وأخيرا تمت المواجهه...لكن ماهو القرار؟؟ساعدني بالتفكير
 

السلام عليكم ورحمة الله وبركاته

كل عام والجميع بالف خير

سوف ادخل في الموضوع بدون مقدمات ..طبعا انا طرحت من قبل مشكلتي مع زوجي

ومره اخرى مشكلة الارقام اللي لقيتها بالجوال وطلعت ارقام بنات احترت ماذا افعل كدت افقد اعصابي
واتبعت نصائح الاخوان والاخوات هنا..هديت الموضوع وكاني ماني عارفه بشي

لمن رجع المره هذي كنت مغيره في شكلي تماما يعني عامله لوك جديد ..واشتريت ملابس جديده

وكل يوم لبس ومكياج وكلام حلوولا كأن في شي....في بعض الاحيان كنت اتذكر الارقام اللي لقيتها


واتذكر صوت البنت اللي ردت علي وقتها احس اني ابغى اصرخ بكل صوتي من القهر بس اتمالك نفسي

عدت الايام الاولى بسلام طبعا هو ماقال شي ولاعلق على التغيير اللي سويته كالعاده..بس

كنت حاسه انه مبسوط ..بس مايحب يقول ..المهم كنت ناويه استمر للاخر كذا واشوف بعد فتره اذا كانت الاتصالات

مستمره او لا...لكن مره من المرات كنت نايمه وهو جالس عند التلفزيون وصحيت وماحس فيني

جيت لقيت الجوال قدامي قلت في نفسي خليني اشوف فتحت ومالقيت شي..فتحت الرسايل


لقيت رسايل من وا.حد من الارقام ومخزن باسم رجل بس الرسايل غراميه جدا؟؟؟وشفت الرسائل المرسله

منه لقيتهانفس الشي اذا ماكنت اشد مع العلم ان منها صور اباحيه مرسلها لها تخيلو لحد فين وصلت الجراءة وقلة الخوف

من الله كيف يسمح لنفسه يرسل لها هذي الاشياء وهي كيف رضيت بالشي هذا؟؟؟؟؟اكاد اجن!!

وقتها مالقيت الادموعي تنهار وماصارت اشوف شي...رحت لغرفتي وجلست ابكي طبعا هو شافني وجا ماكان يدري

جلس يسالني ايش فيك ؟؟ليش الدموع؟؟لحد ماواجهته...تلعثم وارتبك وتغير وجهه وقال مافي شي

قلت له انا داريه عن كل شي..وقلت له على الرقم طبعا ماجبت سيرة الارقام الثانيه..قال هذا واحد من الشباب

انا العب عليه بس...كنت اتمنى يكون كلامه صح بس انا متاكده قلت طيب دق عليه الان وانا اسمع الصوت اذا بنت ولا رجال

رفض وقفل الجوال طبعا وقتها صرت ابكي وشبه منهاره وقلت له اني تاكدت ودقيت عليها وردت علي ولمن سمعت

صوتي قفلت . سكت شوي...وبعدين قال انا اسف خلاص اعتبريها غلطه وراحت في حالها

..وجلس يقسم ويحلف انه مايعرفها الا من اسبوع ..وكل اللي بينهم كلام على التلفون..وانه اساسا كان ناوي ينهي

كل شي من قبل لا اقول له..قلت له اذا صادق امسح رقمها الان ورسائلها قال بمسحها بس مو الحين

انا زعلت وطلعت من الغرفه وجاني بعد شوي يقسم انه مسحها كلها ومافي جواله اي شي يخصها او يخص غيرها

وانه نادم وحلف مايرجع يكلمها او غيرها ابدا وحاول يقنعني مااكلم اهلي ويترجاني حتى انه باس راسي ورجولي

وانتو بكرامه..وكان شوي ويبكي...بس انا ماادري هل هو صدق نادم ومتأسف ولا تمثيل..زوجي مثل ماقلت من اول

يخاف على سمعته قدام الناس ويخاف من الفضايح..بس المشكله الحين انه غير البطاقه اللي مخزن فيها الرقم والرسايل

وحط بطاقه ثانيه حتى الشريحه غيرها وحط شريحه ثانيه انا خايفه يكون يلعب علي وبيحتفظ بالاشياء اللتي تخصها في


مكان برا البيت..ويرجع يكلم بس بعيد عني وياخذ حذره؟؟؟متردده والى الان مااعطيته كلمه اخيره..وهو كل شوي يجي

يترجاني اسامحه وانسى اللي صار ويقول لي مهما اروح واجي ابقى اسيرك وماغيرك تملى عيني ولا قلبي

وعشان العشره اللي بيننا والاولاد سامحيني وانسي واوعدك مايصير شي يزعلك مره ثانيه وانه كاره نفسه من بعد

اللي صار...انا محتاره ايش اسوي اصدقه وافتح صفحه جديده؟؟ولا اتركه واروح لبيت اهلي ...ارجو منك المساعده

