|
كيف تتفاهمين مع زوجك ؟؟؟( للمتزوجات ولايمنع دخول الأزواج)
أنا وزوجي بعد 3 شهور بنكمل سنتين على زواجنا :d والحمدلله على كل حال :25: مرت السنه الأولى بعدم تفاهم بيننا
يعني زي ما يقولون أول سنه صعبه :( بس بعد سنه صار كل شي تمام:22: و الحمدلله ... بس فيه نقطتين عجزت أتفاهم مع زوجي فيها بقولكم هالنقطين وياريت اللي مرت بنفس المشكله ونفس هالحاله تساعدني في حل الموضوع ,, النقطه الأولى ؛ زوجي الله يحفظه ويخليه لي سمين شوي وتعرفون أن الرجاجيل خلقه جوعهم حار كيف عاد رجال وسمين ويقدس شي أسمه الأكل , وأنا أكرهه شي اسمه طبخ ولا أعرف أطبخ وحاولت مرار وتكرار أتعلم ولا فلحت كله يطلع شين وطعمه مو حلو رحت لأمي تعملني الطبخ (( كأني شغاله جديده )):) ولا استفدت شي ومشكلته أنه طلع من بيت أهله وخالتي أم زوجي فنانه بالطبخ محترفه بالطبخ ما شاء الله عليها , وهو كل ما صلحت شي قال مو مثل طبخ أمي !! تعبت معه , لحد ما أبوي رحمني وقدم لي على الخدامه قال يمكن يخف طقاقكم من هالناحيه ,,:29: اللي عندها زي حالتي زوج يقدس الأكل والطبخ والنفخ والتفنن بالوجبات وهي بالعربي ( كمخه ) عذرا على الكلمه في شي اسمه مطبخ وش تسوي معه !! النقطه الثانيه؛ لما أروح معه السوق لازم وضروري نتطاق او نطلع ولا نكمل من أدخل السوق وهو يركض كل شي بسرعه بسرعه وكل ما لمست بلوزة او بيجامه او جزمه ( وانتو بكرامه ) او حتى أكسسوار قام يقول : يله اخلصي شين شين مو زين اطلعي ,,علما بأنه ما اشاف وش انا لمست والا اخترت ما يدري عن شي بس كذا يشغل الاسطوانه ولا هو بخيل ولو فرضنا أنه بخيل مثلا .. ساعات أكون ادفعها أنا من فلوسي يعني ما له علاقه بالمصروف اللي يعطيني ..هو ما هو بخيل بس طريقته من جد جننتني وأنا :19: عصبيه بزياده ولا أحب احد يستعجلني في أي شي سواء سوق او ترتيب او استعداد لزياره أقارب أكره الرجال اللي يجلس يزن على زوجته ,, خلصي بسرعه يله اخلصي ...الخ اخرتها قبل يومين دخلنا السوق وبرغبته هو انا ما طلبت منه شي من نفسه اتصل علي وقال تجهزي بنروح السوق نبداء نخلص اغراض :15: البيبي قلت له ok ورحنا ما امداني ألمس شي الا ويفتح موووووووواله الخاص قمت عصبت وطلعت من السوق ,, ولاتقولين لي خلاص خلي روحاتك مع اهلك للسوق أهلي صحيح عندهم سواق بس امي روحاتها (أمها ) جدتي كثيره بحكم انها كبيره بالسن ومريضه ولا أحد عندها وبيتها بعيد وأبوي 24 ساعه مشغل السواق روح جيب وروح ودي ولو فرضا تفرغ لي السواق يوم زوجي ما يرضى اني أخذ اختي الصغيره وأروح معها للسوق , يقول خذي اخوك واخوي طول وقته دراسه وبالاساس لسى طفل عمره 11 سنه ... وانا وراي تجيهزات البيبي وحوسه النفاس ولا أبيهم يتراكمون علي بالشهور الأخيره نفسي أخلص جزء منهم بما أني بالشهر السادس اللحين وزوجي بأجازه جالس بالبيت لا شغل ولا مشغله ,,, قولوا لي هالمشكلتين كيف حلهم كيف اقدر أتفاهم معي زوجي حول هالنقطتين وش الحل !! لأني من جد تعبت وطفشت وقرفت ومليت ,,:rolleyes: :rolleyes: :rolleyes: |
