|
الى المتزوجات فقط
رجاءا شباب ما ابي ردود منكم مهو قصورن فيكم ولاكن اكيد زيي ماتحسون باللي تحسه المرأه
انا حطيت بعض الاسئله اللي في خاطري لان ودي اكون زين مع زوجتي بدون لا اسألها هي ابي انا بسال اسئله لكن مهو شرط انها صار معك نفس الشي بس شاللي تتمنينه من زوجك جاوبيه واذا فيه اضافات حطيهن بعد الاجابه على الاسئله الاجابه لو سمحتن كل اجابه برقم السؤال لتعم الفائده الرجاء الاجابه على الاسئله بموضوعية 1- شنو التدليل بالنسبه لك ؟ 2- اذا زوجك حط مبلغ مالي لو بسيط في شنطتك من فتره لفتره ماهو شعورك ؟ 3- اذا سافر زوجك هل يضايقك لو كان السفر عشان تجارته مثلا او عمل ؟ 4- اذا تناقش معك زوجك بعصبية ماهو شعورك ؟ 5- ماذا تتمنين ان يحظر زوجك فجأه لك مثلا هدية ؟ 6- هل تغارين من اصحاب زوجك ؟ 7- هل تحبين ان تعرفين كل شي عن زوجك ؟ - لو كان لزوجك عنده حساب بنكي خاص ولم يخبرك عنه طبعا انا عامله عشان يكون رصيد للايام الصعبه ولا ابيها تعرف عشان تقنع باللي عندنا من غير لا تعرف ان عندي رصيد اخر 8- هل يضايقك اختي لو عرفتي سرا بالخبر ؟ 9-هل تتغير تظرتك للامر لو عرفتي انه لهدف نبيل؟ 10- لو عرفتي ان زوجك يهدي في ايام رمضان او عيد للناس المحتاجه اشياء غاليه في ثمنها مثل اجهزه كهربائيه ثلاجة فريز يعني بتقولين لو تعطيهم خيشه رز افضل او تقولين جزاك الله خير؟ 11- لو عرفتي ان زوجك يريد ان يثبت حبه لك ماذا تريدين ان يفعل ؟ 12- هل تخافين من مغامرات زوجك التجارية وماهي الضمانات اللي يقدمها لك عشان ترتاحي بأنها خطوه جيده ؟ 13- الكلامات المحببه لك من زوجك لو لم يكون يقولها ماهي اللتي تتمنين سماعها ؟ 14- لو كنتي تشكين في زوجك مالذي يطمنك من هذي الناحية عشان ترتاحين او تبعدين الشكوك عنك ؟ 15- ماذا تكرهين او مالذي يجرحك من زوجك اوتخافين ان يفعله او يقوله ؟ 16- لو كان فيه خلاف بينك وبين زوجك وش اللي يرضيك ؟ هديه كلمه او اعتذار <<<<اذا كان غلطان هذا اللي طاري في بالي والله يوفق الجميع الرجاء من الاخوات الاجابه |
اقتباس:
|
شاكر لك اختي ردودك وبكل صراحه اتمنى اللي بعدك يجاوبون بنفس طريقتك عشان يكون سهل نفهمهم
ولكن ابي دقه في بعض الاجابات مافيه مشكله وفيتي وكفيتي |
الله يوفقك
شنو التدليل بالنسبه لك ؟ يهتم فيني ويسألني عن نفسي ويهتم بصحتي ولا يحوجني لغيره 2- اذا زوجك حط مبلغ مالي لو بسيط في شنطتك من فتره لفتره ماهو شعورك ؟ بالفرح...لانه دليل رغبته ان انتمي له ....واهتمامه وشعوره بالمسؤوليه تجاهي 3- اذا سافر زوجك هل يضايقك لو كان السفر عشان تجارته مثلا او عمل ؟ لا ابدا....حتى لو ترويح عن نفسه مع زملاه....بشرط ان هالسفرات ما تزيد عن حدها 4- اذا تناقش معك زوجك بعصبية ماهو شعورك ؟ بتكلم عن الحين.....اروق انا واخليه يخلص او اطلع واخليه....وبعدها هو من نفسه يجي يتسامح مني.... 5- ماذا تتمنين ان يحظر زوجك فجأه لك مثلا هدية ؟ اي شي...اكسسوار جوال....قميص نوم....بنطلون عجبه....بلوزه خشت مزاجه....