لما قمت انام مع عيالي ان زوجي ما يفرق معاه الموضوع وهالشي قلل من اهتمامي بنفسي أكثر وحز بخاطري .. ووصلنا مرحلة من البرود بحياتنا لدرجة فظيعة فشلون ارد اهتمامي بنفسي واهتمام زوجي فيني :( |
السلام عليكم ورحمة الله وبركاته
في حل مؤقت لغاية وصول الخدامة الجديدة وهو ان تستعيني بخادمة مؤقتة يعني هناك خدم يعملون بالأجرة اليومية تأتي كل يومين وتنظف المنزل وتأخذ أجرتها وترحل. عندها لن تشعري بالتعب من اعمال المنزل عندما يزول التعب تعود الحياة لمجراها الطبيعي ويعود لك اهتمامك بنفسك وزوجك كما في السابق اتمنى لك التوفيق تحيتي. |
اهم شى انه يرووووووووووووووووح التعب منك
وبعدين كل شى يرجع كما هو وعلاقه مع زوجك كمان راح تكون احسن |
الله يعينج عزيزتي...
اولا نظمي وقتج اختي ..تدرين انا ادوام وزوجي يداوم وعندي طفلين تواءم عمارهم سنتين...وما عندي خدامة من 6سنوات...وهذا باختياري.. لكن مرتبه اموري ولله الحمد...وامشي على جدول يومي بالنسبة للتنظيف وغيره...والاطفال في فترة الدوام يكونون في الحضانة... بس تدرين مثل ما قالت الاخت ( مرجانه ) خذي خدامة مؤقته وحاولي تنظمين وقتج وواجباتج..علشان ما تقصرين على نفسج وزوجج.. والله يعينج ويوفقج ويسعدج اختج.......لمني بشوق |
الله يعينج عزيزتي.ورأي من راي مرجانه
|
| الساعة الآن 10:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©