السلام عليكم بالنسبة لنقطة الخروج للسوق حاولى تصارحى زوجك وتقولى له انك عاوزه تطلعى السوق بس بلاش يستعجلك الصراحة افضل شئ فى راى يعنى روحى قولى له تعالى ودينى السوق بس على شرط طول بالك واى اما بالنسبة لموضوع الطبخ حاولى وشوية شوية هتتعلمى كلنا كنا كده مش انت بس ولك تحياتى وربنا يتمم حملك على خير :15: |
المشكله صارحته بمشكله السوق
بس يقول انتي تبين زوجك يصير أمعه يمشي وبس بدون ما يتكلم قلت له لا انا ما قلت لك كذا يقول الا هذا قصدك يعني تحسينه يختلق المشاكل بالقوة وأنا بصراحه ما راح أحد ينفعني بكرة اذا قربت ولادتي وأنا ما جهزت أغراض البيبي واغراض النفاس هو مايحس بالثقل والتعب على باله الحامل حالها حال الحرمه العاديه ما تتعب من كثر المشي والدوران مشكله الطبخ هذي مشكلتها مشكله عجزت وانا أدور على أي شي يرضيه ما لقيت غير التهزيء تعبت من جد معه والله تعبت راسي بينفجر من هالمطبخ والأكل وهم الاغراض |
اولا
الله يتمم لك حملك على خير ويرزقك الذريه الصالحه يارب ويقومك بالسلامه بالنسبه لمشكله زوجك مع المطبخ لازم بالاول تقبلينها نفسيا يعني هذا طبع زوجك لازم تتعودين عليه حاولي قدر الامكان تعلم الطبخ وانا معاك انه غثيث بعض الاحيان لكن وش تسوين من واجبك مره بيطلع شين ومره ثانيه شين واكيد بالنهايه بيطلع زين لاتستهين بالدعاء في مثل هذي الحاله اذكر موضوع قرأته بالمنتدى ما اذكر عنوناه لكن اظنه الطبخ بالدعاء او شي زي كذا عن وحده كانت مثل حالتك بالضبط وام زوجها فنانه بالطبخ مثل ام زوجك لكن استعانت بالله وصارت من اول ماتدخل المطبخ وهي تقرا قران وتستغفر طول الوقت لدرجه ان ام زوجها تقولها قولي لي ايش تسوين بالضبط من كثر مو اكلها رائع تقدرين تبحثين عن القصه لو حبيتي تعرفينها اما السوق فهي مشكله كل الزوجات وتفاوت من وحده للثانيه لكن بانصحك نصيحه لاتعودين زوجك على ان دائما تروحين السوق مع اهلك لانه مع العمر بيتعود على كذا وماعاد بيوديك لانه بيرتاح الله يعنيك تروحين معه وتطنشينه اذا بدا الاسطوانه خليه يتكلم الى ان يتعب ومره وعلى مره بيخف كل الازواج كذا بالغالب هذا الي عندي الله يسير لك امورك |
معليييييييييييييييييييييييييييييييييييش على اللقافه بس انا رجل نفس زوجك بالظبط احب الاكل ومستعجل بالسوق والله كأنك اللي في بالي كاتبه الموضوع ههههههههههه بس والله صرت اوديها
عموما انا عندي كم حل سوتهن معي وخلتي اروح معاها للسوق بالنسبه للطبخ حله موجود السوق الخطط التي قامت بها المصونه عشان تقنعني بالروحه للسوق 1- شرايك نطلع للدمام لنا كم يوم عشان حنا مش من الدمام يعني لو انتي بالدمام لاتقولي نبي نروح للدمام بيحس انك ناسحه الكلام من النت قولي منطقه ثانيه والعذر تغيير جو والخطه اسواق ولكن دوجوا كل اليوم وخلي السوق ساعه 2- ابدي اول شي بأبو عشره وبعدين اطلعي على كبير صراحه حركه مشت علي نروح لابو عشره اول مشوارنا اخر محل اكون دفعت الحساب فيه مذركير يعني بعد ما اشترت من ابو عشره مرينا منعند صفه محلات قالت عمري دقيقه بس 3- مدحي الروحه