هل يحصل لكم زي الي يحصل معاي
 

تجي زميله لك وتقول لك في واحد يدور عروسه وتقوله في واحده بس اسالها رايها وتقول لك بعض مواصفاته وتسالك رايك اذا موافقه والا لا )علما باني مابديت موافقتي ( وبعدين لاحس ولاخبر ........... علما بانها هي مو متزوجه

طيب ليش ا ؟؟؟؟؟

اختي تقول بعض البنات تكون هي نفسها تتزوج عشان كذا تفتح معاك الموضوع


واكثر من مره يحصل معاي نفس الموقف


واحده شافتنني في دار لتحفيظ القران جيت اسجل اول مره وبعدين سالت متزوجه والا لا وكم عمرك وعلى طول من اولها قالت لي في عريس وقالت بعض مواصفاته وسالتني راي قلت لها ان شاء الله خير بعدين قالت ليش في احد متكلم عليك والا في بالك احد قلت لها لا بس اشوف وبعدين ارد لك خبر قالت طيب اعطيني رقم الاهل قلت لها طيب واعطيتها واليوم الثاني طلبت الرقم ثاني لاانها ضيعته وقالت ترى في واحد ثاني وهم اثنين وقالت على مواصفاته وقالت انا اجيب صورته وبعدها لاحس ولاخبر وكل يوم تشوفني ولافاتحتني في الموضوع

السؤال ليش سوت كذا ؟؟؟ انا ماطلبت منها عريس انا جيت ادرس قران مو جايه عشان زواج


وغيره كثير يكلموك عن موضوع وبعدين لاحس ولاخبر

انا بعد كذا صرت لو واحده تجي تقول لي في عريس اقول لها لا مابغى اتزوج :d لاني متاكده ماراح يجي من وراهم شي طيب كله كلام في كلام

وانتم ياترى بيحصل معاكم نفس لشي ؟؟

اى يحصل اذا مو كل البنات فأغلبهم فى حرييم يسون الحركات هاى عن قصد يبون يشوفون ردت الفعل انا بنت عمتي متزوجه من سنه و نص و عندها ولد قبل رمضان يات حرمه تخطبها حق ولدها!!

'طيب هي عارفه انها متزوجه؟؟

وايش تبغى ردت فعل واحده متزوجه تكون؟

لاحول ولاقوة الا بالله مادري ايش صار في الناس

ربنا يكتب لك الخير حيثما كان

ويرزقك بابن الحلاااال الذي يستحقك

ياما تحصل واااااااااااااايد

ربنا يرزقك بالزوج الصالح

أختي أحذري من هذه النصابات ولا تلغ لهن بالا فلربما ورطنك في مشكلة أنت في غن عنها ، من أراد الزواج فليأتي من الباب وليس من النافذة من اراد أن يخطب فليذهب لاهل الفتاة لا أن يخطب من الفتاة نفسها

انا بصراحة مامر علي مثل هذا الموقف

لكن انا بشكل عام اذا احد سألني احاول أكون دبلوماسية في ردودي كثير وطول الوقت ابتسم وبس وماعطيهم لاحق ولاباطل

مثلا تسألني وش مواصفات الزوج اللي تتمنينه؟ عمره؟ شكله؟ <<< ماأحاول اقولها

واذا قالت انا اعرف واحد شكله كذا يشغل كذا ماأرد عليها أبدااااا

والسبب اخاف مايتطور الموضوع وأتفشل ويضيق صدري

انا من كثر المواقف المؤلمة بحياتي صرت احتاط كثير


الله يرزقك يارب بللي يفرح قلبك

لالا ما تعرف شافتها فى عزيمه و اسئلت بنت من و قالو لها فلان خصوص هى صغيره 20 سنه

نجمة صغنونة


mahmoma


جزاكم الله خيرا


محب الغزلان

هم يكلموني على اساس يشوفوا راي وبعدين يجوا من الباب بس مادري ليش هذه الحركات يتكلموا وبعدين يسكتوا ماعتقد نيتهم يسببوا لي مشكله


شوبارد

انا مابينت لهم اني راغبه بالزواج بالعكس انا حاولت اتهرب من كثر الاحراج

ولما يسالوني عن مواصفات الزوج اللي اتمناه من باب المزح بس اقولهم وطبعا كله مزح في مزح

وانا ماعير مواضيع الزواج قدامهم أي اهتمام يعني ابين انها اخر اهتماماتي عكس بعض البنات اللي تبين انها ملهوفه على الزواج وياخذوا البنات عنها فكره انها نفس تتزوج اليوم قبل بكره ويقولوا عنها مسكينه الله يرزقها

اما انا مستحيل ابين لهم هذا الشي واذا سالوني ايش تبغي ندعي لك اقولهم ادعولي بالجنه يقولوا والزوج اقولهم مو مهم اهم شي الجنه


والله يرزقك ياشوبارد انت وجميع بنات المنتدى وجميع بنات المسلمين الزوج الصالح في القريب العاجل