|
اسلوب التطنيييييييييييش
السلام عليكم يااحلى منتدى
انا بصراحه ضايق صدري وحتى مالي خلق اكتب طفشانه ومكتابه من البيت انا في الترم اللي فات من الجامعه كنت والده وبالتالي رسبت وبعدها اكتابت من هالجامعه وطلعت منها وتفرغت لولدي وقد حكيت فهالمنتدى عن ولدي وماشالله عليه حركي ومتعب وصياح وينخاف عليه بسبب شقاوته وانا لي شهرين مقابلته فهالبيت وروتين يومي قاتل وفظيع وزوجي له شهرين منقلب مدري شصاير له يجي من شغله بالليل وهو مايشوف ويحط راسه وينام ووين وين لما يعطيني وجه كم لي وانا اقوله طفشانه وابغى اطلع يقول تعبان واللا يقول حرام عليك انا كل الاسبوع طالع وتجي العطله مالي خلق اشوف الشارع اقول خلاص حرام واول مايجي اتصال من اخوه او اخوياه على طول وبكل حماسه يطلع معهم ولاحتى يستحي مني بسبب تناقظه اقعد مقهوره واكره اهلي اللي زوجوني وانا صغيره وقضوا على طموحي كنت من الاوائل على منطقتي حسيت ان لملل اقتحم حياتي وانا لسه بهالعمر كنت احلم وطموحاتي مالها حدود وانخطبت وانغريت بالفستان والطرحه ونسيت مستقبلي زوجي عايش مع اهله واحس اني مو ماخذه راحتي باي شي وهم من النوع اللي يطلع كثير واقعد بلحالي بالبيت وعندي سلفتي فالبيت اشوفها تطلع وتروح وتجي مع زوجها لدرجة انها تطفش من الطلعه وبنفسي اشوف زوجها يترجاها تطلع معه تقول طفشت( الله يهنيهم احبهم من كل قلبي ولا احسدهم بس اغبطهم) وانا بين هالاربع حيطان صرت اكره اطلب منه نطلع من كثر ماترجاه ويكسفني والله انا ماتفرق معي لو نلف بالشارع بس عشان احس باهتمامه ومشكلته مايعرف بالرومنسيه والمفاجات حاولت ابادر وكنت مااخلي مناسبه الى اسويله ليالي وهدايا وشموع وهو ولا درى عني في اخر رمضان كان ذكرى ميلادي ولا درى عنه طبعا فقلتله الصباح وقلتله خلنا نطله بهالمناسبه قال طيب وماجا الى الساعه 2ونص باليل وكنت مرره زعلانه عالاقل يدق يقول مشغول حبيبتي ماقدر والله ماكنت ابزعل بس ليه مافي اهتمام وانا مابغى منه الا اهتمام وهو لويبغى عمري اعطيه وهو يدري قام قال ييييييووووووووووه نسيت اليوم ذكرى ميلادك ليش ماذكرتيني قلت قلتلك الصباح قال الحق عليك كان دقيتي علي نهاية الدوام وذكرتيني قلت فنفسي حشا طراره معاد صارت وقالي خلاص خليها بكره قلت خلاص وكشت فيني ولا جاب سيره الا يومكم هذا وحتى لمايغلط مايجي يعتذر يستناني اجيله اخر مرره تكلم على اهلي وزعلت منه مررره ومعاد كلمته لاني انا ولا عمري تكلمت على اهله واحترمهم اكثر من اهلي ولا ارضى عليهم يجي يتكلم عليهم كذا وهم ماسووله شي وماكلمته ثلاث ايام ولا حتى فكر يعتذر وكان ليلة العيد قلت ماله داعي نتنكد في العيد ورحتله انا ولا كان شي صار وجا يوم العيد اهله نايمين وكان المغرب وكنت لي يومين مااكلت قلتله حبيبي بما انه عيد وانا جوعااااانه موت خنطلع من زمااان ماطلعنا قال لا مالي خلق بنستنى اهلي يقومون ونقعد معهم وماقامو الا العشى وراح وتغدى مع اهله ولاحتى قال تعالي افتحي نفسي قعد ياكل مع اخوانه وانا استحيت اروح وبعد شوي جت سلفتي تقول لزوجها يالله نطلع قالها ابشري وبصوت عالي وطلعوا واقوله مدام منت مطلعني ودني