|
يا جماعة الخير قولوا لي كيف أتصرف مع هذا ال
أول يوم العيد من الصبح عايدني زوجي ومستانس عالآخر ليييييييييييش ما أدري ( خاش لي خبر حلو ) ولما صار الضحى يا عند أهلي وعايدهم كلهم من غير عدد ،،، ويوم يبي يطلع قال لي آنا احتمال أسافر باكر مع فلان قلت له وآنا اتمسخر فيه لالالالالالا وين بتروح قال لي بروح مصر كم يوم وبعدبن بنروح الأردن عشان فلان يبي يقدم رسالة الماجستير هذا إذا حصلنا حجز ( وبالأصل حاجزين من نص شهر رمضان ) وياغافلين لكم الله ،،، ويوم صار أمس اتصلت علي أخته تسأل عني وعن اليهال جان تقول أبوكم اشعنده رايح سورية ،،، آنا اهني انصطلت وقلت لها اشدراج رايح سورية قالت أهو متصل في أمي في المطار ومسلم عليها وقايل رايح سورية ( صج حبل الكذب قصير ) وسايرته على كذبته وأمس اتصل وقلت له وين ساكنين في شقة عمي ( أبو زوجي ) ولا في فندق قال لي لأ في الشقة ،،، ومازال يكذب ....................... وآنا من أمس لليوم حالتي حالة بس أبكي وأفكر ليش يسوي فيني جذيه ، عمري ما قصرت معاه بشي للعلم آ نا توني طالعة من النفاس وبعد النفاس بيوم سافر ( خوووووووووش هدية ) لا وفوق هذا كله يبت له الولد الثالث ،،، واليوم ما اتصل ولا سأل احتمال أهله بلغوه إني عرفت بسفرته عشان جذيه ما اتصل علي .... ساعدوني ما أدري شسوي إذا رجع من السفر ما أدري أكبر السالفة وأدخل أهلي وأهله ولا أطنش وما أتكلم بس إذا طنشت راح يكررها بعد فترة قصيرة ( للعلم هذي مو أول مرة يسويها فيني مرة قال لي يبي يروح الرياض عنده عزاء وبعد يوم أو يومين يرجع ،، الحبيب راح واتصل علي من خط دولي في البحرين شوفوا الغباء شر البلية ما يضحك ) هم يضحك وهم يبكي ،،، ساعدوني الله يرضى عليكم وأكون شاكرة لكم وسامحوني عشان طولت عليكم ............................ أختكم الشهد كله .................... |
آآآآآآآآآه منكم يالرجال ............ .. تموتون على السفر ..
ترا الرجال كلهم حقون سفريات .. واذا يبغى يسافر يتمصلح او ويدحلس قبل السفر يعني يتمسكن لما يتمكن .. انا اقول لاتكبري السالفه وتتركي البيت وتروحي لأهلك .. خليه يجي وعاتبيه وتصلحي ولاكأنه هامك شي .. لكن اذا جا قوليله على الاقل قولي حتى اروح عند اهلي واتمشى معاهم يعني انت حلال عليك وحرام علينا .. لكن كلميه بطريقة مؤدبه .. يمنع توجيه مثل هذا النقد لجنس بلد معين بعينه .. شكرا |
لا تكبرى السالفة
وسبيها لله وطنشي على الاخر ولا كأن فيه شئ ربنا يصلح ما بينكم |
قبل كل شي احب اقولج كل سنة وانتي طيبة اختي الغاليه
والله يعينج ويفرج همج يااااارب.....انا برأيي انج ما تتضايقين ولا تبكين واتعبين عمرج شوفي انتي اسكتي عنه الحين وبالعكس اذا اتصلتي فيه او اتصل بج هو كوني عاديه وبالعكس تكلمي معاه بهدوء وقولي له مشتاقتلك ومن هالكلام الحلو ....ويوم بيرجع خليه يرتاح من السفر يومين وعقب اجلسي معاه وصارحيه باللي انتي حاسه فيه وباللي يضايقج...بس بهدوووووووووء ....وشوفي رده عليج ....اذا عطاج رد يريح بالج كان بها...واذا شفتي انه ما يهتم واستمر بالكذب ما في حل الا انج ادخلين اي شخص كبير من اهله في الموضوع وان شاء الله تنحل المشكلة وهذا مجرد رأي وان شاء الله الاخوان والاخوات يفيدونج اكثر.....والله يسعدج يالغاليه ويبعدعنج كل ضيق وهم... اختج.... لمني بشوق |