معه ولا تطفشيه انت ماتخليني براحتي الروحه معك تزهق هذي تقهر الرجل وتخليه يرجع للبيت طوالي ويشغلالنت ويكتب بالمنتدى 4- لاتصرفين واجد سواء من جيبك او من جيبه لان اي رجل يفكر المرأه فسقانه وتصرف بدون حساب ولاهي محسبه للي تصرفه عموما انا هذي نظريتي ولا تكلمين في اي محل وتفاصلين على السعر مع اي عامل قولي له ابيك تختار شي من ذوقك ياعمري والله ليفرفر السوق اكثر منك 5- لاتشترين الغالي لان الغالي بيكون قطعه او قطعتين خصوصا للاطفال والله ياعندنا ملابس جا الشتا مالبسوهن اطفالنا بس لاننا اشترينا من محلات معقوله اسعارها نقدر ناخذ عشرين قطعه بقيمه قطعتين من مذركير 6- حاولي تسهلين مشوار السوق عليه يعني طول الطريق اعطيه رشاوي وثناء والله بيستانس كل ماوداك مو تعطينه تحذيرات قبل ينزل من السياره والله بيهون يمكن لو جربتي اللي قلت بتنجحين ___________________ خطط الطبخ بالنسبه لي شريت كتب كثيره لها تظبط شي وتخرب شي 1- ركزي على المكرونه مره بذره مره مع بطاطس مقطعه صغير مره بيضا بدون معجون طماطم مره مع معجون بالنسبه لي احب المكرونه مدري عن غاليج 2- الرز وهو الرئيسي لاي واحد قاعد يربي كرش <<<< حلوه يربي كرش شلون الرز سهل جدا جدا جد احمسي بصل ثواني وفيه خضار مجمدة حطي تقريبا نص كوب او كوب عشان انتم نفرين وكل نفر كاسه شاي ونص من الرز وهو حطيه كاستين بيكون الرز واجد عليكم وحطي ثلاث اكواب مويه المدة تقريبا 15 دقيقه واخر خمس دقايق وطي على النار للاخر اول ماتوطين النار قومي بالخطوه رقم 3 3- وش تحطين مع الرز لو سويتي رز اكيد مش رز حاف فيه دجاج اسمه رضوى يجي بكراتين مستطيله فيه منه ثلاث انواع أ- دجاج منقوع ب- دجاج تكا ج - دجاج تندوري وانتي مجهزه نفسك للغدا خلي الدجاج يذوب وهو بكيسه بعد مايذوب قومي بالاتي الدجاج المنقوع يصير مع الغدا شلون حطيه بقلاية فيها زيت شوي يعني بس عشان الدجاج مايتلازق المدة تقريبا عشر دقايق ويكون خلص غداك لاتنسين الرز يبي يحترق انتبهي له الدجاج التكا نفس الطريقه تقريبا الدجاج التندوري وهو احلى شي حطيه فيه قلايه مع شويه مويه يعني كاسه شاي او اثنتين وقلبيه على كيفك واذا انتها فيه طريقتين للتقديم ياتحطينه بصحن بروحه زي الشوربه وفيه دجاج لونه احمر وطعمه روعه الطريقه الثانيه زي الباقيات ترشينه في نص صحن الرز <<<<<< على فكره الاخ مسوي فيها شيف قاعد يطقطق باختراعات في مطعم يعني بالبيت صاير مدرب بس انا اساعد وهي تنكر وتقول انا مزينته ربي يوفقك لما يحب ويرضى |
على فكره عندنا شغاله بس مدري ليش اذا ما سويت على الاقل لو مره بالاسبوع ما ارتاح واذا دخلت المطبخ قالت الشغاله بابا خراب يبي انا برا اقولها ايه :)
وعلى فكره بعد نسيت اقولك حطي الملح مع الرز ولاتحطينه مع الدجاج لانه مملح جاهز وبدون عظم |