لهلي قال مالي خلق مشاوير وبعدين تجي خالتي تقول لزوجي طلع اختك تراها طفشانه وينقز ويقول لي يالله تعالي معنا انا ظاق صدري مو عشانها والله اني احبها زي اختي بس ليش كذا خلاقه مع الناس وانا لا قمت طلعت عشان محد يحس بظيقة صدري وكنت ماخذه معي ولدي مالحقنا نمشي شارعين الا وولدي يصيح ولقيتها منالله وقلت رجعني البيت وانتم اطلعو انا تعبانه وفيني النوم ورجعني وبصراحه صياحه ماكان شديد بس معاد لي خلق اطلع مع زوجي وتصدقون حلفت هذاك اليوم يمين اني معاد اطلب منه اني اطلع لسانه حلو مع الناس كله اللا معي ومايرد لاحد طلب الا انا ليش مو حبيته مو زوجته والا في الفراش بس انا تعبانه نفسيا لاني احبه مررررره وكم من مرره حاولت اصارحه افهمه المح له وهو ولا درى عني ووالله يااخواني انا ماني تافهه بس في اشياء صغيره اذا فقدت في الحياة الزوجيه يدخلها الملل علما باني حلوه وصغيره ودلوعه وهذا موكلامي كلام الناس سواء هو او الحريم ومدلعته ومابغى الا رضاه يمكن هذا هو السبب اني ادور رضاه ولي كم يوم مطنشته اهم شي اوفر طلباته وهو ولا حاس وكان الوضع عاجبه وهذا اللي قاهرني ومكتابه اكتئاب لانه لو يعرف شكثر احبه مايسوي كذا ارجوكم عطوني حل شيروا علي وقولولي وش رايكم باسلوب التطنيش هل اكمل فيه وللا لا ؟ |
هلا الغاليه سردينه
انا ما عندي خبره لاني مالجه ما عرست بس يمكن الاجابه جت في خاتمة كلامج انتي مدلعته يمكن انتي مخليته هو محور حياتج !! اذا كان فرحان ومستانس تفرحين واذا كان زعلان ومتضايق تزعلين تتوقعين انه يعاملج بالمثل وللاسف نفسية الريال مختلفه عن المرأة بعض الرياييل يظنون انهم ما دام يأدون وظيفتهم الاساسيه وهي العمل من اجل الانفاق ..خلاص ما لهم اي دور ثاني وهذا الشي غلط تعرفين يمكن لو كنت مكانج ببدا اهتم بامور ثانيه ...وما بخليه محور حياتي ابدا...نعم بقوم بواجباته الاساسيه...بس ما بحسسه انه اهم المهم !! اذا كانت عندك هوايات مارسيها!! هذا اللي عندي والله يا سردينه ومتابعه موضوعك |
حبيبتي الغليه والله حسيت بيك وعشت مع حكايتك .. وكثير زعلات علشانك ..
استمري باسلوب التطنيش بس من غير نكد .. يعني اعملي حالك زعلانه وحسسيه انه مقصر معك .. وباسلوب اخر اكتبيله كل شئ تحسين فيه اكتبيها باسلوب العتاب مع كلمات هادئه تحتوي الحب اللي تكنينه له .. وفهميه انك حاولتي تقولي له مباشرتنا لكنه ما عطاك فرصه .. وطمنينا عنك حبيبتي |
وانا رأيي من رأي اختي 3thooooooob...عزيزتي مادام انه مو حاس فيج ليش تتعبين عمرج وقلبج وصحتج؟ كوني اقوى من جذي ...حاولي اكثر من مره انج تصارحينه لكن بهدوء واذا ما لقيتي الفرصة اكتبي كل اللي في خاطرج بورقة مثل ما ذكرت الاخت ( دنياالروح ).....ونصيحتي لج عزيزتي انج تهتمين في نفسج وبأمور ثانية وياليت تحاولين بأي طريقة وبالتنظيم انج ترجعين للدراسة ...كيف تتخلين عن طموحج بهذي السهولة ؟:29: اهتمي بنفسج وبزيتج وارتاحي اختي الغاليه....مارسي الرياضة في وقت الفراغ...وشاركي ولدج معاج علشان ما يتملل ....وطنشي زوجج بدون زعل..يعني قومي بواجباتج دون تقصير بس حسسيه بطريقتج انج شايلة في خاطرج ولا تدلعينه وايد ولا تركضين وراه علشان ما يحس انج ضعيفه او شخصيتج ضعيفة.... وصدقيني بإذن الله بيتغير او على الاقل بيحس فيج.. والله يوفقج ويفرج همج حبيبتي... اختج.........لمني بشوق |
