|
مبتدئه بالطبخ طالبه مساعدتكم الله يجزاكم خير
بسم الله الرحمن الرحيم
انا مبتدئه بالطبخ وطالبتكم تساعدوني بأشياء بسيطه الله يجزاكم الف خير ... اولا ابي اعرف طريقه عمل التبوله والمتبل .... وهل اقدر احفظهم في الثلاجه يوم او يومين ومايخربون ؟؟؟ ثانيا ابي طريقه لعمل صلصه لدجاج الكبسه .. يعني انا طريقتي اني بعد مااسلق الدجاجه اطلعها واصب عليها شويه زيت اشويها في الفرن ... لكنها تطلع ناشفه مره ومنظرها مو حلو ... ابي طريقه صلصه تكون فيها الدجاجه حمراء وشكلها حلو مثل اللي في المطاعم ... ثالثا ابي وصفات بسيطه ومجربه وحلوه تصلح للعشاء .. وايش هي الأصناف اللي ممكن اضعها على العشاء ؟؟الله يجزاكم الف خير ساعدوني انا شاء الله ربي بيكتب لي الرزق واتزوج وخايفه والله اتورط مااعرف شي عن الطبخ .. ابي وصفات امشي نفسي فيها واعرفها زين وابدا بطريق تعلم الطبخ ... كتبت بكم منتدى مالقيت من يساعدني قلت اجرب في منتدانا الحبيب ويارب مايقصرون مثل ماقصروا غيرهم :d ساعدوني الله يجزاكم خير واحتسبوا الأجر .. علما بأني سعوديه ومن المنطقه الوسطى ابي اكلات المنطقه هذي وبترك الأأبداع بالأكل بعدين بأنتظاركم خواتي |
السلام عليكم ورحمة الله وبركاته
أيام الدراسة كنت أطبخ ، وكانت معاناتي مع " الدجاج الناشف " كنت أحب ان أراه مصلصلا وأحمر لكني لم افلح مرة . فأتمنى أستفيد معك أختي الكريمة وإن كنت لم أعد أطبخ. من يدري ربما نضطر إلى هذا . أسعدك الله. |
بنات انا انتظركم الله يجزاكم خير محتاجه والله للمساعده ....
|
هلا والله ب :14:
ماقصرو غيرهم هاه يعني انا مقصرة << امزح معك التبولة والمتبل اعتقد اذا طولو بالثلاجة تروح قيمتهم الغذائية ومايصر طعمهم مثل لما تكون طازجة وابشري بجيب الطريقة بس انتظري علي شوي الين امي تروق لي امممممممم وسالفة الدجاج انا لما أطلع الدجاج من مويتها اخذ شوي من مويتها واحط عليها ملح وصلصة وكتشب وكمون واي علبة بهارات اشوفها اخذ نص ملعقة هههههههههههه << تخبط وكركم << يخليها صفراء بعدين احطها عالدجاجة واقلبها الين تاخذ اللون واحطها بالفرن وياسلام سلم تطلع شي وفيه اكثر من طريقة لتحمير الدجاجة تبغيني اسأل امي ابشري |
هلا والله بالغاليه ...
مايجي منك قصور ياعسل ... ايه والله جيبي كل شي واي شي خاص بصلصه الدجاج ... وطريقتك بعملها الحين ان شاء الله ... طيب والرز الأبيض شلون اسويه ؟؟؟ |
هههههههههههههه
يحليلك يا لولو شكلك ماش منتي براعيه طبخ الله يسلمك الرز تغسلين المقدار الي تبينه وتنقعينه بمويه حاره لمده ربع ساعه طيب تحطين بالقدر زيت شوي وتشخلين الرز وتحطينه بالقدر وتضيفين عليه مويه ساخنه وملح وتكون كميه الماء اعلى من الرز بمقدار 2 سم وتستنين الى ان ينشف الماء طبقينه كويس وتقصرين النار وبس كلها 25 دقيقه واحلى رز ابيض يكون عندك |
اذا سلقتي الدجاج وطلعتيه حطي في مويته ليمون اسود وقرفة وفلفل عشان يعطي نكهة وريحة
وتصيرين مجهزة الرز قبل وحاطته بموية ربع ساعة أو أكثر صفيه ثم كبيه على موية الدجاج وقصري عالنار واجلسي دقايق وافتحي القدر اذا شفتي الرز طلع فوق قصري عالنار مرررررة يعني كأنك شوي وتطفينه بس لاتطفينه طبعا وخليه يستوي على مهله.. واذا حسيتيه ناشف مرة طفيه وااذ تبينه أصفر حطي شوي زعفران مع موية وكبيه عليه وسوي كشنة تعرفينها؟.؟ يطلع الرز يجنن |
طريقه شوبارد رااااااااااائعه نفس طريقتي اللي كنت باأقولها
كفيتي ووفيتي ياشوبارد......... |
والله يالولو انت من الاشخاص اللي أدعيلهم دائما فالانسان الذي يتمتع بأخلاق عاليه لاينسى أبد الدهر
وإن شاء الله ربي يوفقك بولد الحلال اللي يسعدك الحين صاجينا على العرس وإنتم ماتعرفون تطبخون:d :d المهم التبوله تقدرين تحطينها في الثلاجه لاكثر من يوم بشرط لاتحطين طماطم ولا ليمون أو زيت ووقت الا كل عاد حطي عليها ماسبق وبعدين أقولك على الدجاج العيال صجوني:30: |
التبولة " ماأعتقد في أحد بالدنيا ما يحبها "
المقادير: - بقدونس مفروم ناعم - طماطم مفرومة ناعم - نعناع مفروم ناعم - بصل مفروم ناعم جدا - برغل ناعم "مغسول ومنقوع بماء نظيف" - عصير ليمون "حسب الذوق <<< أحبها حامضة" التتبيلة: 2 م ص دارسين 1 م ص فلفل أسود ملح زيت زيتون الطريقة: تخلطين المقادير مع بعض وتخلط التتبيلة في وعاء بروحها ونصبها على الخضار قبل التقديم ب10 دقايق أو أقل عشان ما تذبل.. وتقدم إما مع الخس أو الملفوف ...ينوكل طاازج... |
| الساعة الآن 04:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©