|
هذا اللي حصلي مع زميلة امي اليوم
السلام عليكم
اخوتي الأفاضل بأدخل في الموضوع على طول لأني مفقوعه مرارتي منها واخاف اعيق امي بسببها بأحكيلكم اول عن صحبة امي وتصرفاتها وبعدين بأحكيلكم الموقف الي حصل اليوم هذي زميلة أمي من ايام الدراسه حالتها صعبه جدا عندها عشر اولاد وزوجها معذبها <<<<<<والله ماألومه ماتفتكرنا الا اذا زوجها غثها وبهدلها ومد يده عليها تجي تتشكى عند أمي وأمي حبيبتي تجلس ثلاث ايام حاطه يدها على خدها تفكر بزميلتها وتصاب بإكتئاب بشكل ملاحظ وملقوفه لأبعد الحدوووووووووود يعني تدخل بخصوصيات عيب الواحد يتكلم فيها وكل واحد من في البيت تسأل عنه مو من الحب لا والله من الحسد والحقد وغيره ان احنا ليش كذه وهي لألأ المهم احنا صرنا نخاف على أمي جابتلها الإكتئاب من مشاكلها والله من غير مبالغه اوقات اصرفها عشان امي ماتكتئب بس تتصل أمي جتها جلطه (امي ضربها ابوي ) <<<<<<<<هذي امي ينهد السقف عليها اذا سمعت رجال يمد يده على حرمه وتجلس متضايقه المهم قبل كم يوم في رمضان اتصلت الساعه 2 بالليل قلتلها امي بالحمام قالت طيب ورجعت اتصلت الساعه 4 ونص الفجر <<<<<<<<<<<واحنا للمعلوميه مانستقبل اي اتصال بعد الساعه 10 بالليل طبعا انا اتفجعت مين اتصل اخر الليل لايكون اختي جتها ازمه قلبيه رديت طلعت هي قلت لها في شي بكل جفا وامي كانت جنبي وحاطه يدها على قلبها لاتكون اختي قالت لألألأ بس ابغا اطمئن على امك قلت لها دحين الساعه 4 الفجر واعطيتها أمي أمي من فجعتها ردت عليها بكل جفا حست الحرمه انها غلطت وتأسفت وسكرت السماعه اتصلت ثاني يوم تبغا امي تجيها قالت لها امي في رمضان صعبه يادوب الواحد يتعبد المهم انتوا عارفين رمضان كيف وقتوا في العباده والطاعات أمي انشغلت عنها وماكلمتها امس اتصلت بنتها الساعه 12 ونص رديت عليها واعطيتها أمي بعدين امها كلمت امي وجالسه تقولها انت زعلانه انت في ايش مشغوله لاتكون تجهزي البنات وقالت لها اشفيهم بناتك مايحبوني ؟ ولاعشانا مو من مقامكم وسكرت السماعه <<<<<<والله ياجماعه احنا مو من الناس العنصريين (انا اكرمكم عند الله اتقاكم) واحنا كل خوفنا على امي المهم اليوم اتصلت بنتها (حسبي الله ونعم الوكيل) بعد الفطور بساعه ألو قالت: ممكن أم .... قلت مين معي ؟ قالت : فلانه قلت : مافي السلام عليكم قالت: ايه قلت: الله يهديك امي راحت الصلاة. طب سكرت في وجهي وانا من لحظتها اغلي واتحسب عليها يعني اكثر من كذا محترمينهم وماغلطنا عليهم انا ايش اسوي دحين اكيد بيتصلوا علينا مره ثانيه وانا عارفه بنتها هي متصله عشان تعمل هذي الحركات فينا وتقهرنا ان كان انا او اختي انا والله ماودي اعيق امي بسبب زميلتها على فكره من كم شهر قلت لأمي من بر الوالدين ان ابر بصحباتك بس سامحيني ياأمي الا هذي ماأقدر اواصلها وامي قالت لي مسامحتكم كلكم فيها ايش اسوي اذا اتصلت ؟ كيف ارد عليها ابغا اقهرها وسامحوني |
السلام عليكم