السلام عليكم ورحمه الله وبركاته
اختي الغالية .. عليك بإعادة ترتيب اهدافك في الحياة .. لان اساس المشكله انك جعلتي زوجك محور حياتك لكن لتجعلي من طاعة الرحمن اساس حياتك .. اول خطأ ارتكبتيه في حق نفسك هو ترك الدراسة .. لانك تعودت على اجواء الدراسة وزميلات الدراسة ولهذه الاجواء لذة بالرغم من التعب والارهاق النفسي والجسدي .. وانا احس بمعاناتك لاني امراة متزوجه وادرس في نفس الوقت ومستحيل ان اوفق بين مسؤولية الدراسه ومسؤولية الزواج لكن سكني مع اهل زوجي خفف من هذه المسؤوليات ..نصيحتي لك حاولي ان تعودي الى الدراسة لانه سيشغل الكثير من وقت الفراغ بالنسبة لك .. استميحك عذرا لاني ساكتب العامية .. اول شي .. رتبين نظام حياتج على طاعة الرحمن .. ساعه قبل صلاة الفجر خصيصها للصلاه وقراءة القران والتسبيح .. التزمي بقراءة جزء من القران يوميا ولا تنسي اذكار الصباح والمساء ..التزمي بالصلاة في وقتها ولا تنسي السنن ولا تنسي مشاركة زوجك في قراءة القران بتخصيص نصف ساعه او ساعه للقراءة معا وان تنبهيه لقراءة الاذكار ان كانت اذكار الصباح او ركوب السياره او الخروج من المنزل وصحيه لصلاة الفجر ونبهيه يصلي كل الصلوات في وقتها .. ثاني شي .. اذا ماكان في مجال ترجعين للدراسة خذي دورات .. حاولي اطورين من نفسج حتى بواسطة الانترنت وحاولي تسترجعين مواهبك المدفونه و ان تطوريها ..ونظمي لج جدول اسبوعي بعدها بتحسين في تغيير حتى في شخصيتج ولا تنسي ان تهتمي بجمالك روحي الصالون غيري شكلك قصي شعرك مثلا واعملي خلطات في البيت واتزيني وانتي في البيت وابسط شي الكحل العربي وخلج انيقة حتى في هندام البيت يعني الترتيب حلو في كل شي .. ثالث شي .. شكلج قطعتي صاحباتج وزميلات الدراسه والاهل .. اتصالاتج ولقاءاتج فيهم شبه معدومه صح ؟ رجعي هالعلاقات الحلوه صح انت مو مثل قبل عندج مسؤولية ولد لكن الولد مو شاغل كل وقتج عندج وقت فراغ كبير .... رابع شي .. لا تقارنين نفسج باي شي مهما كانت قيمته عند زوجك ... انتي زوجك بدا اخته عليك مع انك ساعه تطلبينه وهي في ثانيه قالها يالله نقوم نطلع ...تصير في احسن العايلات حتى انا تصير لي نفس هالمواقف وكنت احترق من الغيرة كيف يعتبرني اخر اهتماماته ؟ وكنت اعاتبه ما اخلي شي في خاطري على طول اول باول تكون في جلسه مصارحه مبينا .. حتى طلعاتنا قليله لانه كل ما نطلع نتخانق بسبب الاختلاف الفكري .. مره كنت نازله ابكي من السياره واقول ليش يعاملني بهالطريقه ..