ساعه ولو بعشرين ريال 6- هل تغارين من اصحاب زوجك ؟ ابدا....بس فيه منهم ناس مو كويسين....دايما ادعي الله ان يحول بينه وبينهم 7- هل تحبين ان تعرفين كل شي عن زوجك ؟ زوجي كتوم.....بس قلبه نظيف....مافيه نسوان لا من هنا ولا هناك....لذلك....اللي يبي يقوله اهلا وسهلا....عدا ذلك بكيفه وعموما انا عرفت في زوجي طبع....مهما كتم يجي يوم ويتكلم....لذلك ما اضغط عليه ابدااااااااااااا - لو كان لزوجك عنده حساب بنكي خاص ولم يخبرك عنه طبعا انا عامله عشان يكون رصيد للايام الصعبه ولا ابيها تعرف عشان تقنع باللي عندنا من غير لا تعرف ان عندي رصيد اخر 8- هل يضايقك اختي لو عرفتي سرا بالخبر ؟ ابداااااااااااااااااااااااااااااااااااااا.....بالع كس....ادري ان زوجي مجمد مبلغ مو سهل وبحياتي والله ما قد طلبته منه ولا حتى عشره ريال....هو ادرى بالسياسه الماليه.....ومادام انه مو راعي خرابيط من اي نوع...اذا مصير الفلوس هذي نصرفها سوا...... 9-هل تتغير تظرتك للامر لو عرفتي انه لهدف نبيل؟ من الاساس افكر فيها انها لغرض نبيل...... 10- لو عرفتي ان زوجك يهدي في ايام رمضان او عيد للناس المحتاجه اشياء غاليه في ثمنها مثل اجهزه كهربائيه ثلاجة فريز يعني بتقولين لو تعطيهم خيشه رز افضل او تقولين جزاك الله خير؟ حصلت انه يحط مبالغ مو سهله .... والشيطان يقول لي انتي اولى....بس اتعوذ من الشيطان....واقول له جزاك الله خير....ووالله اني اجد اثر تبرعاته في حياتنا....سبحان الله تضيق الفلوس علينا مرات لدرجة اننا ما نلاقي عشرين ريال على بعضها....نتفاجأ بإتصال من احد اصحابه يقول ترى لك عندي مبلغ وقدره....وسبحان الله تفرج من وسع....اللهم لك الحمد 11- لو عرفتي ان زوجك يريد ان يثبت حبه لك ماذا تريدين ان يفعل ؟ اذا شافني تعبانه يريحني....لما اعترض على شي يسمع مني....يحسن الظن فيني على طول...ولا ينكر معروف ابدا...ويمسك نفسه عند الغضب....ويبطل تدخين ومعسل.... 12- هل تخافين من مغامرات زوجك التجارية وماهي الضمانات اللي يقدمها لك عشان ترتاحي بأنها خطوه جيده ؟ الى الان ماله مغامرات.........بس بخاف....لان مافيه احد من اهله تاجر...لذلك اكيد ما عنده خبره 13- الكلامات المحببه لك من زوجك لو لم يكون يقولها ماهي اللتي تتمنين سماعها ؟ كل اللي اتمناه من الكلمات اللطيفه يقولها من نفسه....والحمد لله زانت اكثر بعد المشاكل اللي مرينا فيها.... 14- لو كنتي تشكين في زوجك مالذي يطمنك من هذي الناحية عشان ترتاحين او تبعدين الشكوك عنك ؟ يا هالشك اللي بيدمر حياتنا......لا يزول الشك الا باليقين....وهذا باب وااااااااااااااااسع 15- ماذا تكرهين او مالذي يجرحك من زوجك اوتخافين ان يفعله او يقوله ؟ الشك.....ثم الشك......ثم الشك.....لانه بوابة لجميع مساوئ الخلق 16- لو كان فيه خلاف بينك وبين زوجك وش اللي يرضيك ؟ هديه كلمه او اعتذار <<<<اذا كان غلطان اعتذار....ويكون صادق ومن القلب....وبوسه حانيه وعطوفه على الراس.... |
اتمنى اكون افدتك واي توضيح انا جاهزه
|
1- شنو التدليل بالنسبه لك ?