أختي ريم أنا زيك بالنقطة الأولى أكره شي أسمه طباخ ومطبخ بس غصب عندي لازم أتعلم وبديت من شهر رمضان لهالحين أتعلم ومفيه فايدة ... ولا أعتقد اني في يوم من الأيام بصير في مستوى أم زوجي بالطباخ !!! أختي لا تقارني طباخك بطباخ أم زوجك لنها أكيد خبرة في المطبخ وأنتي لو ايش سويتي وتفننتي ما بيوصل لمستواها وخصوصا لذوق زوجك .. أما عن السوق حاولي انك ما تاخذي رايه بكل شي اشتري اللي يعجبك خصوصا لمشترايات البيبي .. وذا حس وسألك قولي له لنك ماتعطيني رايك ولا تساعدني ونا مجبورة اني أشتري مسلتزمات ولدنا وبسرعة وحاولي انك تتفاهمي معه ويعطيك شوية من وقته ويشاركك بذوقه .... والله يتمم لك حملك على خير ويوفقك ;) .. |
أختي smsh
الله يعيطك عافيه على مشاركتك الحلوة وأن شاء الله بنفذ الطبخ بالدعاء والله يوفقني أخوي uhhh فعلا حلولك صحيحه وكلامك كانه كلام زوجي بالذات بــــ( مذركير ) زوجي حاط دوبه ودوب هالمحل يقول مافيه غيره بالسوق!!! تبي الصراحه الله يعين زوجتك عليك ... بس مشاركتك حلوة وحلولك مفيده وبجربها ان شاء الله .. أختي شقرا السعوديه انا مو أقارن بين طبخي وطبخ خالتي أم زوجي هو اللي ذبحني بالمقارنه حتى يقارن طبخي بطبخ خواته وعمته وحريم عمانه كلهم يمدحهم وأنا يذمني ويفشلني ....أخرتها وش يقول بدخلك مطبخ بيت اهلي وتعلمي من أمي وشلون تطبخين!! كأني خادمه جديده يبي لها تدريب ...؟؟ أي منطق هذا اللي يهين زوجته عشان يملى بطنه!!! الله يعين والله يصلح من اللي أخترع الطبخات وأنواعها لو الواحد عايش على تمر ولبن وقطعه خبزة كان أحســــــــن بكثير من حوسه هالطبخات اللي كثر النمل وأصعب منها مافيه ... |
أقتباس : أختي شقرا السعوديه (انا مو أقارن بين طبخي وطبخ خالتي أم زوجي هو اللي ذبحني بالمقارنه حتى يقارن طبخي بطبخ خواته وعمته وحريم عمانه كلهم يمدحهم وأنا يذمني ويفشلني ....أخرتها وش يقول بدخلك مطبخ بيت اهلي وتعلمي من أمي وشلون تطبخين!! كأني خادمه جديده يبي لها تدريب ...؟؟ أي منطق هذا اللي يهين زوجته عشان يملى بطنه!!! الله يعين والله يصلح من اللي أخترع الطبخات وأنواعها لو الواحد عايش على تمر ولبن وقطعه خبزة كان أحســــــــن بكثير من حوسه هالطبخات اللي كثر النمل وأصعب منها مافيه ...) <<<:d والله بهذي صدقتي أنا الفرق بيني وبينك أنه زوجي ما يبيني أدخل المطبخ والله مفتكة:d طيب ليه ما تخلي خالتك أم زوجك تعلمك ؟؟ مافيها شي ... أنتي بتستفيدي وبتقوي علاقتك في أهل زوجك أنا ياما حاولت في أم زوجي تعلمني ما ترضا تقل لي خلك أنتي مع ولدي وخلي المطبخ علي ولا تشغلي بالك !!! وماخليت كتاب طبخ الا وشريته كلها بلا فايدة لني مرة ما عرف ولا شي بالمطبخ واللي رحم بحالي زوجة أخو زوجي مررررة طيبة وحبوبة الله يساعدها علي مستحملتني تعلم فيني ... |
نفس المشكله
شريت انواع كتب الطبخ بس بلا فايده وبصراحه ما ودي أنزل نفسي كأني خادمه لسى واصله من المطار يعلموها الطبخ والنفخ كرامتي ما تسمح لي أتبهذل في بيت أهل زوجي قدام اهل زوجي كلهم من خالي ابو زوجي لجد وجده زوجي وخواته واخوانه يعني بصراحه أحسها أنتقاص بحقي انا واهانه لكرامتي وشخصيتي أني أتعامل معامله الخادمات,,,,,,, |
| الساعة الآن 02:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©