بعد ما هديت قعدت احط الاغلاط اللي انا ارتكبها معاه كل ما طلعنا واللي تسبب هالمشاكل وناقشته فيها لين ما خفت هالمشاكل بس مستحيل تنعدم المشاكل ... فهمت من زوجي انه ما يحب اني اتشرط عليه في الطلعات هو لما يبا يطلع معاي بيقولي يالله طلعنا .. يمكن مره كل اسبوعين او مره في الشهر تكون طلعه مخصصه لتغيير الجو بس حتى الطلعات العاديه اللي تكون للسوق او المستشفى تقدرين تستانسين فيها وتونسين ريلج ... انتي وشطارتج .. خليه هو اللي يركض وراك مو انت كل مره تبين شي تقولين يالله نسير ويالله نعمل وهو مب فاضي او عامل نفسه مو فاضي .. يابنت خلك اشطر وخليه هو اللي يقولك يالله نطلع ونسوي ... اهتمي بنفسك وطنشيه فتره مو معناته انك تقصرين في حقه .. يعني اقعدي عند اهلك اخر الاسبوع يومين او ثلاثة انتي تغيرين جو وهو يشتاق لك انتي وابنك ... خليه يحس ان اهلك هم اهله ولا حتى يفكر يغلط فيهم يعني بيني له انهم يحبونه ويحبون القعده معاه ..قوليله الماما دايما تدعي لك بالخير وتقولي خلي زوجك في عيونك ولا تقصرين في حقه وبدي اهل زوجك على اهلك ... هالتغيير خصصي له 6 شهور وشوفي نسبة التغيير بعد شهر او شهرين لان الانسان ما يتغير في ساعه او يوم.. وحاولي تتعاملين معاه بالعامل الديني والعاطفي .. وشوفي التغيير والله ايحنن قلب ريلج عليه واهم شي الدعاء دايما ادعي ربج " اللهم علق قلب زوجي في حب الله ورسوله ثم حبي " تكلمت كثير بس لاني انا كنت اعاني من نفس مشكلتج و زوجي كنت احسه مثل زوجك انه ما يهتم فيني واني اخر اهتماماته بس بعد فتره فهمت انه طبيعة الرجل غير عن المراة كنت اقرا عن هالاختلافات كثير بس لما عشتها كان التصرف معها صعب وعلى فكرة الرجل يحس ان انجازاته تكون في العمل بعكس المراه اللي تحس انه انجازها في بيتها واسرتها .. حاولي تشاركينه همومه واهتماماته بدون ما ياثر على نفسيتج تاثير عكسي .. واتمنى اني قدرت اوصلج الفكره وانج استفدتي من كلامي ومن تجربتي .. السموحه على الاطالة اختج في الله |
مرحبااااااا حبيبتي يالغاليه انا تضايقت كثير عشانج ومااعرف افيدج بشنو غير اني دعيت لك من كل قلبي ان الله يريح بالك ويهدي زوجج لج يااااااااااااااارب امين
|
أختي أولاأنصحك ماتكثرين عتاب لأن الرجال مايحبون كثرألتشره بس والله أنصحك تثقلين موشوي ألاكثير وشكل زوجك من ألنوع اللي مايمشي ألا بالتطنيش ولوسألك وش فيك خليك عادي لاتتشرهين قولي مشغوله بالولد وكثري أهتمام بطفلك وخاصه بحضوره عشان يحس بالغيره لاتقصرين بخدمته وحقوقه بس لاتبينين أنك متلهفه خليك عادي ولاتغلطين عليه بالكلام لو تنرفز خليك عادي
|
السلام عليكم ورحمة الله وبركاته . وبعد،
الموضوع شدني لأن زوجتي تقول لي نفس كلامك اني ما انتبه لها وأني أخدم أهلي والناس وهي لأ لكن انتي تقولي أنك خليته محور حياتك وهذا مو عيب ولازم تستمري وحسسيه بهذا الإهتمام وبطلي تطنيش وما عليك ممن يطالبك بالإستمرار وخذي ما أقول لك : زوجتي كما ذكرت سابقا تقول نفس كلامك لكن للأسف هي تطبق العكس فهي ما تحب اهلي ولا تحب احد من حريم أخواني الا وحده منهم لأنها اختها ، وكل ما تقول لها وحده من اهلي كلمه تقوم وتكبر الموضوع اختك قالت أمك قالت حرمت أخوك قالت وانا ما رديت وانت ساكت مع العلم أنها اكثر وحده لها صلت قرابه بأهلي من حريمنا هي واختها بس للأسف انكد ثنتين في العائله الآن هم . كل هذا وسببت خروجي من بيت اهلي واسكن بحالي بسبب تصرفاتها الرعناء وطولت لسانها ، ولما نجي نطلع تبي تمر تشتري السوق كله ومر نأخذ الشيء الفلاني ولا تمر