منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المطلقات والأرامل والمتأخرات (http://www.66n.com/forums/forumdisplay.php?f=36)
-   -   موضة...كانت سبب في طلاق (http://www.66n.com/forums/showthread.php?t=105200)

الرسول حبيبها 13-10-2006 10:44 PM

موضة...كانت سبب في طلاق
 
في الفترة اللي اتخطبت فيها كانت منتشرة لدرجة انو اغلب الناس سموها موضة :d
انو الاتنين يتزوجو يقضوا شهر العسل وبعدين كل واحد يروح بيته الولد طبعا يروح لبلد وظيفته و البنت ترجع بيت اهلها عشان تكمل دراسة او وظيفة واحيانا تكون المدينة الي متوظف فيها الزوج بدائية او.............
وفي البداية ما يكون الواحد مستوعب و في ناس كانو يقولولي يبختك احلى من كدة حياة ما في بس ما يحس بالشي اللي عايشه..
وانا نيتي النصيحة وعشان محد يوقع في غلطتي حاقولكم اهم السلبيات اللي عشتها في حياتي :
1-يتعود على بعدك (صح اول الايام مررررررة تشتاقو لبعض واول ماتروحي عندو البيت اول يومين ما في احلى منها بس بعد كدة انسان اتعود على الوحدة ما يبا صوت ما يبا كلام .................
2- ما يتحمل مسؤولية طبعا عند اهلك تروحي معاهم الدكتور , يودوك السوق , حتى المشاوير الضرورية كلها معاهم ولمن تعيشي معاه طبعا اتعود على اللا مسؤولية يتنرفز من اقل مشوار..
3-يعتبر البيت اللي ساكن فيه بيته ما تقدري تغيري في اي شي او اي اسلوب حياة
4-اهم شي كل ما يتعب انت السبب انت بعيدة عني ما اكل انت السبب,ما شرب انت السبب, ماقام للدوام انت السبب,........انا مني عارفة كيف كان عايش قبل ما يتزوجني..
5- وطبعا الوحدة للي مهو متعلق بربنا اكبر مصيبة في دي الدنيا الشياطين محا تسيبو( شياطين جن و انس قصدي) و اكيد انتو فاهميني اش حيطلع(سهر ,افلام اباحية,واحيانا اشياء اكبر الله يبعدكم عنها)____ ووحدة من اثار الوحدة كانت سبب في انفصالي ما قدر يسيبها بعد استقرينا مع بعض مع اني انا و اهلي و اهلو حاولنا بس ما رضي..
وطبعا مو بس هوة كانت عنده سلبيات من هدي الحالة حتى انا اعترف انو كانت ليا سلبيات:
1- ملولة بسرعة اطفش يحقلي 4 شهور (حسب مدة الدراسة) في بيت اهلي دلع وفجاة مسؤولية ودوبي اتعود على المسؤولية ارجع لبيت اهلي تاني عشان الدراسة..
2-ايام الاجازة (الوقت اللي المفروض كنت اقعد معاه) هي طبعا اياام تجمع الاهل طبعا مالك وجه تفتحي فمك انا كنت مقدرة دا الشي و اعترف اني كنت احيانا اغلط بس غصبا عني..
3-تقلقي عليه بشكل مو طبيعي لو سمعت صوتو مريض او متضايق او حسيت انك محتاجة لحضنو احسااس يقتل بس ما كنت اقدر افتح فمي عشان لو فتحت فمي حيقول انت السبب انتي اللي بعيييدة ..
4- تحسي بعدم استقرار مو طبيعي تحسي كانك مالك بيت..
و ترى كلامي حتى للمتزوجين اذا كان زوجك مسافر شهر او اتنين ممكن( اصلا احيانا يحتاج الزواج فترة راحة )بس اكتر من كدة سنة مثلا نصيحة ضحي بالدنيا و اقعدي معاه كل شي يتعوض الا خراب البيت..
اختكم الرسول حبيبها لا تنسوها من دعاكم
صلى الله على سيدنا محمد وعلى اله و صحبه و سلم

ساري10 13-10-2006 11:04 PM

وين مزايا الزوج ؟!

كلش ماكوا

صدق الرسول صلى الله عليه وسلم عندما قال ( تكفرن العشير )


بسبب موضه صار طلاقها !

راح اصدق

لان فيه مثل يقول
اذا كانت الموضه للمراه هو اللبس الاسود
ستقتل زوجها حتى ترتديه :d

على قدم و ساق! 13-10-2006 11:16 PM

أختي الفاضلة لي عودة لموضوعك ان سمحتي ....السلام عليكم الآن

العام 13-10-2006 11:46 PM

البعد تعب للاثنين .. انا شفت خالتي وزوجها هيا تدرس بالجامعه وهو مدرس بعدي عنها مسكين ..

حتى الحمل انحرمو منه .. وبعد السنه جابو ولده حليوه واستقرو في بلد الزوج

كوجاك 14-10-2006 12:04 AM

اقتباس:

المشاركة الأصلية كتبت بواسطة ساري10
لان فيه مثل يقول
اذا كانت الموضه للمراه هو اللبس الاسود
ستقتل زوجها حتى ترتديه :d

هههههههههههههههههههههههههههه :17: :17:

الله يقطع بليسك ياساري
اوجعني بطني من الضحك

الرسول حبيبها 14-10-2006 01:02 AM

ساري 10
شكلك ما قريت الموضوع بس قريت اسم الموضوع
حرااام عليك انا ما رضيت بدا الشي عشانو موضة عشان هوة نصيبي كدة و هوة اقنعني انو ارتحلي و كل شي حيهون بعد كدة وانا وهوة ما كنا مستوعبين..
وانت صادق في كلمتك كلش ما في زواج:)
على قدم و ساق
مستنياك..:25:
العام
من جد يتعب الاتنين
كوجاك
مشكور على مرورك

^فرح^ 15-10-2006 02:23 AM

كلام سليم .. ما يشعر بقسوة ومعاناة هذا النوع من الزواج إلا اللي جرب!

الليدي ساره 15-10-2006 02:26 AM

حبيبتي (الرسول حبيبها ) جزاك الله الف خير على النصيحه الغاليه
وربي يعوضك يالغاليه ويعوض كل اخواني واخواتي.......اللهم امين

almojaded 15-10-2006 06:05 AM

اختي الله يرزقك بالزوج الصالح
ويعوضك


لكن لي وجهة نظر متواضعه .. إن كان حال الزوجين مثل ماوصفت
من بعد بسبب قاهره واهي الدراسه .. واهي فترة مرحلية وتزول
دام الحب والتفاهم متوفر بين الزوجين
راح يكون في تضحية من طرفهم كفيلة انها تتصبر لين تستقر الامور والاوضاع
في بيت الزوجية بعد انتهاء الدراسة .

همسه ولاء 15-10-2006 10:13 AM

اقتباس:

المشاركة الأصلية كتبت بواسطة ساري10
وين مزايا الزوج ؟!

كلش ماكوا

صدق الرسول صلى الله عليه وسلم عندما قال ( تكفرن العشير )


بسبب موضه صار طلاقها !

راح اصدق

لان فيه مثل يقول
اذا كانت الموضه للمراه هو اللبس الاسود
ستقتل زوجها حتى ترتديه :d




صدقتىسارى 10

ماخليتى الى كلام كفيتى ووفيتى

تحياتى لك


الساعة الآن 03:04 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©