منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   لا زال الخصام مستمرا (http://www.66n.com/forums/showthread.php?t=106419)

عيون فتانه 26-10-2006 02:38 PM

لا زال الخصام مستمرا
 
السلام عليكم ورحمة الله وبركاته
قراتو مشكلتي مع زوجي الاسبوع اللي فات (خلافي معاه وضربه لي )،المهم صار لنا احين 12 يوم متخاصمين لا اكلمه ولا يكلمني ولا حتى ننام مع بعض انه انام في الطرف وهو في الطرف الثاني متباعدين عن بعض ،واكثر هالايام انه قضيتها في بيت اهلي لان اجازه يعني كللش ما ندري عن بعض ،انه زهقت ودي ترد المياه الى مجاريها صج ان هو الغلطان بس انه تعبت من هالوضع ،ولا ابي ابتدي بالسلام لاني مو انه اللي غلطت عليه عشان اعتذر منه ،انه ابيه هو اللي يعتذر ويعترف بغلطته بس هو كللش احسه ما يبي يعتذر مع اني تاكدت انه ندمان على اللي سواه ،امس طرشت له مسج فيه عتاب وبعد ما رد علي ،يعني تقدرون تقولون ان احنا صايرين مثل الاغراب اللي عايشين ببيت واحد ما بينا الا كلمة السلام عليكم ،الوضع مو عاجبني ولا مريحني وماادري شاسوي ياليت تشورون علي

uhhh 26-10-2006 03:42 PM

انا بكلمك من ناحية رجل لو كان هو غلطان يمكن يكون زعلان ولازم احد يبدا فيكم بالكلام فلو اعرفه كلمته عشان يبدا بحركات انا اسويها لو صار خصام بس مدام انتي الموجوده بالمنتدى فأقولك لو كنت متخاصم مع زوجتي وش ودي يصير عشان نتكلم مع بعض


اكيد بيكون طالع من البيت في وقت ما

كشخي البيت على اكمل وجه جهزي نفسك له باحلى صوره جهزي له هدية عطر مثلا او سبحه حلوه او دهن عود او شماغ او اي شي حلو يخطر في بالك يعني يكون هدية والله لو نعول مايهم اهم شي تكون موجوده عندك قبل بيوم واذا طلع اكتبي بورقه زوجي العزيز والله احبك ولكن صار بيننا خلاف اتمنى تساعدني لكي يزول وشكرا
زوجتك المخلصه (..........)
واختميها بكلمة احبك وحطي الهدية بجنب الورقة وروحي انتظريه في الغرفه او خلي الورقة والهدية معك واذا دخل ابتسمي له شوي وعطيه الهديه لو كنتي معصبه بيبتسم معك وقولي ماصار زعل وعطيه الهدية وروحي للغرفه والله والله الا بيبتسم ويجيك انتي لاتتوقعي انه يجي اذا كانت نفسه في خشمه ولا ييجي خليه يجلس بالصاله يتفرج على التلفزيون اذا فتيه تاخر سوي نفسك تتعبثين بدروج غرفه النوم واطلعي من الغرفه وسوي له كاسه شاي او كوب عصير واجلسي معاه على على نور شمعه وطفي نور الغرفه والتلفزيون

ان شاء الله بينتي الخلاف واذا حسيتي انه انتهى الخلاف اجلي النقاش بالموضوع - اللي تخاصمتوا فيه - الى ثاني يوم بيتقبل الموضوع وبيعتذر لو كان غلطان


وفقكم الله لما يحب ويرضى

____________________

تم التعديل عشان هذي


نسيت اضيف ان الظرب غباء الرجل وصغر عقله ولا يحل شي بل يزيد المشكله

قولي له قل اللي تبي بس لاتظرب واذا ضربت مره ثانيه معناته انك ماتحبني وبعدين لاتوصلين اي موضوع للظرب يعني لو شفتيه بدا يعصب اسكتي ولا تردين عليه مهما قال لان والله ما اعرف السبب ولكن مايضرب الرجل من الباب للطاقه يفتح الباب ويظرب زوجته طوالي الا انه مهو صاحي اذا هو صاحي وزين معاك اجل المشكله فيك انتي اذا شفته معصب زودتي الكلام معاه او عليتي صوتك او رديتي عليه يمكن يكون غلطان في كلامه بس طنشي احسن من ان المشكله تكبر