تأخذ أحد معنا لدرجة انها أحيانا تقول لما نطلع ليش ما تسولف معي . فشوفي سبب طفشي منها وابتعادي عنها وممكن اقترح أني اطلع على اي واحد الا هي ما ودي اطلع معها لأني نفسيا طفشان منها ، لأن أهلي عندي بالدنيا فلما تعاديهم خلاص اعتبر الموضوع هنا انتهى وعلاقتي بها فقط من أجل الأطفال اللي بينا . فشوفي اذا كنتي تحسسينه أنك متضايقه من أهله او تكثرين عليه الطلبات فحاولي تخفي عليه لأن هذه الأمور تكره الرجال بزوجته فانتبهي منها . لا اريد الإطاله طبقي ما قلت لك عليه وان شاء الله تمشي الأمور. |
حياتي 3thooooooobمشككككككوووووووووووره ياعمري والله يوفقك فزواجك
الظاهر ان هذي مشكلتي اهتمامي الزايد فيه تعرفين ليش لاني تربيت فبيت وتربيت فيه على ان الحرمه تكرس حياتها لبيتها وزوجها وتحبه بجنوون بس الحين عرفت ان الوحده لازم تتمسك بشخصيه مستقله ويكون لها كيانها الخاص وحياتها الخاصه مع احترامها لزوجها وتوفير كل اللي يحتاج وببدا بالعمل على هالشي ومشكوووووووووووووووووووره حياتي [COLOR="Red"]حبيبتي دنيا الروح نرورتي الصفحه ورح احاول اني اطبق موضوع الكتابه بس انتي ماتعرفين زوجي وصرت اخاف اصارحه مرره اخيره ويكسفني فيها زي كل مرره صرت احس اني مكسورة الخاطر واكثر مايكسر خاطري معاملته لي قدام اهله احسه يزودها ويحب يوريهم ان انا تراني مطنشها ولاعندي فيها ولاتهمني الحريم واكره اشوفهم يرحموني وتجي العطل ويبغون يطلعون ويسالوني ليش مايطلعك زوجك سلفتك تطلع واحنا نطلع وش تقعدين تسوين فالبيت ودائما فاتحين موضوع حب اخو زوجي لزوجته وتدليعه لها ( الله يوفقهم ويحميهم) وانا ماني جماد احس واقارن مهما كنت ماابين بس اي وحده مكاني رح تحس نفس الشي عالعموم نورتيني يااختي ويجزاك الف خير لمني بشوق حبيبتي انا ماابغى منه يقابلني ليل نهار ابغاه يلمني بشوق على اسمك وعالعموم انا قاعده اطبق اللي تقولينه وانا ياختي ماتخليت عن طموحي بس الظروف اصعب من اني اكمل بالجامعه اللي كنت فيها لانها صعبه مررره وباللغه الانجليزيه عشان كذا تركتها وانشالله رح انتسب في جامعه محترمه ورح اكمل دراستي باذن الله والله يوفقك ويجازيك خير على نصايحك حبيبتي alain123 كلامك ينم عن حكمه وعقل الله يباركلك فيهم بس في نقاط انا ماوظحتها لاني كنت في حاله من ظيقة الصدر لدرجة ان مالي خلق المس الكي بورد بس انا ماطلعت من الجامعه الا لانها صعبه وانا رسبت في المواد الاعداديه فانسحبت عشان مااضيع سنين واخرتها افشل انا الحين بسجل في جامعه اخرى انتساب يعني عشان يتيح لي اخذ دورات اقوي فيها لغتي وبدات في التخطيط وبالنسبه للاهتمام انا مهتمه جدا جدا بجسمي ومظهري ومتجدده وهذا بشهادته هو بنفسه يعني مو هنا المشكله وفهذا العيد رحت الصالون وغيرت لون شعري وقصته والكل ابدى اعجابه وفهذاك اليوم قلتله ابغى اطلع معك بمناسبة النيولوك عشان افاجئك فيه قال انا مواعد اخوي نطلع القهوه قلت خلاص حبيبي اعتذر منه ونطلع كل اسبوع تطلع معه مايصير تكنسل معه ونطلع عشان فرحتي بالنيولوك قال لا مقدر خلاص اخلصي وارجعي البيت وانا بطلع معه ولا رجعت البيت يصير خير طبعا وكشت