منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   خلاص مليت منه(موتي ولا حياته) (http://www.66n.com/forums/showthread.php?t=106933)

قيثارة 31-10-2006 12:29 AM

خلاص مليت منه(موتي ولا حياته)
 
السلاااااااام عليكم

خواتي معارف شو اقوللكم انا ماصارلي خمس شهور من عرست الحين هن خمس شهور لكن خمس

شهور ف جهنم بس انا والله تعبت ومااعرف شو الحل مع زوجي الواحد كم بيتحمل

الاحترام عنده معدوم وخصه يوم يعصب بس همه نفسه وطلعاته وريحاته عند الشباب والميلس

بس ولا جنه حرمه اي متى مابغى وخصه ف الاجازات وله عمره قالي طوفي بنظهر نتمشى

وين تبين تروحين كله روحي مع اهلج وخواتج انا تعبان مابظهر مكان كنت اسكت لني يوم اقوله

نضارب بس خلاص الواحد كم بيسكت لازم بعد يشوف شو ابا شو ناقصني ييلس معاي مش شرط

نطلع ماشي عنده ايبه ف السياسه ماشي بالضرابه ماشي احترت كم مره استوت مشاكل ورديت

بيت اهلي وكلموه وكلمت اهله بعد مافي فايده احس مش جني عايشه ليتني ماعرست ف بدايه

كان يبيني هو كل شي بيعوضني وبيسويلي ويبلي انه فاهم ويعرف الحياه ولا شي والحين كلله

يتملل يبا يظهر من عندي احس متعقد

معني اسويله اي يباه بس ماشي فايده اغيرله اعدله بعد نفس الشي

هو اصلا من اول الاسابيع عرسي احس خلاص كله روحي بيت اهلج تمي هناك غيري جو

يعني مااعرف ليش معنه هو الي كان مصمم يباني وانا مش كنت وايد متحمسه والحين تغير

شو اسوي ابا اطلق منه احاتي ابوي ابوي ريال كبير ومريض هذاك اليوم يوم رديت ارتفع الضغط

ومادري شو استوابه يعني اخسر ابويه مااقدر ونفس الوقت مااقدر اتحمل الذل وكم مره يضربني

صح يتاسف بس يرد مره ثانيه وكله يقول بعرس عليج والله لو عندي فلوس بعرس ساعدوني

صارت الحياه ممله وارف

بيرو 31-10-2006 12:39 AM

اتكلمي معاه بصراحة وشوفي هو عايز ايه منك ومش ملاقيه او كان يتمني ايه ولم يجده عندك .
اذا اقتنعتي بكلامه حاولي تغيري من نفسك للي هو عايزه .
اذا لم تقتنعي اهمليه تماما وعيشي حياتك مع نفسك وحسسيه انه ولا يهمك يتجوز عليكي او لا اصلا لو هو طبيعي كان تكلم معك ووصلتوا مع بعض لحل للمشاكل وليس التهديد بالزواج عليكي .

عشقي للجنة 31-10-2006 12:45 AM

الله يهديه ويهدي امثاله ما يسون ابيسه وما يقدرون شو معنى الحياة الزوجيه والله اتمنى اتزوج وكل همي اسعد زوجتي وهني اشوف العكس الله يهدييييييييه ويهدي الجميع ...

الله يوفقك اختي اصبري وادعي الله..

~خـــلـــود~ 31-10-2006 12:49 AM

هذا ما يستاهل تضحين بعمرك عشانه

وبصراحة مااقدر اقولك تطلقي أو لا لاني لسه بنوته وماعندي خبرة في هالامور

أتمنى إللي عندهم خبرة يفيدونك

ومن الافضل تستشيري ناس مختصة في هالمجال

بس يعني إذا الحياه معاه جحيم وانتي كارهته وهذا شي أكييييد >>> ايش اللي يجبرك تتحملي هالوضع ؟؟؟

