ابي حل لاحرمكم الله الأجر
 

اختي أخذت طريقة خلطة للشعر تفتح لونه من صديقتها وهي نسكافيه وزعفران وكاكاو وبروكسيد الأعشاب
المشكله اختي شعرها طبيعته فاتح تقريبا بين الأحمر والبني ولما غلست الخلطه طلع جذور الشعر ومقدمته اصفر يميل للذهبي
فكيف اخفي اللون قاعده تبكي حتى رفضت تروح المدرسه ومن حسن الحظ اليوم اربعاء
الله يعافيكم إذا عندكم حل أو أي خلطه تغمق اللون أفيدوني أنا ماعندي خبره
الله لايحرمكم الأجر

أختي ما يسواله الموضوع كل هالزعل اشتري صبغة قريبة من لون شعرها وخلها تصبغه وإن شاء الله بيرد مثل أول بس عاد قوليلها لا تلعب بشعرها ترى خلطات الألوان تختلف نتايجها من بنت للثانيه بسبب اختلاف ألوان الشعر

الاحسن خبيره شعر تعملها الصبغه ...


اختى استشيري خبيره شعر افضل ...

تسلمين ياحياتي
دلع ودلع صدق مايستاهل كل هالزعل بس الشطوره سوت الخلطه بالليل وانا نايمه
حتى ماأدري وشلون اقنعت الماما بإنها خلطه طبيعيه ووافقت لها لأنها صغيره وممنوع الصبغ للصغار"من قوانين الماما"
فقمت الصباح وانفجعت من اللون ونزلت الموضوع ورحت عالجامعة
وهي قعدت تبكي لأنها خافت من مامتي
عموما أنا لاحظت اللون الذهبي بدأ يغمق
وأنا بغيت خلطه طبيعيه لأن البروكسيد عدم شعرهاحتى نشف بشكل فظيع ولما أمشطه لها تتكسر الشعره
من جد احترت

تسلمين لي عيون الظبي
انا جديده على المنطقه باحاول اسأل إذا فيه خبيره تشوف لي شعرها لأنه موبس مشكلة اللون
صار شعرها جاف وهو ماشاء الله مايستاهل
بس هم إذا فيه عندكم خلطات الله يعافيكم خاصه لترطيب الشعر

:18: السلام عليكم حبيبتي هاذي الخلطه غلط مهيب كذا الخلطه اللي اعرفها للشعر البني انه تجيبي كوب با بونج وتضيفي عليه كوبين ماء وملعقه قهوه عربي وملعقه نسكافيه واذا اخذ غليه على النار تشيليه لحد ما يبرد بعد كذا تضيفي عليه علبه بروكسيد الصغيره وتتركيه لحد ا ينشف او انتي نشفيه با الاستشوار الهواء بعد ساعتين اغسليه هاذي الخلطه بجد تركز اللون البني با الشعر بس ما تفتحه زياده ولا شي مجر د تعطي اللون الطبيعي رونق وما تغير لون الشعر الطبيعي وسلامتك اي سؤال امــــــــــري

تسلمين حياتي بس الخلطة اللي ذكرتيهاتعطي اللون الطبيعي رونق وما تغير لون الشعر الطبيعي طيب إذا الشعر تغير لونه ابي شئ يغمقه مع إنه لاحظت إنه غمق بس مو مره
اليوم تقولي صاحباتها بالمدرسه ينادونها يالأمريكيه:)
والله حزنتني
تخيلي 5 علب بروكسيد إضافه لبقية خرابيط الخلطه وتركتها على شعرهاتقريبا10ساعات من صلاة العشاء حتى الفجر
لازلت انتظر خلطه طبيعيه تغمق اللون
مع إني بدأت افكر إني اصبغه لها بس ما ودي اعدمه أكثريكفي اللي فيه
ودي بخلطه طبيعيه وإذا مالقيت عاد الله يعين مالي غير الصبغه!!!!!!!!!!!!!!!

حبيبتي فيه طريقة لاكن ماجربتها
لبن +كتم (من عند العطار )تقريبا ثلاث ملاعق +زيت المرمية تقريبا ملعقة وتوضع ساعة على الشعر والنتيجة بني غامق
حبيبتي البروكسايد مواد كيميائية خطيرة الله يهديها

يابعد عمري ياهمسة غلا وأخيرا
باجرب الخلطه وأشوف
تسلمي كتكوته وبصراحه عجبني دعائك اللي بالتوقيع والأجمل إنك مانسيتي غيرك من دعواتك
الله يسعدك ويهنيك