|
خطيبتي تتهرب مني
السلام عليكم
كيف حالكم اخواني عساكم بخير ان شاءالله انا ولله الحمد قبل رمضان باسبوع ملكت وعقدت القران على وحه مستورة والله يستر عليها وطبعا كما هو معروف كل واحد يشوف خطيبته على طول ناس منهم يشوف خطيبته كل يوم وناس مرتين او ثلاث في الاسبوع وهذا شي معروف .. اللي حصل معاي ان خطيبتي ماتبي تشوفني خير شر وكله تتعذر انها مشغوله وكل ماقاول لها بجيك تقولي بروح للسوق مااقدر بجهز للعيد .. وكله من هالاعذار الين طاح الفاس بالراس اليوم يوم قلت بشوفها في العيد على اساس انها الحين فاضية تقولي اشوفك بس ساعتين مااقدر اطول معاك بيجون خواتي المتزوجات يباركون لنا بالعيد وابي اقعد معهم انا قلت مو مشكله بس في اليوم الي بعده خليني اشوفك عاد وعوضيني عن الايام الي ماشفتك فيها ردة علي تقولي مااقدر اللي بعده بنسافر نتمشى مع اهلي وماراح نرجع الا يوم الجمعه في الليل .. تخيلوا ويوم السبت دوامي ومو فاضي لها... ياجماعه اتمنى اللي مر بنفس مشكلتي يعطيني رايه الله لايحرمني منكم والله تعبت اليوم تهاوشت معها على هالموضوع وقلت لها انك ماتبيني وتتهربين مني وهي عصبت .. اتمنى احد يعطيني حل الله يرضى عليكم ما العمل .. ؟؟ ــــــــــــــــــــــ ملاحظة : تم تعديل العنوان ليتناسب مع المحتوى/ البتول |
أخوي الله يسعدك وكل عام وانت بخير
بصراحه انا ملاحظه هذي المشكله في كثير من الخطاب النوع الأول: (اعرف وحده خطيبها كل يوم معاها يوديها العمل ويرجعها وووووو وكمان زعلان مايبغاها تخرج مع اهلها او تستقبل احد او تتزاور يقولها انا ماشبعت منك) هنا المشكله انه متعلقه فيها ويبغا يتملكها وفي نوع: هي تتهرب منه وماتعطيه فرصه ولاهي اصلا تستمع بهذي الأيام مثل مشكلتك اخوي عاد تبغا رأي اكسبها واغلبها بطيبك وحلمك خليها براحتها هي قالت لك ساعتين روح لها واجلس ساعه واطلع وقول لها عشان يمديك تستعدي تروحي تعايدي وان شاء الله تنبسطي وانا كمان معزوم مع الشباب اليوم بينا اتصال وخذها برحابة صدر ولا كأنك متحسس ولا فيه شي اصلا وفعلا اطلع مع الشباب وهيص وقبل لاتسافر بوقت بسيط يعني ساعتين دق عليها وقولها انا عند الباب انزلي الأن بسرعه . اذا قالت كاني ماني قولها تعالي ماني مطول بأروح انا مستعجل كمان ولما تنزل وقالت لك ادخل قول لأ انا مستعجل واذا احد من اخوانها قالك ادخل قول لا انا مستعجل ومن عند الباب سلم عليها وقدم لها هديه بسيطه(عشان تفتكريني فيها) ا وممكن مبلغ بسيط ( وقولها عشان اذا اشتهيتي شي نفسك فيه) وقبل راسها وقولها انتبهي على نفسك اذا بغيتي حاجه اتصلي عليه وطمنيني عنك حبيبتي. واطلع على طول. اذا تعرف مكان سفرهم ومكان قريب ويمديك تسافر روح لهم فاجأها بس بشرط اخر يومين من رجعتهم وقولها انت فينك انزلي بسرعه طبعا هي مارح تصدق انك بنفس المكان وسلم عليها وقولها ماقدرت انتظر الين تجي فجيت اسلم عليك وراجع وفعلا لاتطول عشر دقائق وامشي <<<<<<<طبعا اتفق مع واحد من اخوانها وخليك بسيط جدا وطنش حركاتها وشوي شوي تتعلق فيك وتشتاق لحركاتك الرومنسيه واذا بدأ الدوام عادي جدا اول اجازه اسبوعيه اتفق مع واحد من اخوانها انه يطلعها لك مفاجأه لها وبكذا تجلس معاك في مطعم ساعتين ورجعها للبيت ويارب يسعدكم ويألف بين قلوبكم ويحنن قلبها عليك اختك في الله |
اقتباس:
و بالتوفيييييييق |
اقتباس:
اما بالنسبه لصاحب الموضوع فانا اقول يمكن البنت مستحيه لانككم توكم مالكين مع الوقت بتاخذ عليك وتندم على الاوقات اللي ضيعتها في تهربها منك.. بالتوفيق اخوي.. |
اقتباس:
فكره اكثر من رائعه بجد مفيش شئ ممكن اقوله كل اللي فكرت فيه لقيتك كتباه هههههههههههه ماشاءالله عليكى عموما بتمنالك التوفيق و اتحملها شويه يمكن لانكو لسه مالكين و الحياه لسه جديده شوى شوى بتأخد عليك :14: و ان شاء الله يتمملكم علي الف خير مبرووووووووووووووووووك مقدما |
الله يهديك يا المهووس ... احمد ربك انك شفتها وجلست معها غيرك حتى النظره الشرعيه مدري يوافقون عليها او لا ... وبعدين تبي نصيحتى اثقل شوي لين تدخل عليها بعدها اجلس قدامها اربع وعشرين ساعه ...
|
بعض البنات تسوي هالحركات تحسب انها تعلق الرجال اكثر
عموما انا متأكده انها طايشه والا احد هو اللي فوق راسها اثقلي اثقلي كل البنات كذا وكلام روح الغالي ما قبله ولا بعده اثقل عليها انت بعد ولا تهاوشها ابد وشوف هي كيف بتلاحق فيك بس لا تزهق |
طنشها ولا تتصل ولا تروح ليها لكي يشعر أهلها بأن هنالك شئ حصل بينكما
|
اقتباس:
اهي باين عليها انها تبي تتغلى بس انت دورك ولازم تتغلى اكثر ( المرأة كالاسفنجة التي تعيش على الماء ولكن المرأة تعيش على العواطف ) اقطع عنها عواطفك وشوف النتيجة |
ممكن انه اهلها هم اللي مأثرين عليها .. يعني ممكن انهم قالولها لاتكلميه مثير ولاتخليه يجيكي .. وهم كاقدرو يقولولك بوجهك لكن ارسلو بنتهم لتوصلك هذا الكلام ..
الله يوفق بينكم .. |
| الساعة الآن 03:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©