ألزم ماعلى الانسان كرامته



الله يعينك

صريح جدااا 31-10-2006 01:08 AM

انتو توكم في اشهر العسل

والله شيء غريب

انا اشك انه على علاقة باحد غيرك ... تفحصي الموضوع

الله يعينك

بس توك في بداية المشوار

والزمي نصائح الاخوات

AFA 31-10-2006 08:42 AM

أنا تقريبا مر على عرسي اربع شهور...ونفس الشي انضربت وكل مرة انهان وانجرح كل ما يعصب لانه يفر كلام واااايد جارح وكل مرة يقول بردج بيت اهلج وانا اخاف لان ابوي مريض...بس بعدين يتاسف وانا اسامح بس الجرح يتم فالقلب...... اسمحيلي بس في وحدة نصحتني من فترة اني اسويله مفاجآت وهدايا وحركات عشان يحس بتانيب الضمير كل ما يغلط في حقي..... عشان شيه انا دوم ادخل (مفضلة المتزوجين) واشوف شو اللي اقدر اسويه عشان اغير من كآبة حياتي..وعلى فكرة احس ان هالشي ياثر فيه حتى لو بنسبة بسيطة....
والله يكون في عوننا ويهدي ازواجنا ان شاء الله....
اتمنى اكون ساعدتج ولو شوي.....اسمحيلي...

فـهد 31-10-2006 08:55 AM

الله يهون عليك ويزل عنك البلاء والمشاكل عاجلاً غير آجل .

أصبري وأحتسبي وأكثري من الدعاء في آخر اليل وأستشيري ذو الخبرة في الحياة .

دلع ودلع 31-10-2006 09:06 AM

لا أملك سوى الدعاء بأن يصلح الله حاله ويهديه لما فيه الصلاح لكما ولكن اعلمي اختي أن السنه الأولى من الزواج مليئة بالمشاكل نظراً لاختلاف الشخصيات والعادات بين العروسين لذلك خذيه بأسلوب السياسه ومهما كان قاسياً إياكي أن تبادليه القسوه بل عامليه بالحسنى حتى يستشعر تأنيب الضمير

سيف الكلمة 31-10-2006 09:11 AM

لا تشيلين هم ترى هذا حال الشباب اول ما يتزوج يبى يفرض شخصيته وأحيانا ما يكون مهتم للحين هو عايش دور العزوبيه اصبرى عليه بعد شوى وان شاءالله راح يتعدل حاله .

اذا كانت اخلاقه زينه ومحافظ على صيامه وصلاته ان شاءالله راح ينعدل حاله.

وان شاءالله اذا صار فى حمل او الله رزقكم باطفال راح يحس بالمسؤوليه اكثر.

ما يهزك 31-10-2006 09:28 AM

لا لا لا لا طلاااق ولا شي اخيتي اصبري شوي انتو توكم في بدايت حياتكم وهو توه داخل حياه جديده كلشي اختي بالتفااااهم وشوي شوي سايسيه امه سالفة الضرب ما عنده حق


انتي بنت وذكيه والبنات كلهم اذكيااء تعلمي اشلوون تخلينه يرجع البيت ويقعد ويااج حببيه في شي اسمه بيته وانتي


وصبري اختي توج ولا تتضايقين وصبري شوي عارف انه تماده بس الرجال فيه هالغريزه وبعدين هو جديد داخل حياه جديده غير العزوبيه وقاعد يتئقلم ما عليج صبري وبتذكريني بيجي يوم يبا يقعد وياج وما يبا يطلع

بس انتي وفنج شلون تخلينه يجي البيت شوفي شنو ميوله ولا تعصبين وخلج بشوووشه في ويهه عشاان يرخ اهو

يعني تنازلاات شوي اختي


واذكري الله وادعيه انه يهديه وإن شاء الله ربي بينور قلبه ولا تستعيلين صبري شوي وبحكمتج صدقيني بتخلينه مثل ما تبين وبيتعود انه ما يطلع وايد وانه كل طلعه وياااج احسن من برع هاذي مجرد فتره وتعدي صدقيني


تقبلي احترامي اخوج

مايهزك


الساعة الآن 08:03 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©