أنه يريحني ويريح أعصابي ويعاملني كأنثى مو رجال ثاني بالبيت ويكون حنين علي وطبعا يسافر بي كل ما أخذنا فتره.... 2- اذا زوجك حط مبلغ مالي لو بسيط في شنطتك من فتره لفتره ماهو شعورك ؟ عادي بالعكس أفرح أنه يعطيني مبلغ مو دون ماينتظر مني أني اطلب منه كريم من نفسه ,,, 3- اذا سافر زوجك هل يضايقك لو كان السفر عشان تجارته مثلا او عمل ؟ سفره وغيابه عني اكيد شي يضايقني ويتعب نفسيتي بس اذا كان ضرورة عمل أو انتداب بتحمل حتى يرجع بالسلامه,, أما سفر خرابيط مع أصدقاءه لا وألف لا استحاله يسافر معهم ولو حصل وسافر أستحاله نكون أزواج من بعدها ,, 4- اذا تناقش معك زوجك بعصبية ماهو شعورك ؟ أتضايق وأعصب بما اني عصبيه وأبدأ اناقشه بعصبيه حالي حاله ... 5- ماذا تتمنين ان يحظر زوجك فجأه لك مثلا هدية ؟ سفر لأي مكان بالدنيا .. 6- هل تغارين من اصحاب زوجك ؟ يعني مو مرة 7- هل تحبين ان تعرفين كل شي عن زوجك ؟ الأشياء اللي تهمني وتخصني في بيتنا وحياتنا اما غير كذا أحترم خصوصياته ولا أتدخل في شي ما يخصني.. - لو كان لزوجك عنده حساب بنكي خاص ولم يخبرك عنه طبعا انا عامله عشان يكون رصيد للايام الصعبه ولا ابيها تعرف عشان تقنع باللي عندنا من غير لا تعرف ان عندي رصيد اخر 8- هل يضايقك اختي لو عرفتي سرا بالخبر ؟ لا بالعكس أفرح أنه يفكر بالمستقبل ويجمع فلوس تنفعنا بعدين .. 9-هل تتغير تظرتك للامر لو عرفتي انه لهدف نبيل؟ شي طبيعي أفرح... 10- لو عرفتي ان زوجك يهدي في ايام رمضان او عيد للناس المحتاجه اشياء غاليه في ثمنها مثل اجهزه كهربائيه ثلاجة فريز يعني بتقولين لو تعطيهم خيشه رز افضل او تقولين جزاك الله خير؟ جزاك الله الف خير بس حاول تتصدق على قد أمكانياتك وعلى قد حالك الصدقه في معناها مو بحجمها او مبلغها... 11- لو عرفتي ان زوجك يريد ان يثبت حبه لك ماذا تريدين ان يفعل ؟ يكفي أنه بوقت المرض يوقف معي ويهتم فيني ويسهر على راحتي وهذا أكبر دليل على حبه لي.. 12- هل تخافين من مغامرات زوجك التجارية وماهي الضمانات اللي يقدمها لك عشان ترتاحي بأنها خطوه جيده ؟ أيــــــــــــــــــه والله اخاف من مغامراته التجاريه واذا على الضمان ما فيه ضمان صراحه يريحني ,, 13- الكلامات المحببه لك من زوجك لو لم يكون يقولها ماهي اللتي تتمنين سماعها ؟ مادري بصراحه بس يمكن اتمنى ومنقطع قلبي على ما أسمع كلمه مديح منه لأنه مهما سويت ومهما حطيت يبقى صامت.. 14- لو كنتي تشكين في زوجك مالذي يطمنك من هذي الناحية عشان ترتاحين او تبعدين الشكوك عنك ؟ الحمدلله ما أشك بزوجي .. 15- ماذا تكرهين او مالذي يجرحك من زوجك اوتخافين ان يفعله او يقوله ؟ اخاف يجرحني بكلمات بشعه وأنا ما أقدر بصراحه أنسى بسهوله,, 16- لو كان فيه خلاف بينك وبين زوجك وش اللي يرضيك ؟ هديه كلمه او اعتذار <<<<اذا كان غلطان اذا كان غلطه كبيـــــــــــــر ما اسامح الا بهديه أعتذار واذا غلطه بسيط يكفي بوسه على الراس وأسامحه.. جاوبت على جميع الأسئله بكل صراحه والله يشهد علي ,,, |
