ساعات أحس انى شاذ عن الناس كلها
 

السلام عليكم ورحمة الله وبركاته..

أحبتى أعضاء المنتدى عندى مووضوع مدرى انا بالنسبه لى شبه مشكله..

لكن أخاف بعدين يأثر على فى حياتى الزوجيه..:21:

انا غيور جداجداجداجدا فوق ما يتصور اى شخص على أهلى..

بحكم المعيشه بمصر ولله الحمد اهلى يصلون وبعبايات كامله لكن..

ما أحب أنزل معاهم وغصب أوديهم للدكتور لو مااخوى او الوالد مو موجودين..

اكره نظرات الرجال فى الشوارع او يوم ما ننزل من السياره ونظرات الدكتور واللى فى العياده..

ابكون معصب مرررررررررررررررره..

حاولت أقلل لكن ما قدرت ودايم أتهاوش معاهم وكثير يقولوا انت مزودها لكن انا مدرى كذا..

يمكن من اللى اشوفه واسمعه , الله أعلم والله انا خايف على المسكينه اللى تكون من نصيبى لكن ان شاءالرحمن انا بقول لها العيب هذا حتى ما اكون اغشها..



ولو تزوجت من ياخذ زوجتى للدكتور والسوق..؟؟

مع انى دايم اقول زوجتى باخذها وأفسحها بس تكون أماكن فاضيه وهدوووء شديد واعرف أماكن واجد بمصر للنوعيه اللى مثلى , لكن وش الحل فى السوق والعيادات..؟؟؟

خايفه عليها وعلى بصراحه..

أحبتى أنا صح ..؟؟

كثير قالولى صح ومن الجنس الثانى قالوا صفه مميزه فى الرجل..!!

وسمعت انه الرجل الغيور يحبه الله ورسوله , والله أعلم..؟؟


ولو كنت غلط وش العلاج الصح وبهدوء..


وعذرا للاطاله , ودمتم بخير.

انا رأيي الغيرة الزائدة عن الحد ..........مرض

وبعدين أهلك وزوجتك محجبات .........ايش المشكلة خلي الذي يطالع يطالع ولا ناوي تعيش بصحراء لوحدك ..

اهم شي انت تغض بصرك عن النساء .......ودع الباقيين في شأنهم كل واحد حسب تربيته ...

حاول تخفف من الغيرة الزائدة لانها سوف تتعبك مع زوجتك ..

اختى العزيزه ليلى ..

والله أنا أشفق على اللى تكون من نصيبى مدرى منهى ذى ..

حاولت أخفف لكن بعد مثل ما أنا ..

بس وش فيه يناظر ما يشوف غير سواد..؟؟؟؟؟؟؟؟؟؟؟؟؟؟؟

الحمدلله نغض وان شالله نزيد فى غض البصر عن النساء..

وشاكرلك وجودك وتعطيرك الصفحه.

ان شاء الله بحاول ثانى وثالث ومليون أختى كلا الغلا..

نسأل الله السلامه , ودعواتك..

وشاكرين لتعطيرك الصفحه بمشاركتك اللى أسعدتنى.

مرحبا أخي العزيز
اعتقد الغيرة الي فيك مرض نفسي والعصبية الزايدة مالها داعي لازم اتحاول اتهدي نفسك بشتى الطرق لان في اعتقادي مافي زوجة بتستحمل هالعصبية والغيرة المرضية
أخوي اسفه ع الصراحة

أختى العزيزه خلود , الصراحه راحه , الصراحه منجاه من المهالك..


مافى داعى تتأسفى لانه كلامك صح لكن..

اختى الكريمه انا مو عصبى لكن أبعصب لما أطلع مع امى او اختى هنا صدرى يضيق..!!


مع انى والله احب اطلع مع أمى لكن نظرات الناس ..؟؟

نسأل الله السلامه..

كلاماتكم هدتنى وبسطتنى وأسعدتنى..

جزاكم الله خير.

غيرة الرجل على زوجته بحد ذاتها حلوة بس تكون في حدود المعقوول
وصراااحه انا اشوف انه الوااحد اللي ينقلب غيرته الى حد الجنون تعتبر مرض نفسي وعدم الثقة في شخصيته
واذا لاحظت انه الاشخاص اللي تكون عندهم اعاقه يغطون عن مرضهم بغيرتهم الزايده عن الحد ......
انت شووف ايش اللي يخليك تتعامل مع ربعك كذا حاول تصلح نفسك وتعودها على هي الامور
و بصراحه اكتر ربي مبتلين باخ زيك مطلع عيوني بس هو ولا همه خلاص لازم كل ما اطلع معه كل امة لا اله الا الله تعرف انه انا هو طلعنا معا وطبعا صار هو يلقى حجة وانا لما اشوفه طالع معي اقول انام لي ساعتين وابطل طالعه من البيت مني ناقص فضايح وتعدي على مخاليق ربنا منشان هيك انصحك اخوي سيطر على اعصابك لانه فعلا رااح تتعب بعدين
والله يرزقك الزوجه الصالحه اللي تحافط عليك وما تخليك تغير عليها على الرغم اني بنت وعارفه حركات النسوااااان
اسفه على الاطاله بس لقيت مشكله مثل مشكلتي ويا اخوي وفشيت فيها خلقي
عابره سبيل

عزيزتى عابره سبيل ..

أختى فشى خلقى وقولى كل اللى عندك ولا يهمك..


عزيزتى والله انا اليوم طلعت معاهم كنا فى زياره وجبتهم وكنت عادى ولله الحمد..


ويادوب بس عصبت تعصيبه سغنونه..


ودعواتك وان شاءلله أمين , وياك أختى ويرزقك ربنا بالزوج الصالح ان شاءلله..


والله يعينا على بنات حوا ..

دمتى بخير.

مهم تكون غيور على اخواتك بس كمان لازم يكون عندك اسلوب وترى البنت مننا ماتحب اخوها يهوشها على الحجاب اوعلى شي زيكذا بذات لوكانت مراهقه تقول ليش مايثق فيني
وبعدين لازم انت تكون صوره حلوى قدام اخواتك يعني تغض بصرك عشان لما يشوفك يقولوا اخونا محترم ومعاه حق