روح الغالي.. كلمي الوالده بصراحه و قولي لها كل اللي يضايقك في زميلتها بس من غير ما تجرحين والدتك ، و قولي لها انك تتضايقين لمن تشوفينها متضايقه عقب اتصال زميلتها. هي الصداقه صحيح مهمة... لكن من كلامك اختي باين ان زميلة والدتك مو صديقه... لأن الصداقه أخذ و عطا مو بس أخذ و بعين فارغه((اعذريني بس هذا الانطباع اللي أخذته من كلامك)) من كلامك .. أحس أن زميلة والدك صايره زي الشوكه في حلوقكم انت و اخواتك و الوالدة... و يمكن الوالد بعد فيه كتاب اسمه :"دع القلق و ابدء الحياة ، لا تقلق لصغائر الأمور" في أحد أبواب الكتاب يتكلم الكاتب عن الموضوع هذا يقول لما أحد يرمي كورتك باتجاهك... لا تشيلها يقصد.. الآخرين يرمون بهمومهم عليك يبونك تشيلها عنهم زي الكوره... بس التصرف الأمثل انك ما تشيلين همهم ، لأن كل شخص عنده من الهموم اللي يكفيه. انت حاولي تقنعين الوالده بأسلوب كويس و لا تتصرفين من وراها مع زميلتها لأنك بكذا بتجرحين شعورها الله يخيلكم لبعض:) |
اذا كان عندكم كاشف لا تردون الا في وقت يكون مناسب
او غير رقم التلفون . |
غيروا الرقم أحسن لك من عوار الراس أو من يجي وقت الساعة عشر خلاص سحبوا واير التلفون.. وإذا شي مهم من أهلج راح يتصلون على الموبايل..
|
ياحبي للمشاكل :d
شوفي يااختي انا عندي حركة رح تفقع قلبها وقلب بناتها بعد :23: اذا اتصلت البنت وماقالت السلام عليكم ترى بناقص ..قولي (نعم) بحدة وبجراءة وبقوة بعد ..:29: اذا طلبت البنت امك قولي لها اتصلي بعد ساعة (بدون ذكر اسباب) وسكري السماعة بوجهها على طول :17: :17: واذا اتصلت بعد ساعة اعطيها ساعة كمان وسكري بوجهها .. ههههههههه وانا اضمن لك انك رح تربيها وتعيديها لعقلها .. اما اذا اتصلت الام فقولي لها (امي تتروش - امي خرجت - امي عندها غسيل - ....الخ ) صرفيها .. اما اذا الام سكرت بوجهكم انتم كمان فعامليها بمثل طريقتها وسكري بوجهها .. صدقيني هذي الطريقة رح تخليهم يحترموا انفسهم ويعيدوا حسابتهم.. ومدام الوالدة قالت انكم في حل من هذي المرة وبناتها فأعملي بنصيحتي وانتي مرتاحة الضمير.. :14: |
اختي الحبيبه (هند بنت عتبه)
الله يسعدك وهذا فعلا اللي حاصل احنا صارحنا أمي وامي نفسها بدأت تلاحظ نفسها كيف نفسيتها تتقلب لما تكلمها بس امي ترحمها تقول مسكينه وقلت لأمي تراها ماهي مسكينه شوفيها ايام فرح بنتها وايام الوناسه ماتسمعي عنها كلمه بس لما تكون متضايقه تجيكِ على طول عشان تغثك وتونسيها وبعدين تروحي وفعلا امي لها صحبات مره غاليات علينا وفي وحده(ام صالح) الله يسعدها ويريح بالها افتكر مره امي مرضت والله العظيم انها مرضت مع امي بسبب مرض امي والله مره جلست تدور في المستشفى غرفه غرفه تدور على امي الين لقتها ومره اخذناها معانا العمره ثلاث ايام وفعلا الصديق الحقيقي يعطي اكثر ما ياخذ اما هذي حسبي الله ونعم الوكيل وشدتيني كثير على الكتاب ممكن تعطيني اسم المؤلف؟ على فكره دوبها اختي قالت لي ان امي قالت لها ان البنات يضايقوا من الهموم اللي توصليها لي . مره قلت لأمي ترا محد بيخسرك ويحتاجك غيرنا.... ردت امي علي ...وانا مالي غيركم حبيبتي هند انا بأقول لأمي وان شاء اله ماأتصرف بطريقه تجرح امي ربي يسعدك ويفرج همك وينولك مرادك |
