اطفال الانابيب
 

بسم الله الرحمن الرحيم

انا على وشك ان اخوض تجربة اطفال الانابيب بس عندى سؤال هو اللى حيحدد انا حبتديها ولا لأ؟
زوجى مسافر فهل ممكن ان ابتدى فيها لوحدى لغاية ما يحتاجو زوجى فينزل اجازة يومين او ثلاثة لاخذ الحيوانات المنوية منه؟
ارجو اجابتى
انا قلقة جدا انه مينفعش لان ده معناها انى استنى بالشهور لحد مينفع :(

لا اله الا انت سبحانك انى كنت من الظالمين

ربنا يعوض عليك و يرزقك بالذرية الصالحة إن شاء الله

للأسف مش عندي معلومات تفيدك لكن بجد ربنا يوهبلك الذرية اللي تقر بيها عينيك

ربنا يخليكى و عموما شكرا على مشاركتك و على دعائك ، اذكرينى فى دعائك

طبعا حبيبتي بينفع ....ما في داعي تستني شهور
بس طبعا خبري الدكتور إللي بيعالجك عشان يخبرك بالموعد إللي بيتوقع يكون فيه سحب البويضات
عشان زوجك يعمل حسابه قبل فتره تعرفين في تذاكر وحجز لحسن لو فجأه ما يلاقي حجز

اوقلك اذا كانت الدوره منتظمه عندك بتأتي كل 28 يوم
خلي زوجك يكون موجود في يوم 13 من الدوره وما تنسي تخبري الدكتور

ربنا يرزقك ويرزقني عااااااااجلا بالذريه الصالحه

ربنا يخليكى يا حرم معين
بصى يا سيتى انا الدورة عندة منتظمة بس كل 25 يوم و ايام الاباضة عندى بتكون فى اليوم الـ 13 تقريبا فهل سحب البويضات حتكون فى اليوم الـ 13 برضو؟
هو انتى جربتى موضوع اطفال الانابيب ده؟

عموما انا فعلا متشكرة جدا على مشاركتك

طبعا ممكن

انت رايحه تبدي برنامج ابر تنشيط للمبايض 10-14 يوم كل يوم ابرة او ابرتين حسب وضعك وتكون خلالها متابعة عند الدكتور لمعرفة عدد البويضات الصالحة للاخصاب وعددها ( يجب ان تكون اكثر من 3 ) وبعد ما تكون البويضات جاهزة سيجرى لك عملية بسيطة لسحب البويضات وهنا يجب ان يكون زوجك موجود اولا لان عمليتك بالتخدير وثانيا لاعطاء عينة الحيوانات المنوية وبعده ممكن ان يسافر لانه سيتم عمل الاخصاب بالمختبر وتترك 3-5 ايام لفصل البويضات الملقحة والتي بوضع جيد عن الضعيفة ومن ثم يتم حقنها فيك بواسطة انبوب بدون تخدير ويجب ان تبقي مستلقية ساعة بعد الحقن لضمان استقرار البويضة الملقحة


يعني زوجك من المفروض ان يتواجد 1-3 ايام بحد اقصى


والله الموفق ولا تنسي تطمنينا واي استفسار انا جاهزة وبالسلامة

كل علاج طبيب يختلف عن الاخر ..الافضل لكى استشارة الطبيبه

يا جماعة و اللهى انا متشكرة جدااااااا جدا
بس ادعولى ربنا يكرمنى و يكرم كل محروم يا رب يا رب يا رب
انا عندى امل كبييييير اوى ان ان شاء الله الموضوع حينجح ان شاء الله خير انا ناوية ابتدى بعد العيد الكبير عشان مامتى ان شاء الله ناوية تحج السنة دى (ادعولها التأشيرة تيجى) فحستنى انها تكون موجودة معايا عشان اكيد ححتجها
بس سؤال تانى انا بشتغل تفتكروا اسيب الشغل عشان ممكن معرفش اظبط وقتى مع الشغل بالنسبة لموضوع اطفال الانابيب ده؟ يعنى لازم اروح كل يوم اخد الحقن؟ و هل فى كل يوم متابعة مع الدكتورة؟
و هل بعد اعادة البويضات يجب ان انام على ظهرى لفترة طويلة مثلا؟
مع العلم اننى و لله الحمد لا اعنى اي مشاكل و المشاكل موجودة عند زوجى (الحركة و نسبة الحيوانات المشوهة كبيرة)
بصو ادعوووووووووولى ان شاء الله ربنا اكيد حيكرمنى
و متشكرة برضو قوى و الله يخليكو

بس المشكلة فى المركز اللى حتعامل معاه ان شاء الله انه بيشتغل لحد الساعة 5 مساء فتفتكرى ايه؟
و انا متشكرة قوى برضو على الاجابة