|
ماعاد انفع للشباب ...
خلاص كبرت عجزت ... ماعاد يبغوني الشباب ..:(
امي وعماتي وخلاتي يذكرون لي رجال متزوجين وعندهم عيال واعمارهم فوق الا ربعين ويبغون يخطبوني ... صار لي سنتين ما عاد يخطبني الا المتزوجين والي عندهم عيال ... قهر .. قهر ... الي يقهرني اكثر انه نفس الحرمه الي تخطبني لواحد متزوج .. هي نفسها لما نكون في مجلس ويذكر قدامها انه فلانه بتتزوج واحد مطلق .. يضيق صدرها وتقول حرام تاخذ مطلق وشفيها مو ناقصها شي ليه تتزوج مطلق .. وانا هي بنفسها تسعى لزواجي من متزوج وعنده عيال .. والله هالبنات الي يدافعون عنهم اقل مني جمال وفاشلات في الدراسه وماعندهم ذوق بس الي يشفع لهم انهم اصغر مني مع انه اشكالهم اكبر مني بس هالعمر الي في البطاقه الي مخليهم ملكات .. وانا الشغاله :29: ... هم يجيهم احسن العرسان وانا مايخطبني الا واحد بسوابق ... اخر مره يوم الخميس .. مسكتني مرة عمي على جنب وقالت لي انه فلانه تبغى تخطبك لاخوها متزوج وعنده عيال ومادرس .. انا ابتسمت وجاريتها في الكلام .. بس على طول رحت دورة المياه وجلست ابكي .. مقهوووووووووووووووووره والا مقهووووووووووووره .. |
أختي يارب لاتحرمني
حتى لو كانت كل المؤشرات في بيئتك تشير لك بهاجس الكبر في العمر وحتى لو لم يعرض عليك إلا من يرغب التعدد ، لايجب أن تستسلمي لليأس ولا أن تكوني مكابرة فالأمور أختي يجب أن التوازن فيها فلا يأس ولامكابره وأقصد أنه يجب أن يظل الأمل موجود تحت أي ظروف كانت ، ولكن تقدم رجل بمعنى الكلمة من دين وخلق وقدرات فلا يجب أحتقار الفرصة وماتدرين أين الخير لما لايكون الله قد أخرك لتكوني من نصيب رجل كله خير وبركة لك بصرف النظر عن حالته الاجتماعية 0 لاتهتمي أختى ولاتساورك الأحزان واتركي الأمر لله وسيري في حياتك وسيفعل الله ماشاء 0 ربي يسعدك بالزوج الصالح الذي يكون كما تتمنينه بإذن الله 0 تقديري واحترامي |
عزيزتي يارب لا تحرمني مقهوووووووووووووووووره والا مقهووووووووووووره .. الله يسامحك حبيبتي ما هده النبرة ما هدا الياس انسيت كل النعم الاخرى التي تتمتعين بها هل عدم زواجك بشاب هو نهايتك وادا كان الله عز وجل قدر لك الزواج من شخص معدد مثلا هل ستغيرين قدرك انت انخطبت مرات ماشاء الله اما غيرك فلا مرة واحدة ولاعيب فيهن وهن كثيرات اختي تفاءلي فان في التفاؤل بركة ولا قنوط من رحمة الله عز وجل على الامل نلتقي و لا للاحباط |
اول كم عمرك؟
|
عزيزتي ليش كم عمرك؟
|
عمري 28 ... وراحت علي خلاص ... كل الي يخطبوني يبغون التعدد .. الي يقهرني انه انا احسن واجمل وشكلي اصغر من بنات كثيررررر بس حظهم احسن مني ...
والله يوجعني قلبي لما اشوف امي تقنعني اتزوج برجل معدد .. اقول في نفسي خلاص يمه حتى انتي مقتنعه انه مالي الا الرضى بالمعدد .. الي يا اما يبحث عن لذته الجنسيه .. او يبغى يأدب زوجته الاولى .. |
الله يسعدج و يفرج همج .. الحين انت من شو مقهوره!! هذا نصيب .. و كل شي مكتوب .. و كل تأخيره و فيها خيره..
ربنا أكيد له حكمه من هالشي.. انت اصبري .. و إدعي ربج .. ابكي و تباكي .. بس ماله داعي اليأس و اتقولين أنا عجزت و كبرت !!.. و في السماء رزقكم و ما توعدون .. انتظري رزقج و ربي بيرزقج اللي تقر به عينك.. أهم شي في الرجل دينه و أخلاقه .. و مب عيب إذا كان مطلق .. يمكن ظروفه و حياته أجبرته على هالشي.. و بالعكس يمكن شاف عندج اللي ما قدر يشوفه عند اللي طلقها.. الله يوفقج و يرزقج بولد الحلال اللي يسعدج و تسعدينه .. آمين عاجلا غير آجل |
ياما بنات اكبر منك بكثيرررررررر واتزوجو احسن الشباب .. وصارت لهم احلى حفل .. معليه حبيبتي لاتزعلي نفسك على الاقل يجيكي ماشاء الله عرسان ويفرحو قلبك غيرك مايطرق بابهم احد .. واذا احد خطبك لمعدد .. قولي انا بصراحه ماقدر لساعني بتوته وصغيره يمكن وحده بالــ 36_ 39 تقبل .. اما انا مستحيل ..
احتسبي الاجر .. |
العام ...
والله كلامك ريحني .. كل الردود الي جتني تقول ارضي بالمعدد... معدد وفي مجتمعنا اعوذ بالله .. مجتمعنا ذكوري 100% الرجل يركض فيه ورى غرائزه .. ومافيه قانون يحمي المرأه .. زي ماقلت من زمان .. ماراح ارضى بمعدد الا اذا ذبلت وراح جمالي عشان مايتهنى فيني وانا شباب .. والله يصبرني وياربي لا تلومني فيما لا املك وانا لا املك مشاعري وقلبي .. |
ياربي لاتحرمني
* * * ليس المهم معدد أو بدون زوجه المهم أن يتقي الله ثم لاتنسي الفتاة لستِ أنتِ فقط بل اي فتاة يطرق بابها كثير وتتزوج بواحد .... فكري وإنظري لقناعاتك ولاتهمتي ... والمعدد أو غيره يهمك أن يخاف الله وإسألي الله الخير ... دمتي |
| الساعة الآن 11:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©