الى اصحاب الخبره مساعدتكم تكفون
 

بسم الله الرحمن الرحيم
السلام عليكم ورحمه الله وبركاته
اخواني حبيت منكم مساعده بسيطه للي له تجربه وسافر
انا انشألله زواجي بالصيف الجاي نصف شهر 6
وحاب اسافر ماليزيا ان انشألله بس للي عنده خبره ويقول لي متى ابدأ الحجز يعني قبلها بكم لاني سمعت من واحد من زملائي يقول يبيلك قبلها بخمسه اشهر هل هو هو صحيح ام لا
وهل الحجز يكون بجواز السفر لان زوجتي باقي ما طلعت جواز سفر
يا ليت اللي يعرف يقول لي وعنده خبره تعرفون بالصيفيه يكون زحمه ويا ليت بعد اللي عنده خبره بالمكاتب السياحيه بالرياض او جده يقول لي ترى اخوكم محتاج مساعدتكم ولكم مني جزيل الشكر والعرفان
اخوكم مظلوم الحب

وينكم ياجماعه ردوا على زيارات بدون ردود

فعلا انا سامعة ان الحجز لازم يكون بدري

بس ما أتوقه قبل بسته أشهر احس انها كثيرة

وأنصحك بمكاتب السفر والساحة مثل الطيار والفرسان وغيرها من المكاتب

احجز للطياره من بدري...لانه بالصيف كثير من اهل السعوديه يروحو لماليزيا..وقبل موعد سفركم بشهرين اعمل حجوزات الفنادق ومو لازم يكون جواز سفر زوجتك موجود عشان تحجز سواء للطياره او للفنادق..

مكاتب سياحيه في الرياض شوف الطيار او المؤيد..

مشكوره اختي المحترمه
مشكور اخوي crestalla
على الردود بس اتمنى ان من يدخل على الموضوع ان يفيدني اكثررررررررررر
اشوف الزيارات بس ردين

انا سافرت العام الماضي وانصحك تحجزفبل السفر بشهرين على اقل تقدير ولازم تطلع زوجتك جواز سفر لانه يطلبونه في المكتب عندما تقطع التذاكر لانهم يطابقونها بالمعلومات اللي في الجواز

مشكوره اختي rozem222
يعطيك العافيه

حبيبي مبروك بتروح ماليزيا والله انك رهيب ياخي انا عندي لك نصيحه مجرب انا قريت موضوعك حق المتزوجين وداري انك ماشفتها ولا تعرفها الا بليلة الدخله

لاتسافر لاتسافر لاتسافر اجل سفرتك بعدين

اذا لازم تسافر وهذا اللي انا اشوفه عشان تفتك من اهلها لك كم يوم رح اسبوع لجده اذا من من اهل جده واذا من اهل جدة روح للامارات بالذات الشارقه سكنها معقول واسعارها معقوله واقدر اخدمك بموضوع جده او الشارقه

ولاتصرف في سفرك والله ماهي داريه عنك والله رحت روحة خساير على الفاضي تروح مع شخص اول مره تروح معه ياخي لو انه رجل بتروح تتمشى انت وياه بماليزيا ولا يعرفك ولا تعرفه بتدفع وتخسر على الفاضي

انا انصحك تسافر بعد شهرين الا ثلاث شهور السفر اول ايام العرس خله قريب وسهل ورخيص عشان ماتصرف على واحد مايدري وش قاعد تسويله اصلا لانه مهو يمك رح عمره واتمشى لك اسبوع وخل ماليزيا مره ثانية لو السنه اللي وراها او في اقرب فرصه لو بعد شهر ونص اقل شي او اجلس بالبيت اول شهر وسافر ثاني شهر بتكون عرفتك ومنت عليها ومانت عليك مهو تروح مع شخص اصلا مايتكلم معاك



<<<<<< نصيحه مجرب وانت براحتك