|
والدها يدقق في السؤال عني
السلام عليكم ....
اولا .. قررنا نكمل نصف الدين والحمدلله ...:14: فبعد مشاورات وتحقيقات وقع الاختيار ... فنسأل الله التوفيق ... وتحدث النسوان مع النسوان انه نريد بنتكم لولدنا ومن هالسوالف ... المهم لااطول عليكم .. المشكله وامكن ماهي مشكله ... اللي زعلتني ..:11: ابوها شوي شكاك اودقيق .. سأل وماخلى شيء ( وهذا من حقه ولو كنت مكانه لسويت زيه) بس لمن سأل فى المدرسه الله يهديه ... ماسأل عن انظباطي في المدرسه وغيابي و من هالسوالف .. ...(اعمل معلم) اتصل على المدير .. واعطاه السالفه انو انا متقدم لخطبة بنته وش رأيك يالمدير .. والمدير بيني وبينه مشاكل .. مو مشاكل اقدر اسميها مشادات كلاميه على الحصص والجدول وامور اخرى ... قاله المدير يعني مادري اش اقولك :30: (كأنه يبي يطلع حرته بها الموضوع ) بس اسأل المعلمين اللي معاه .... (يعني خلوها سالفه ............) سأل امكن ثلاثه اواربعه وماقصروا الله يجزاهم بالخير ... المهم .... الحين اللي مزعلني اسلوب ابوها ... وماعرف كيف يسأل .. والا المدير مااشره عليه ...:23: عادي قليل عقل ... (مخلي المدرسه كلها تسولف باالموضوع ) موضوع يزعل والا لا والا انا مكبر السالفه ......... آسف ...آسف ....آسف على ازعاجكم وسامحونا على التطويل .. |
اول شي نقولك مبروووووووووووك عليك الخطبه ووالله يتمم كل امورك على خير
ثانياً: كل واحد له اسلوبه ووطريقته في السؤال...وماعليه الريال يمكن ماعرف بالضبط اشقا يسأل بس الحمدلله يت على جي...والمدير ماقام يخبص بالرمسه ... والبركه عاد فالمدرسين ....يمكن الواحد ينقهر شوي بس ارد اقولك خلك من صغائر الامور ومدام ربك سهلها ان شاء الله يتم كل شي على خير وجه ولا تنسى عاد هذا عمك الحينه..فحاول تغض عينك عن الامور اللي ماراح تييب اي فايده ومبرووووووووووووووووك مرة 2 |
انا اعتبر طريقة السؤال عن الخاطب فن واحتراف
غلط ان تسال عنه بطريقه مكشوفه وتفضحه بين الناس ومثلا لو ماصار نصيب وش بيكون كلام الناس اللي عرفت بالموضوع |
يمكن الطريقة غلط ..
لكن لا تشيل بقلبك من بداية حياتك معه .. يمكن من خوفه وحرصه على بنته ماعرف باي طريقة يسأل ويتقصى عنك .. أنا صار لي 5 سنين متزوجة .. وللحين شايلة بقلبي على الوالد لأنه ماتقصى جيدا .. |
يا ريت جميع الاباء يكونو هيك
عشان يضمنو لبناتهم النعيم المقيم دنيا واخرة |
خفايا الروح
مشكوووور على المرور ياقزم بس عصبي ... يافهمني هذا الي اقول انا المفروض انو ابوها مايطش السالفه كذا يسال باسلوب احلى من كذا يقول يبي يستأجر عندي كيف عمله منظبط والا كيف .... مشكووور حبيبي على المرور .. بحرينيه ولكن .... انا ماالومه على السؤال من حقه بس الاولى والاحسن يغير الاسلوب ...... هذا من اولها اجل وشلون تاليها الف شكر على المرور بنوته الله واعلم انك فاهمه الموضوع غلط انا اقول من حقه .... ومايصير يعطي بنته لاي احد بس انا اعتراضي على طريقة السؤال ......... ونشر الغسيل بس ...... مشكوره على المرور . |
بصراحه ابوها عنده قل دبره يعني مايعرف يبر امره 00 مايصير كذا مهب زين له ولا لبنته ولا لك 00
انواع الاحراج 00 المروض يلمح ولا يصرح 00 او يقول سالفه غير الخطبه 00 لكن الف مبروك والله يتمم عليك |
السلام عليكم،
نسأل الله العليّ القدير أن يتم لك زواجك، ويرزقك الزوجة الصالحة والذرية الطيبة. عندما تقدم نسيبي لخطبة أختي قبل بضع سنين، إتصلت بمدير مدرسته، وقلتُ له "فلان ابن فلان من الناس أتانا خاطبا في أختنا. فما رأيكم يا سعادة المدير؟" بالضبط كما سأل عمك عنك. لا اعتراض على طريقة السؤال. وأكثر الذين يسألون عمن يتقدم لمولياتهم من بنات وأخوات لا يسألون عن التزامه بالدوام وانصرافه وحضوره وغيابه ومشاكل جدوله وكم نصابه من الحصص وكم حصة انتظار ينبغي أن يحققها! في بلادي يحفظها الله لا يوجد موظف حكومي مثالي أو متلزم، المُدير والمُدار سواءٌ بسواء! فهذه حقيقة معلومة بالبداهة. ما يبحث عنه الوليّ هو الالتزام بالصلوات، واجتناب الفاحش من الكلام، والانضباط في السلوك، والتعامل بالحُسنى مع الزملاء، والبُعد عن السفريات، وغيرها من الأمور الرئيسية. الخلل في شيء من هذه الأمور مانع من موانع الزواج. وعندما يُسأل المدير في العمل، أو الإمام في المسجد، أو عمدة الحيّ، عن فلانٍ أو علان، فإن السؤال يكون في الغالب في صيغة "فلان جاء يخطب في كريمتنا، فماذا ترون؟" وهذا السؤال بهذه الطريقة كافٍ لإفهام المسؤول عما يروم السائل من الأمور التي ذكرتُها لك آنفا. ثم إنّ مديرك عندما قال "مادري إش أقولك، لكن اسأل زملاه" فعل خيراً! فهو على مشاكله معك فقد آثر الابتعاد عما يسيء إليك، والتزم الأمانة في النصيحة للرجل، فقال "اذهب إلى زملائه فهم أعلم به". ولا أعلم لم قلبتَ الطاولة عليه وفسرتها على أنّها إساءة! أنظر للجانب الإيجابيّ في ردّ مديرك على عمك، وستعلم أنه كان يريد بك خيراً. وفقكم الله لما يحبه ويرضاه، عبدالله،،، |
اقتباس:
|
الأخ عبدالله كفى ووفى
ترى بعض الآباء من زود الخوف على بنته ومن كثر مايسمع بالقصص والمآسي اللي تصير لبنات الناس من بعض الأزواج اللي مايخافون ربهم، تلاقيه ماعرف اشلون يسأل ويتصرف في الموضوع بس اعذره ولاتشيل هم بما انك مقدر وضعه زي ماتقول ولو كنت مكانه لسويت زيه وفي مثل يقول" من ثوبه طاهر صلى" يعني اذا انت واثق من نفسك ماعليك من أحد ورد المدير مش بطال عالرغم من الحساسية اللي بينكم. وبالبركة والله يوفقكم |
| الساعة الآن 07:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©