مشكلة مع اهل العروسة في ايام الملكة .. ابغى رايكم
 

اخواني حبايب المنتدى


في واحد زميلنا خطب وملك من عائلة محافظة والحمد لله ، المهم قال لي لمن جيت ازور البنت بداو يتشرطوا عليا ويقول لي مافي زيارة ومن هذا القبيل ، وانو الزيارات بس مرة واحدة وبعدين قال اصريت حتى خليتها اسبوعيا ، وقال ياريتني مااقدمت على هذا الموضوع ، لمن اجي ازور البنت يقول الاخ : يلاقي ابوها وامها واخوانها كلهم جالسين معاهم بالغرفة والبنت يخلوها تجلس بعيد ................ قال والله مليت منهم ومن طريقتهم ... جيت ابغى اتصل عليها قال ابوها مافي ومن هنا الى هنا ..... رضيوا وقالو بس شوية قال فقمت اتصل عليها فلقيتها مضطربة وجنبها ابوها فقال لها ابوكي جنبك قالت اي : قلت بس خلاص نشوفك على خير ...... فصار يقول لي يعني قالك يسوو فيها انهم محترمين وله عشان نقول انهم من عائلة محافظة ......

الولد الحين يعيش في حالة قرف ويقول لي طفشت والله ابغى احس بالملكة وابغى اعيش احلى ايامي بس اهلها مشكلة وفكر الرجال انو يخلع او يتركهم ....... فما هو عارف ايش يسووي ويقول لي والله شغل هبل ... مش انا زوجها ليش الاستهبال ... لانه لمن يروح البيت عندهم يقول يلاقي عفش البيت كله بالغرفة قال لا اعرف اتكلم ولا شي ولا حتى اطالع فيها الا لمحات ................ وكمان قامو تشرطوا عليه يقول له اذا تبي تعفش البيت كلمنا عشان البنت تختار فالولد الحين ركب راسه قال لي والله مني مكلمهم ، بروح اعفش لوحدي واذا تبي تجي اهلا وسهلا ماتبي تجي بالطقاقة هيا واهلها ....


والحين مشكلة واقع فيها ......................... ايش نسوي مع المشكلة هذي ..... وهل فعلا العادات تحكم بايام الملكة وهل هذا صحيح اللي يسويه ابوها وهل هيا من مصلحة البنت والولد ما يقدر يخليهم مع بعض على اساس يكونو فكرة شوية عن بعض ويتلائمواحتى لمن يكونو على ليلة الدخلة ما تنفجع البنت ؟؟؟؟؟ فابغى رايكم


الولهان

طيب خليه يكلم اخوها اذا عندها اخوان كبار

الصراحه مشكله لا كلام ولا زيارات

لا للزيارات ممكن هذه تنبلع

بس حتى كلام بالتلفون لا الصراحه هذه مو عائله محافظه هذا تشدد وتعقيد


بس نبه صديقك هذا ان البنت اكيد مالها ذنب لا يحط اللوم عليها ابد


بالعكس تلاقيها منقهره وودها تسوي اي شي بس ما بيدها حيله

حلووة لو كان يزورهم في الاسبوع مرة...وهما جالسين مع بعض بين فترة وفترة يجي على احد عليهم..

وبالعكس المفروض اهلها يخلوهم يكلموا بعض تلفون عشان يفهموا بعض اكثر..وهذا الشي اتوقع انه يقلل من المشاكل بعد الزواج...بحيث انه كل واحد اعطى الثانية فكرة عن نفسه وشخصيته!!

ليش ما يكلم أخوها مثل ما قال سمانجد أو حتى ممكن يكلم أمها

سما اشكرك على الرد الحلو


وفعلا عندها اخو كبير لا يهش ولا ينش يقول الولد كلمه بس مافي فايدة ،


وكلمته قلت له البنت مسكينة ضعيفة مالها ذنب


تسلمي على الرد

الولهان

غير معروف

اكيد هذي الحركات حتبقى في قلبه وما ينساها حتى لو تزوجها لانهم فعلا تركو بصمة مو حلوة على قلبه وفكره في ايام الملكة


وتسلم على المرور


الولهان

المشكلة انو امها قالت ما يكلمها على التلفون احسن

قلت له هذي امها تبي تختبرك وتستفزك لكن مو في مصلحتها تبي تخربك على بنتها


وتسلمي خلود على المرور


الولهان

حائزة الامل كلامك جميل جدا وواقعي


يستعجل في الزواج احسن وما يطول ويجلس في عناد معاهم اذا كان هو مقتنع


الولهان