|
للخبيرات في الأسواق
السلام عليكم ورحمه الله وبركاته.....
أحببت أن أعرف عن الماركات الموجوده في ...........وخصوصا للمرأه وللأطفال... أرجوا المساعده من الكل ولو كلمه جبرللخاطر....وشكرا... |
سوي بحث في قوقل وبتلاقين النتيجه
لانه ممنوع بالمنتدى ذكر اسماء محلات |
ماعندي فكره
.. |
أود الأعتذار من المشرفين عن سؤالي وماكنت عارفه أنه ممنوع ذكر أسماء المحلات في المنتدى.........وشكرا لك ياأختي أم خالد وأختي عيون الظبي
|
حبيبتي .. الماركات كثيره ومنوعه وفي كل سوق .. والأسواق مليئه بالجيد والرديء وخذي مني هذه القاعده الملابس الجيده ليست بالضروره ان تكون ماركات ... لأنك اذا نظرتي الى صناعة الماركات تجدينها (صنع في الصين) والملابس الصينيه موجوده في كل مكان واحيانا تجدين ملابس تناسب ذوقك وميزانيتك وهي ليست ماركه .. فلا داعي لأن نسمح لهم بالضحك على عقولنا وجعلنا ندفع المزيد والمزيد على ملابس قد تكون قيمتها الحقيقيه زهيدة جدا ولكن لأن اسم الماركه عليها صار سعرها بالألوف ... هذه الكلام أقدم لك عن خبره في مجال التسوق :d |
الله يعطيك ألف عافيه ومشكوره وكلامك في محله وصدقتي بكل كلمه قلتيها....
بس ممكن بسألك سؤال أنتي من أي بلد....اذا مافيه أحراج |
تصدقين يا اختي (انتي ام ايش ما احب اقول الاخت اسد)
اني في العيد هذا اشتريت تنوره ماركه وكانت روووعه جدا بالمحل وغااااااااااليه والمحل ما شاء الله عليه زبائن مثل النمل المهم اشتريت وخلصت وقبل العيد بكم يوم رحت لسوق رخييييييييييص جدااااااااا جنوب الرياض ابغى اشترى العاب وهدايا العيد للاطفال وش توقعين وش لقيت؟؟؟؟؟ لقيت تنورتي اللي دفعت فيها مئات الريالات هنا في السوق ب60ريال ومتوفره بكثره مو طبيعيه انهبلللللللللللت انا جدااااااااااا ليش يغلون علينا في شمال الرياض ويرخصون لجنوب الرياض على ان الماركه نفسها والقماش نفسه لكن مغيرين اسم المحل بالشمال باسم انجليزي واضاءه وحركات وبجنوب الرياض محل عادي وعلى قده وش سويت؟؟؟؟؟؟ اشتريت التنوره بستين ريال وخليت زوجي يرجع التنوره وعطونا فلوسنا بالحسره ولبستها بالعيد والكل منجن عليها ويسالني عنها واذا قلت لهم اسم المحل الماركه قالوا بايييييييييين عليها ماركه وفخمه شفتي وش لون يلعبون علينا؟؟؟؟؟؟؟ |
أسعد الله أوقات الجميع
وحده من صديقاتي تقول إن .........بجده(مادري هو سوق و إلا قصدها المينا)عنده ملابس خيال وأسعارها بالمره رخيصه (على ما أذكر قالت خمسه ريال) لكن يمكن مو كل شيء وأكيد أنها صادقه لأنها تحلف بالله ووحده ثانيه تقول شرت أختها لأولادها وكل اللي شافوا لبسهم قالوا ماركات إن شاء الله ماأكون كذا خالفت القوانين يامشرفينا |
أختي الكريمه .. اسم بلدي مكتوب في بيانتي :d اذا تقصدين المنطقه الرياض .. وعلى فكره ترى مافيه سوق الادخلته سواء مراكز كبيره او اسواق شعبيه .. وبالعكس احيانا احصل اللي أبغاه بالأسواق العاديه وألبسه ويتميز لبسي اما الماركات ما ألقى فيها اللي يناسب ذوقي وان وجدت اشتغلت عليه تعديلات انتي عارفه أنه أغلب الماركات (قصيرولاعاري-ولابناطيل) وكلها ملابس فيها محذور شرعي فالعاقله منا ماتخلي قطعة قماش بسب انها ماركه تكون سبب في دخولها النار والعياذ بالله .. وأقولك على شي وحده من قريباتي السنه هذي كانت متميزه في العيد ولا احد لبس مثلها وما شاء الله كانت كل النظرات لها (نجمة العيد) وش تتوقعين كانت لابسه ؟؟؟ فستان ناعم اخذت فكرته من النت وفصلته عند خياط شاطر .. والله كان أكثر وحده فينا اناقه ... لذلك لاتقسين لبسك على مزاج الناس ونظرتهم شوفي اللي يناسبك انتي .. وخليها قاعده لك : اللبس الحلو اللي يناسب جسمي مو اللي يكون معجب الناس وسعره غالي.. |
أنا أم نواف.....ويعلم الله أني ولله الحمد ويتمم علي ولايفتنا في ديننا أني أدور الساتر
وقصدي أني أبي لبس مرتب وحلو وساتر وبسعر معقول...مو قصدي أبي الغالي أوالمميز أو غيره لأن أخرتنا بنلف في قطعه قماش بيضاء بس ماأقول الأالله يحسن الخاتمه ويهدينا ويتوب علينا..... أم خالد والله صادقه أني ألقى بعض الماركات في بعض المحلات ويباع البنطلون من ميه وزياده الى 15ريال والله أني أنا شايفته بعيوني وماركات أطفال معروفه.... شكرلك ياهانديا على كلامك الحلو والله كبرتي بعيني... |
| الساعة الآن 08:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©