بطرح الافكار والاقتراحات ارجوكم قبل صلاة العيد لاني ماابغى اهلي يجوني وانا بهذا الشكل

اختي تايهه
بعد المواجهه والمصارحه ......... وبعد الندم ....... منه والإعتذار يجب ان تحترمي تلك

لكي تكسبي ثقته ......... وانتي بينتي ذلك ............ دعيه الآن لمخافة الله وتضعي

كامل التصورات امامه بنقاش هادئ.........واضربي له الإمثله بأن كما تدين تدان

فلابد من التوازن في تلك الإمور ............ فلا تظهري اي شئ امام اهلك او اهله

لتكسبي وده ووداده فجربيها فانت اول وأخر من يكسب الإجر والصلاح.............

الحمد لله على كل حال ....

أختي بارك الله فيك زوجك بإذن الله قريب منك والأجمل من ذلك أنه يتفهم الأمر ويعرف أنه في خطر ويعترف بالخطأ ,,,, أتخذتي معه أسلوب التخويف ,,,, وأسلوب الشد ,,,,, لكن جربي أختي أسلوب الإقناع أسلوب الحوار الهاديء إجلسي معه وبين له أن هذه التصرفات التي يقوم بها أنها مرفوضة من عدة أشياء //

1- من الدين الإسلامي حيث قال الله تعالى واذكري له الدليل ومن السنة النبوية واذكري له الدليل
2- من العقل وتحدثي معه قليلاً
3- من المجتمع وتحدثي وفصلي قليلاً

حاولي تخويفه بالله واجعليه دائماً متعلقاً بالله ,,,, لا تقصري في حقه حتى لا يجد مدخلاً عليك ,,, قومي بجميع حقوقه ,,, لاتطلب الطلاق واصبري فأنت بإذن الله تستطيعن أن تتوصلين إلى حل بصبرك واعلمي أن لكل داء له دواء


أسأل الله أن يهدي زوجك وأن يجمعكما على الحب والمودة والخير ....

تبين نيصيحت اخوا حاولي تحلين المشكله بهدوء بس لا تفرطين في الرجال

زوجج اعتذر لج بشكل جنوني ما شاء الله يحبج ولا ما كان سوا هلون واذا طال هالحال بعتذاره راح يمل خلاص سامحيه وعلشان تسكبين ثقته اكثر انسي الي صار وحاولي لا تذكرينه ابهلبنات الي يعرفهم لانه الريال كل ما منعتي عنه شي وذكرتينه يعاند ويحن لهم.. واستمري بتغير اللوك حاولي تتقربين منه اكثر علشان ينساهم..

والله يوفقج

الوزاري

الرفق

الحزين 1

احب بابا وماما


اشكركم من كل قلبي وجزاكم الله خير الجزاء

انا عملت بكلامكم وراح احاول اني انسى او على القليل اتناسى


وادعي ربي كل يوم وليله انه يهدي زوجي ويصلح احواله

اختي العزيزه تايهه
الله يسعدكم دوم
وبسم الله ماشاء الله
صدقيني اني لماواجهت زوجي في موضوع نفس واكثر من مره ان ردفعله انا حر ومره ابغى اتسلى ومره ينرفزويسوي شي الله لايوريك
فتاكدي ان زوجك يحبك وانه نزوه وانشاء الله عدت
ولاكن دامك ساحتيه لاتجيبي له طاري الموضوع هذا نهائيا حتى مع مرور الايام حاولي انك تتناسيه لان النسيان صعب حاوريه زي ماقالو الي قبلي وادعيله فالسر في الدعاء

ووفقك الله انتي وزوجك

شكرا لكي اختي ام السوسه

انا فعلا احاول نسيان الموضوع بالكامل واتفقت مع زوجي على هذا الشيء

واللي ساعدني بالشي هذا اني طلعت مع زوجي اليوم وتكلمنا بهدوء وقال لي انه

ندمان على التصرف هذا وماراح يسويه وانا قلت له انا ماابغاك تبطل عشاني انا

اولا وقبل كل شي لازم يكون الخوف من الله ثم باقتناع منك واعطاني البطاقه اللي كان فيها الارقام

وانا كسرتها بيدي ورميتها بعدها ارتحت شوي والحمد لله انها جات على قد كذاا

واسأل الله العظيم في كل وقت انه يهدي زوجي ويصلحه ويهدي شباب المسلمين

كان الله بعونك
بصراحة الرجال ماعليهم عتب العتب على بنات الحرام الي يخطفن الرجل من حضن زوجته
ماقول غير الله لا يوفقهن لادنيا ولا اخره .

الحمد لله والله فرحت لك والله لايحرمكم من بعض العمركله وييفظ لكم اولادكم

واذاتذكرتيني ادعي ان ربي يهديي زوجي ويحنن قلبه عليه
ويالف بين قلوبنا
يااارب