|
هل ما حدث يدل على انها جريئة؟!
السلام عليكم و رحمة الله و بركاته
الملكة باقي لها شهر ان شاء الله الحمد لله النظرة الشرعية تمت و تمت الموافقة بصراحة اهل البنت و البنت شاريني لكن قبل ما اسافر بساعات وصلتني هدية من سواقهم... قلم و ساعة وعطر من البنت ايش يعني هذا الشيء؟! البنت جريئة؟؟؟ والله مو عارف امي تقولي البنت كانت ناوية تهدي لي الهدية من مدة بس مستحية خبروني قولوا لي علموني هذه جرأة؟؟؟ والله كلي قلق:24: |
ترا عادي .. لا يهمك .. ماتعتبر جرأة .. بالعكس فرحانه بخطوبتها ..
بالله مو احسن من انها تجيك بنت ماتتكلم مره من كثر ماهي مكسوفه .. او بنت ماعندها هذي الحركات من هدايا ودلع .. فكر بالموضوع بتلاقي نفسك محظوظ على الاقل عرفت طبيعة هذي البنت وانك مابتتعب معاها ولا بتشوف دلع مااااصخ مرررره وثقل وحركات مالها داعي .. قال ايش بصير ثقيله عليه عشان يجري ورايا <<< تفكير بعض البنات:( ابسط ترا البنت فرحانه فيك :22: .. وربي عوضك خير .. وانا متأكده من انك طاير من الفرحه من داخلك :23: .. لكن قلت خليني اتأكد من اعضاء عالم الزوجيه الله يوفقك |
البنت كلها ذوق مش جريئه
المفروض تفرح ..!! |
وعليكم السلام والرحمه ...
ليه كل هذا القلق ؟ البنت حبت تعبر عن حبها وسعادتها فيك بالهديه المفروض تفرح وترد لها الهديه بهديه احلى : ) انا فاهمه شعورك انكم في بداية الامر وبحكم المخطوبين ... بس مثل ماقلت البنت شاريتك وفرحانه فيك وماقدرت تكتم مشاعرها فعبرت بالشكل اللي هي تشوفه مناسب ...بسط الامور ولاتاخذه من باب جريئه وعيب !! الله يسعدكم ويتمم لكم على خير .. والف مبروك |
ليست جرئه يااخي هذا دليل على حب البنت وفرحتها
افرررررررررررح وانبسط وبلا قلق الله يتمم لكم على خير والف مبرووووووووووووووووووووووووووك اختك:الحائــــرة...... |
عجيبه امركم يالرجاجيل اذا استحت وطنشتك وعاملتك عادي قلت انا ابغى وحده جريئه مرحه فرفوشه
واذا جات جريئه ومرحه وفرفوشه قلت هذي جريئه ولا ماتستحي ابي وحده حياها يطغى عليها مانقول احنا الحريم الا الله المستعان |
اصبر يااخي وان شاء الله راح تعرفها وتعرف وش الدافع لهذا التصرف.......!!!!!!!!!!
قد يكون هذا التصرف من اهلها....او لانك بتسااااااااافر او.....الله اعلم لااعتقد انها جرأه امر آخر..... |
انبسط يا عم البنت تحبك من قدك ,,
عفوا كم عمرها؟ |
رد لها الهدية وانا اخوك
لاتفهم غلط ,, قصدي خلك اكرم منها وارسل لها هدية اجمل منها بعد ماتجي من السفر وابشرك راااااح تصير حياتك كلها عسل وشهد باذن الله وبشرنا بالاخبار الزينه تراك طحت على جوهرة |
اخي الكريم..ان الفتاة احيانا عندما تحمل في قلبها حبا لزوجها وتخلص له ..تشتري بعض الاشياء وتحتفظ بها الى ان
تلاقيه لربما هي كانت مستعدة لذلك ..انها فتاة كريمة لاتأخذها من جانب جرأة ولاتجعل للشيطان على حياتك سبيل منذ البداية الله يسعدكم ويستر عليكم أختك حائزة الأمل |
| الساعة الآن 02:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©