|
مشكلتي مع زوجي المتسلط؟؟؟؟؟؟؟؟؟
السلام عليكم
بصراحه زوجي جاف جدا في معاملته معي يبغاني خادمه له ولأهله أخوانه متزوجين ولكن الكرف علي أنا في رمضان هو طبعا الكبير يبغى الفطور والسحور عندي على طووول قهرني أقوله المفروض كل يوم عند واحد من أخوانك لكن لاحياة لمن تنادي أهل زوجي جو من منطقتهم وكل يوم عندي تعبت وأخوانه راضين يريحون حريمهم وأنا كل يوم أفطر16 نفر على حساب صحتي ويقول أسكتي هذا أجر لك طيب هذا فوق قدرتي لكن مايسمع لي أبدا وأم زوجي حتى كثر الله خيرك مافي مأسمعها منها وأشوفها تحترم حريم أولادها وأنا لا لأن زوجي ظاغط علي عشان يرضي أهله وأخوانه وحريمهم على حسابي بالله مو ظلم ويش أسوي معه وهو إنسان مايتفاهم إلا بالصراخ ساعدوني في حل مشكلتي جزاكم الله خير. |
عليكم السلام ورحمة الله وبركاته
يابعدهم ياراما أنت ِ الله يكون بعونك يـارب ويرفع من قدرك عند زوجك ويسخره لك يــــارب برأأي ياراما إنك تنتظرين وقت راحة زوجك وهو مروق تكلمينه بهدوء وتفتحين الحوار معه وتكلمينه بأسلوب اللين والإقناع ، قوليله أهلك على عيني وعلى راسي وأنت من فوقهم بس أنا أتعب كثير لأنه كل يوم علي الشغل ماراح أتفنن لك كثير هذا من ناحية إني راح أرفع راسك عندهم ! من ناحية الأجر أنا بعد أتمنى أكسب الأجر مثلك بس لكل شي طاقته ! وأهم شي قوليله ترضى تكون زوجتك مغلوب على أمرها عند زوجات أخوانك وكأني مالي كلمة أو رأيي وهكذا أدخلي له بحوار عقلاني واتركيه يفكر وبإذن الله راح تتفتح عيونه شوي وينتبه لراحتك أنا ماأبي أقولك لا تسمعين كلامه واحقيره ولا ّ ازعلي وخليه يتوهق مع أهله لأ أنا أبيك تحاولين بكذا طريقة وبإذن الله مهما كان أي إنسان فيه رحمة أو عقل يتحكم فيه أكثر وبيتغير الوضع بينكم للأفضل أهم شي ياراما لا تقللين من شأن اهل زوجك عنده علشان يعرف إنك مقدرتهم ومحترمتهم ماأوصيك إصبــري على زوجك وتذكري كل ماتذمرتِ من الوضع وماألومك والله إنه زوجك جنتك ونارك ، برضاه تفوزين بجنات النعيم وبغضبه منك خطأ كبير الدنيا تحتاج صبـــــــــــر الله يصبر قلبك ويكتب لك الخير |
|
اقتباس:
كلام جميل |
بما أن أهل زوجك من منطقة أخرى يعني مو على طول عندك
والضيف له حق الاكرام يعني اذا زوجك طيب معاك ويحبك ويقدرك اتحملي شوي عشانه أما بالنسبة لأهل زوجك اذا كنتي اخذه عليهم وضحي لهم انك بحاجة لمساعدتهم في اعداد الوجبات واذا مو اخذه عليهم لمحي لهم وممكن تجيبي خادمة ثانية لمساعدتك والله يعينك ويزيح همك |
زوجك رجل افرحي فيه ..... والرحمه طيبه بالزوجه نبهيه
|
الله يكون بعونك اختي اصبري و احتسبي للأجر.. و استعيني بالله و ربي بيأثرك على الباقين دايما ادعي "ياحي يا قيوم برحمتك استغيث. أصلح لي شأني كله، ولا تكلني إلى نفسي أو إلى أحد من خلقك طرفة عين، اللهم آثرني ولا تؤثر عليّ، وانصرني ولا تنصر عليّ، وأكرمني ولا تهني، واجعل لي من كل هم فرجاً ومن كل ضيق مخرجا" كان الله في عون الجميع |
كان الله في عونكِ!!
الحقيقة أن كثيراً منا معشر الرجال يقع دائماً في هذا الفخّ، إذ ينظر بعضنا إلى رباتِ البيوت - زوجات كنَّ أو أمهاتٍ أو أخواتٍ - على أنهنّ آلات تعملُ ليلَ نهار. ويقايض ذلك بأنه يتعب ويكدّ، ثم ينتهي إلى حكمٍ بأنّ على ربات البيوت أن يقبضن نصيبهنّ من التعب والنصب في الحياة، و "مفيش حد أحسن من حد". اقتباس:
وفقكم الله وسامحونا، عبدالله،،، |
طيب ليه ما تمثلي يوم إنك تعبااانة
وروحي المستشفى وطبعاً هذا مو كذب .. لأنك فعلاً تعباااانة !! وبتهيالي راح يتغير الوضع ويروحوا عند سلفاتك .. يعني شويا ( كيد نسائي ) مو مشكلة !! |
فعلاً كما قالت حسابات الزمن إن كان الكلام لا يجدي نفعاً فأرى أن تقولي لهم في يوم بأنكي متعبة وغير قادرة على إعداد الإفطار واطلبي منهم القيام بذلك تحت إشرافك وأخبريهم أن هذا التعب ناتج من الضغط المتواصل ونصيحه هامه حبيبتي لن ينفعك أحد سوى صحتك لذا لا تترددي بعد اليوم بطلب المساعده منهم كي يعاونوكي في شئون الطبخ طيلة هذا الشهر فلكل إنسان طاقه (الله يكون في عونك) وأنا لن أقول لكي اصبري واحتسبي الأجر نعم بالتأكيد سيكون لكي الأجر والثواب على ما تقومي به ولكن أيضاً لا يستطيع الإنسان القيام بمجهود مضاعف يفوق قدراته
|
| الساعة الآن 08:23 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©