اخواتي الحبيبات (شايله جروحها _ماريمو)
عندنا كاشف اذا ماردنا تجلس تدق قسم بالله اكثر من عشر مرات ورا بعض من غير حيا واقتداء بالرسول صلى الله عليه وسلم. ومستحييييييييييييييل نغير رقم تلفونا . واما نفصل التلفون مستحييييييييييييل لازم الناس تحترم قوانين بيتنا وحرمته وخصوصيته 10 يعني 10<<<<<<<مثل بيت الطالب وربي يسعدكم على مساعدتكم ويفرج همكم وينولكم مرادكم ويكفيكم شر شياطين الجن والأنس |
مرحبا روح الغالي .. سامحيني في كلام ما فهمته :25: :25: عشان كذي يمكن ردي غير موفق ولكن لا بأس ان اقول ما عندي ... يمكن افيد اللي فهمته ( اذا كان فهمي صحيح ) ان صديقه امك عندها مشاكل وهموم كثيرة وانك ما ودك امك هي اللي تشيل فوق راسها هالهموم .. اضافة الى ذلك اسلوب هالمرة وبنتها غير جيد في التعامل معك ومع اختك صح ولأ لا ... اسمعي يا غالية .... ترى الواحد في هالزمن بحاجة مين يوقف معاه ويساعده والانسان قوي بأخوانه ..... والظاهر ان صديقة والدتك تعاني اشد المعاناة وما لجأت لوالدتك الا لأنها عرفت انها نعم الصديقة ... المرأة الخيرة وهالشئ باين من كلامك عن امك ... وصدقيني ... كلامك عن حدوث اكتئاب لوالدتك ما هو الا من وسوسة الشيطان ... ايه نعم ... صدقيني ..لا تحرمي امك من الاجر ... خليها تساعدها .. ما في اصعب من هالمعاملة السيئة اللي تتعرض لها المرأة من زوجها ... والله حالتها صعبة لا تقولي ... قلبها اسود وحسودة ...ترى هذي من فعايل زوجها وبني ادم يتأثر باللي حوله وان شاء الله ربي يهديها على يد والدتك .. حتى لو ما تغيرت ... الله سبحانه وعد اهل الخير بالثواب والاجر في الدنيا والاخرة .. وهو اصدق من وعد وخلي الاجر من الرب والله يعوضكم بالدنيا قبل الاخرة وموفقة يا غالية . . . اسماء |
اذا كانت صديقة امك مساعدتهم واجبه عليكم شوفي حالتهم الماديه وضعهم الاسري كيف ومهما حصل الاجر لكم احسن من انكم تضايقونهم لان المسلم اخو المسلم لا يظلمه ولا يشتمه ...........................الخ واذا لزم الامر اطلبو منها سلفه مبلغ مالي وقدره ما راح تشوفون اي اتصال |
الله يسعدك (أبو فراس ) شكلك ابو عرام ايام المدارس
<<<<<<<<<<<تعرف ايش يعني ابوعرام؟ على فكره كل الي قلته عملته عشان كذا هي انقهرت وحست واول مره بصراحه يتصلوا من غير مايسلموا وتسكر بوجهي لا واللي زاد الطين بله انها بنتها وسيعت وجه مو هي يعني بالمنطق بنت في سني ايش تبغا بأمي الا كمان عشان تغمها هي كمان (زوج بنتها معذبها ) في نظرهم ان الأب وزوج البنت غلط لكن يعلم الله انهم على حق وما ينلاموا ترا على فكره البنت وامها نفس الطينه الأثنين يحطوا بلاهم ومشاكلهم على امي ويرحوا امي تنصحهم وتعطيهم افكار وحلول (امي عمدة الحاره) ولكن هم ماهمهم ولايسمعوا كلام امي ولابنصائحها بس يبغوا يتشكوا ويرموا بلاهم مثل ماقالت اختي هند يرموا الكوره اعطيني افكار ياأبو عرّام <<<بس بالله عليك من غير ماأزعل امي وربي يسعدك ويريح بالك ويفرج همك وينولك مرادك |
| الساعة الآن 12:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©