|
رأيكم يهمني يارجال ...
السلام عليكم ورحمة الله وبركاته عندي عدة أسألة موجه بالدرجة الأولى للرجال ولامانع من مشاركة الأناث فيها اذا تقدم شخص لفتاة وبدأ أهلها بالسؤال عنه كم المدة اللي يجلسون يسألون فيها اقصد الشئ المعقول المتعارف عليه عند الناس ؟ نجي للسؤال الثاني هل الشخص الخاطب هو اللي يتابع موضوعه ويتصل على اهل البنت يشوف هل سألوا عنه او لا والا ينتظر متى ماردوا له ...؟؟ وأخيرا لو افترضنا انهم سألوا عنه شخصين واحد مدحه والثاني ذمه وقتها ايهم يؤخذ بكلامه وكيف يكتشفون الحقيقة معليش يمكن اسألتي تنم عن جهل واضح لكن رأيكم يهمني جدا لعلي اخرج بأجابة لما يدور في واقعي ... |
اول شي اختي الله يتمم لك على خير
ثاني شي المده تكون بالمده الكافيه للتئكد من الطرف المعني ثالثاا لا تؤخذ الاراء من شخصين ويا حبذا السوال عنه في مكان عمله ان تواجد ويا حبذا السوال عنه في المسجد0 اما مده تكون بالمده الكافيه من 3 اسابيع الى شهر. والمفروض انه الشخص يتابع الموضوع عن طريق الاهل والام والاخوات او عن طريق الخاطب المتكلم عن الشخص وفقك الله اخيتي سلاام مايهزك |
اقتباس:
ج 1 < ارى ان اسبوع الى اسبوعين بالكثير اذا كان الخاطب من نفس المدينه او قريب جدا منها لان البعض منهم يستاء من الانتظار ... وان كان بعيد فشهر او اقل . ج 2 < كثرت اتصاله تبين مدة صبره وتبين من طريقة كلامه .... فطول المده تؤثر على قرار الخاطب يمكن يجيه واحد من اصدقائه ويؤثر عليه . ج 3 < السؤال يحتاج الى رجل فطين وذكي .. يعني يشوف اللي يبي يساله عن الخاطب هل له علاقات معه ! فان كان له علاقات يرى جوابه وراح يبين من كلامه هل هو صادق ام حاقد عليه وحاسده واذا شاف منه كلام حقد وحسد يقوله راح ازوجه ان شاء الله ويسكت . ويشوف ردات الفعل . اما سؤال الرجل الذي لايعرفه فهو اكبر خطأ . هذه السالفه يبيلها واحد ذكي يعرف الرجل من كلامه . كثير من الخطب فشلت بسبب الظلم فانتبهي . اما سؤال شخصين لاينفع ... بل اكثر للنظر في الكلام المتضارب . فالسؤال يكون عن طرق كثيره منها : ( المسجد / العمل ان كان يعمل / اخلاقه من اهله / اصدقائه / مراكز الهيئه والبحث الجنائي لانها اهم شي قبل كل شي ) .... والاخذ بالكلام حسب ابو البنت نفسه : فان راى بعد التدقيق ان الكلام جيد يتوكل على الله يعني الزبده .. ( دينه وخلقه ) كما وصى رسولنا صلى الله عليه وسلم . ولاتنسين صلاة الاستخاره فهي مهمه وتفصل الخير عن الشر باذن الله . |
اقتباس:
ماعدا العطل الرسمية :d اقتباس:
اقتباس:
اقتباس:
بحسب الشخصين أيهم ثقه أكثر ويتحرون اكثر اذا شكوا لا سمح الله ولا تنسوا الاستخارة اقتباس:
والله أعلم |
الأخ مايهزك يعطيك العافية ماقصرت كنت اتوقع ان المدة اكثر من كذا افهم من كذا شهر تعتبر مدة كافية لكن بتدقيق اكثر وسؤال اهل الثقة الف شكر لك |