ريم2006 26-10-2006 09:45 PM

أختي قوي قلبك وأنتظري


لازم يجي يعتذر لك بما أنه غلطان و أستعمل الضرب !! لازم ينزل نفسه ويجي يراضيك


وأنتي براحتك

بس انا لو مكانك والله ما أحاول أبداء بالصلح لأني مظلومه وهو الغلطان ,,,

الابدع 26-10-2006 10:26 PM

اول شي السلام عليكم ورحمه الله وبركاته

لاتستني من الرجال الاعتذار او كلمة (((((اسف )))) نادرا تلاقي رجال يقولها

بس ممكن يتاسف بطريقه ثانيه غير كلمه اسف

بنظره , بطلب , بأي حركه يسويها

ومو غلط تبدأالزوجه بالسلام حتى لو مو هي الي غلطانه
وتذكري

( خيركم من يبدأ بالسلام)
وماتحطي حواجز بينك وبينه


مافي كرامتي وكرامتك بين المتزوجين

وبس تتصالحوا وتجلسوا جلسة روقان قولي له انك تضايقتي من تصرف هو تصرفه

وانه هو اكيد بيحبك ومابيحب يضايقك

وانك منتي راضيه عن الزعل الي طول بينكم والبعد والجفا هذا

وصدقيني شوي شوي بيتغير مع اصرارك وطولت بالك

والله يوفقك ويهدي سركم:22:

الحـــــــــــزينه** 26-10-2006 10:43 PM

اختى اسأل الله ان ينعم عليك وزوجك بالحياة الهادئه ...فقط اخبرك بأن الرسول صلى الله عليه وسلم خيركم من يبدا بالسلام ولايجوز هجر المسلم فوق ثلاث ليالى يعنى الخصام حاولى لايكثر فوق ثلاث ..........والله يصلح مابينكم

mageed 26-10-2006 10:57 PM

يمكن يكون ندمان بس في رجال مايقدروا يبدؤا بالاعتذار
اعتقد افضل طريقه لو انتو تناموا بنفس السرير كما قلتي ولكن متباعدين ممكن في نص الليل وهو نايم روحي ونامي في حضنه وكانك نايمه ومانتي حاسه بشي صدقيني هدي الحركه ممكن تلين قلبه وبيعتذر لك بعدها ان شاء الله
الله يهدي بالكم وسركم

اختك ام مجيد

بيرو 26-10-2006 10:57 PM

المشكلة ان الرجل دائما ما يكون عنده احساس انه لا يخطئ وليس عنده استعداد للاعتذار ولا للاسف .
والمشكلة التانية انك لو اتنازلتي مرة سوف تتنازلي للابد .
الا الضرب ومد اليد عليكي .
استمري في خصامك له حتي يشعر انها لن تعدي بسهولة ويفكر اكتر من مرة انه يعيدها مرة اخري .
حاولي ان تشغلي نفسك عنه باي شئ ومع اي حد وعيشي حياتك بعيد عنه ولكن معاه عايزاكي تتجاهليه وتحسسيه انك رافضة لتصرفه تماما . واذا حاول يصالحك تقبليه لكن عاتبيه اولا واطلبي منه ان يوعدك انه لن يكررها .
واذا كررها الجئي لاحد من اهله او اهلك حتي لا يشعر انك ليس لك كبير ياخد حقك.

ensaaan 26-10-2006 11:00 PM

شعوره بالندم دليل أسفه
أبتدئي أختي أنت بالسلام والكلام -بدون أسف- بس سولفي معه كأن شيئاً لم يكن
وزي ماقالت أختنا مثلي عليه إنك نايمة ومادريتي إلا حضنتيه , الله يعينك أختي
وجهة نظر

عيون فتانه 28-10-2006 01:03 AM

على فكره زوجي ن النوع اللي اذا هو الغلطان يعتذر ،لكن هالمره مادري شفيه مطول وانه الصراحه ودي ابتدي بالسلام بس ما اعرف شلون ولا ابي يظن اني خلاص نسيت اللي صار ،الصراحه مادري شاسوي انه ما شفته من فتره انه في بيت اهلي من الخميس اللي فات رجعت الاربعاء عشان انظف البيت واغسل ثيابه ورديت رجعت بيت اهلي وباجر باذن الله بارجع ،بس الصراحه جدا محتاره ابتدي بالسلام والا انتظر الاعتذار بس ميولي اكثر اني انتظر اعتذاره((مشكورين اخواني واخواتي اللي عطوني رايهم بنتظار آراء جديده من الاخوان والاخوات اللذين لم يشاركو للآن))

abu_faisal1 28-10-2006 08:38 AM

تزيني له وزيني البيت
وهو بيجيك وانت تمنعي شوي وبيني له انك زعلانة وهو بيراضيك


الساعة الآن 10:01 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©