ينقل الى عالم المتزوجين |
مشكلتي اصدق شكرا على ردودك
ريم 2006 شكرا على ردودك شنو الكلمات اللتي تطرب لها اذن الزوجه اذا سعتها من زوجها والله يالمراقبين بلشنا فيكم كنت بكتبه بالمتزوجين قلت تنقلونه للثقافه والتوجيهات الزوجية كتبته هناك نقلتوه هينا احس اني بكره احصل موضوعي بعالم التغذيه والطبخ يعني اخر كلام هذا موضوعي يبقا هينا ؟ |
ريم 2006
4- اذا تناقش معك زوجك بعصبية ماهو شعورك ؟ أتضايق وأعصب بما اني عصبيه وأبدأ اناقشه بعصبيه حالي حاله ... حلووووووووووووووه |
اقتباس:
اقتباس:
بس احساسي اني مسؤوله منه وانه ملزوم يفرحني ويجيب لي اللي خاطري فيه اقتباس:
انا بالنسبه لي عااادي يعني لو انه يسفرني انا ويوسع صدري وبعدين يستأذني في سفره مع الشباب او العمل لأن السفر مع الاصدقاء غير السفر مع الزوجه ... فأنا موافقه وودي يوسع صدره بس لو انه يرفض اننا نسافر بالصيف وبعدين ألقاه مجهز نفسه لسفره لحاله او مع اخوياه اكيد بيضيق صدري لأني أبحس انه اناني :( اقتباس:
لأني أبضمن حياة خاليه من النقاش الهادف اقتباس:
بس للأسف زوجي مايحب يجيب هديه ماادري ليه انا أحب ( الورد ) كـ هديه لأنه يرمز للحب والعاطفه والرقه يعني لو زوجي اهداني ورده أبحس انه يعتبرني وردة حياته اقتباس:
اقتباس:
اما اذا كنت تقصد الماضي .. فلا ماابي اعرفه اقتباس:
اكيد بيضايقني لأنه اولا خبى عني هـ الشي فمعناه اكيد مايعتبرني شريكه ( حياته ) وثانيا انا مو بهيمه ماافهم ولا اقدر .. بالعكس الحين انا الي اقترحت على زوجي الرصيد اللي نودع فيه انا وهو من رواتبنا للأيام الصعبه وعشان نشتري فيه بيت ملك ونستقر وثالثا انا مااحب اعرف اخبار واسرار زوجي الا منه مااحب اني انا اللي اكتشف اسراره اقتباس:
وفي التفكير والتخطيط ... لا مو شريكته ..!! اقتباس:
اقتباس:
لكن لو بغيت اثبات للحب ... مثلا ابطلب منه شي مستحيل وابشوف رده فعله .. مثلا ابطلب منه مبلغ مالي كبير او ابطلب منه يكتب البيت بأسمي وابشوف ايش راح يقول ( طبعا انا مااطلب تنفيذه صدق بس اشوف رده فعله ) واكيد رده الفعل تبيّن الحب هل هو حقيقي او مزيف اقتباس:
طبعا اخااااااااااااااااف والضمان اللي احتاجه هو ان يشتغل في مجاله فقط مو اي مجال يقولون فيه رزق يروح له اقتباس:
اقتباس:
الحمد لله انا مااشك ولا واحد بالميه في زوجي اقتباس:
وأخاف ان يغضب علي يوما بدون مااقصد اغضابه عموما انا اخاف من غضب زوجي لأنه اذا غضب مايعرف اللي قدامه فـ دائما اخشى ان يتهور اذا غضب بس الحمد لله زوجي اذا غضب يستغفر كثير ويذكر الله ويهدى اقتباس:
والرضاوه على هوى المصيبه :22: يعني اذا غلطته كبيره مايرضيني الا شي غالي وكبير اما اذا غلطته صغيره وعاديه يكفي عزيمه غدا |
| الساعة الآن 05:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©