كالعاده بصراحه كسف فرحتي وحطمني مع ان الكل قال مرررره حلو شكلك ولما جا بكل برود يقول حلو تغيير معاد لي خلق اتزين احس ماينفع فيه ومهما سويت اجواء وضحك ووناسه ورقص ( قلت يمكن يحب الاشياء هذي ) مافيه حبيبتي هو حتى ماتركلي مجال للصديقات اذا بناديهم للبيت ممنوع اذا بروح لهم انسي اذا بتقابل معهم فمكان لاتفكرين كل اتصالاتي معاهم تلفونات ولاودي ازورهم ويزوروني حبيبتي شكلك خبره وراعية تجارب وبطبق النصايح هذي على زوجي واشوف اللله يهديه يارب ومشكوووووووووووووووووره ياقلبي ابي بعض الحنان من مشاركتك باين عليك ام الحنان وراعية الحنان ومشكوره عالدعوة الحلوه كثري منها ياعمري عبير العلي انتي قاعده توصفين تصرفاتي هالايام بالظبط وبتابع وبشوف والله يخليك ويوفقك اخوي a.m.a الله يعينك على زوجتك بس زوجتك غلطانه لانها نكديه وتحرشك على اهلك والله والله اني احتقر اللي تحرش زوجها على امه وخواته والله يااخوي انا عمري ماقلتله اهلك قالو فيني وللا سووا وللا فعلو قسما بالله انهم لمايغلطون علي وللا على اهلي اني مااقوله شي بالعكس امدح فيهم وارفع فيهم السما عنده لاني تربيت على كذا واحبهم كلهم واعاونهم ولا عمري قصرت معهم و بشهادتهم عنده وكم من مرره يجي فباله يطلع من البيت اقوله ان اللي يترك امه واخوانه الايتام يعيشون لوحدهم ولو عندهم مال الدنيا مهو رجال ويتكلمون عليه احيانا وينقهرون منه بسبب تدخله ولا اقوله ولما يجي يعصب عليم لانهم راحوا المكان الفاني وللا العلاني يرجعون يتهموني باني انا اللي علمته ولا اروح اشكيله ولا عمري ثقلت عليه بطلبات ومصروفي اقل وحده بالبيت وراضيه وفاتورتي دايما يتريقون علي من رخصها يقولون ماتكلمين احد اجل وشوله جوال لاني اكلم اهلي وصديقاتي عالثابت اجل قوللي وين المشكله وين غلطت فيه هذا اللي قاهرني اني شايلته هو واهله على راسي والله على مااقول شهيد شلون بعد كل هذا مااطنشه تصدق عمري ماطلعت معه السوق ( يقول مااحبها) ولا انكد عليه والكوفي شوبز مايحبعا والمطاعم دايما معي يقول مو جوعان ماشتهي ويطلع مع اخوياه يتعشى اذا كان في البيت اقوله خلينا ناكل لقمه مع بعض يطلع ياكل مع اهله ويكرشني ياناس طلباتي بسيطه وتافهه وهو مايقدر حاجتي للحنان والحب والخصوصيه ناااادرا مايدق علي من شغله يطمن ولا يسال الا اذا دق يسال عن العشا الرسايل شي معاد صرت احلم فيه منه ياناس انا لي ثلاث سنين وصار الجو بهالبرود وش بيصير فيني بع عشر سنين ( بيصير عمري 28سنه انشالله) هل معقول الوضع هذا والمشكله احبببببببببببببببببببببببببببببببببببببببببببببببب ببببببببببببببببببببببببببببببه من كل قلبي ويحق لي احس بحبه وبشوقه اشكركم كلكم ياخواني وارائكم على عيني وراسي واحلفلكم بالله ان كلامي مافيه اية مبالغه اذا خطر ببال احدكم هالشي ومشكوووووووووووورين واتمنى اسمع اراء اخرى |
حبيبتي ماادري وش اقول لك
بس ابنصحك بكتاب اقرأيه وبإذن الله بتدعين لي اسمه ( الرجال من المريخ .. والنساء من الزهره ) وربي ماراح تندمين والله يهدي سركم |
| الساعة الآن 03:45 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©