الرجاء المساعدة
 

السلام عليكم

ياجماعة الخير ممكن مساعدة تكفون والله يخليكم

بدخل في الموضوع مباشرة
اني علاقتي بأم زوجي جيدة ولله الحمد ، بس المشكلة الي عندي انها أحيانا تشتري فساتين أو اكسسوارات لبنتي الصغيرة وتبيني البسها وتقول لي هذا للمناسبة الفلانية مثلا العيد أو طلعة معينة أو شي من هذا القبيل .
المشكلة أن ذوقها مختلف تماما عن ذوقي . وما أدري شلون أتصرف اذا لبست بنتي أحس مو مناسب أو شكلها صاير يعني مو مرتبة ، واذا ما لبستها أخاف تزعل وأني رضاها مهم عندي جدا جدا لاني شايفتها مثل امي.
ويش الحل برايكم؟
تكفون مو تبخلون علي بردودكم
ومشكوررين.




أختكم فيزياء

يا ربي الله يهنيج على هالحمااااااااة فديتها والله
شكلها طيوبه
حطيها في عيونج

حبيبتي انا لو منج
بلبس بنتي وقت ما تكون جدتها موجوده ....لا وبمدح بالبس وبوصله السما
تكفي والله ابتسامتها وفرحتها ببنت ولدها


ولما تطلعين بدلي البنت وغيري ملابسها بالشكل اللي يعجبج

لبس البنت اول الوقت ثم قولي لها انها وسختها او ما تبغها
ثم غيريلها

أختي هذه ليست مشكله المهم ان ترضي خالتك ام زوجك لان لولا حبها لبنتك لما اقدمت على شراء الحاجيات لها انا برأيي البسيها ما أشترته أمامها لكي تراه ومن ثم أبدليه بما أشتريتيه أنتي وهكذا تنحل المشكله المهم رضاء خالتك

لبسيها عندها ولا زم تشوفه عليها والا تزعل وإذا رحتي مكان ثاني لبسيها على ذوقك وبعدين الصغار يحتاجون أكثر من غيار في الطلعه.. صراحه حبيتها حماتك شكلها حبوبه الله لا يحرمنا شوفة عيال عيالنا....

مشكورين خواتي على الردود وسامحوني ماقدرت أرد عليكم بسرعة كان النت معطل .
وان شاء الله راح اسوي مثل ما قلتوا لي.

وشكرا جزيلا مرة ثانية.