الأخ ساري 10 ج 1 < ارى ان اسبوع الى اسبوعين بالكثير اذا كان الخاطب من نفس المدينه او قر يب جدا منها لان البعض منهم يستاء من الانتظار ... وان كان بعيد فشهر او اقل . اذا الوضع اللي أنا فيه غير طبيعي وهذا اللي كنت اشعر فيه المدة وصلت لشهرين بدون نتيجة تذكر والمشكلة أنه بنفس المدينة ج 2 < كثرت اتصاله تبين مدة صبره وتبين من طريقة كلامه .... فطول المده تؤثر على قرار الخاطب يمكن يجيه واحد من اصدقائه ويؤثر عليه . كلامك يريح معناه أن الخاطب يتمتع بنفس طويل وصبر والا مجرد انتظار شهر يعطي مؤشر واضح على صبره ج 3 < السؤال يحتاج الى رجل فطين وذكي .. يعني يشوف اللي يبي يساله عن الخاطب هل له علاقات معه ! فان كان له علاقات يرى جوابه وراح يبين من كلامه هل هو صادق ام حاقد عليه وحاسده واذا شاف منه كلام حقد وحسد يقوله راح ازوجه ان شاء الله ويسكت . ويشوف ردات الفعل . اما سؤال الرجل الذي لايعرفه فهو اكبر خطأ . هذه السالفه يبيلها واحد ذكي يعرف الرجل من كلامه . كثير من الخطب فشلت بسبب الظلم فانتبهي . اما سؤال شخصين لاينفع ... بل اكثر للنظر في الكلام المتضارب . جيت على الجرح سؤال شخصين وابداء كل واحد منهم رأي مناقض لثاني يشعرني ان المسألة تحتاج لتدقيق اكثر بعكس رأي اهلي عشان اكون اكثر وضوح مبدئيا سألوا اثنين الأول مدح الشخص واثنى عليه أما الثاني رأيه مغاير تماما سبه بشكل فضيع من وجهة نظري ماتصدر الا من شخص فعلا حاقد مو كذا بس المعلومات اللي وصلتنا عنه تختلف اختلاف جذري وفيها تناقض جدا واضح مااحس ان احد من اهلي لقى له اهمية بعكسي انا مع انه مهم وبيكشف حقيقة كلام الثاني لكن لاحياة لمن تنادي الى حد ما كأنهم يقولون الحمدلله عرفناه على حقيقته قبل مايصير شئ المشكلة انهم مستبعدين ان احد بيتكلم عن شخص بدافع الحقد بزعمهم وش اللي حده يقول كذا ربما اهلي يعيشون في المدينة الفاضلة وأنا مدري فالسؤال يكون عن طرق كثيره منها : ( المسجد / العمل ان كان يعمل / اخلاقه من اهله / اصدقائه / مراكز الهيئه والبحث الجنائي لانها اهم شي قبل كل شي ) .... والاخذ بالكلام حسب ابو البنت نفسه : فان راى بعد التدقيق ان الكلام جيد يتوكل على الله يعني الزبده .. ( دينه وخلقه ) كما وصى رسولنا صلى الله عليه وسلم . ولاتنسين صلاة الاستخاره فهي مهمه وتفصل الخير عن الشر باذن الله كل مااقرأ كلامك اجزم بصدق توقعاتي يعني اهلي بدأو بالسؤال عن اتنين الله العالم بمدى صلة القرابة والمعرفة الشخصية بالخاطب ومع ذلك اخذ برأيهم ولو بشكل مبدئي وهذا الغلط بعينه لكن الكل معارض لي وموقفي كان جدا محرج لفت نظري لنقطة السؤال في مراكز الهيئة والبحث الجنائي وشلون غفلوا عنها مع انه بظرف ساعة يقدرون يجيبون خبره وفعلا مافيه مثل الاستخارة الله ييسر امري ويفرح قلبي يارب عن جد ممنونة لك أخوي ساري ماقصرت كل نقطة ذكرتها فادتني كثير وكان لها رجع صدى بالغ الأهمية بالنسبة بارك الله فيك ويسر لك كل ماتتمنى |
| الساعة الآن 07:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©