أشكر كل من رد علي وريحني بس يا الغالية لمني بشوق هذي مو أول مرة يسويها عشان أسكت وأطبطب عليه دايماً يستغفلني ويمشي عني حسباله ما أعرف خباياه وسوالفه ،،، والمشكلة ما عنده أهل مثل الناس عشن الواحد يلجألهم ويشتكي عندهم ،،، العايلة كلها أصحاب مشاكل محد فاضي حق مشكلتي ، حتى إذا اشتكيت راح يقولون لي خير ياطير سافر شنو المشكلة ؟؟؟؟؟؟؟؟؟؟؟؟ شفتو ردة الفعل عندهم ، الحمد لله والشكر هذا عشان اللي تشتكي عندهم زوجة ولدهم بس لو الشاكية بنتهم راح يختلف الوضع ... بس آنا ماراح أسكت على هذا الموقف وأبي تقولون لي اشلون أتصرف ....................... |
السلام عليكم ،،، أختي بصراحه انا ما عندي حل لكِ غير المصارحه أحسن شي اتصارحيه لانو متل ما بتقولي مش اول مره يعني لازم توقفيه عند حدو و تحسسيه انك عرفتي بالموضوع يعني الغريب صار بيعرف وين هو مسافر و القريب مش عارف و الله مو حلوه و الله بيعينك |
شكراً لك حورية لبنان ،، وفعلاً هذي إهانة لي إذا آنا عندك في البيت ما أعرف وين تروح ومنين تجي أهلك يعرفون !!!!!!!!!! |
صدق رسولُ الله ـ صلى الله عليه وسلم ـ القائل : ((إذا أتاكم من ترضون دينه وخلقه فزوجوه ... )) لما ذا قال ـ صلى الله عليه وسلم ـ دينه وخلقه ،ولم يقل منصبه، وماله ،وجماله ؛لأنّ صاحب الدّين والخلق يمنعه ذلك من التصرف الأحمق ،والظلم ،فإن أحبّ المرأة أكرمها ،وإن أبغضها لم يظلمها ،ولكنّ كثيرًا من الفتيات وأولياء أمور الفتيات آخر مايفكرون فيه الدّين والخلق إن فكروا فيه ،بل ربما بعضهم يجعل ذلك سببًا لعدم قبوله وذلك من انقلاب الموازين والابتعاد عن شريعة ربّ العالمين 0
|
انا اختي بقول تصارحيه وقوليله ليش تعمل في كذا بنحب تروح اي بلد بس قولي اما اذا اهلك كانو ساكنين بالمنطق الي سافر لها يمكن يكون قصده انك ما تبعتي شي لاهلك او ما يخبرهم انه بلبلد يعني صارحيه لكن بدووووووووووووون صراخ الانه بسير يعاندك بعدين يعني بكل هدوء علشان ما يعديها ويسير يقولك اما اذا جيتيه بصراخ رح يعاند ويبطل يقولك اسئل الله له الهدايه يارب والله يرزقك الصبر ترى زوجي في اشياء من زوجك الله المستعان تحياتي لك ودمتي بخير
|
اول شي كل عام وانتي بخير
ثاني شي اول مايدخل بوسيه على خدينه وقولي له صارت بشرتك بيضه من جوا سوريه وعطيه ذيك الابتسامه الكذبه وبعدين خليه يرتاح وياليت بعد لو تكشخين ذيك الكشخه الي اطيح الطير من السماء وتعرفين المغزا من الكشخه يعنب ليله حلوه وكل ماجاء بيقرب لك عطيه ذاك الكلام الي يسم البدن بس هاااا بطريقه حلووه واحترفيه يعني تدلعي وتنغبجي وعطيه اشوي اشوي الكلام الي بقلبك وياليت بعد لو تحطين راسه على حجرك وتلمسين شعره وبعدين تقومين عند المرايا وتعدلين شعرك وروجك وانتي تتكلمين معه وياليت بعد لو تلبسين قصير مره علشان تحرين قلبه واتحداك اذا ماجاء يركض علشان يراضيك |
| الساعة الآن 03:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©