|
تتوقعون الانسان يحب في زواجه من اول يوم ولا ؟
السلام عليكم ورحمة الله وبركاته
أول شي في بالي شي مره مضايقني سبحان الله دايما اقول متى اتزوج واكيد اغيري يقووووووووووول لكن المشكله بس يصير الامر اكيد تبدا ضيقة صدر موضوعي ومافيه حسيت انه انا عاله على المجتمع احس العالم تدعي من قلب انه الله يرزقها ومن هالكلام اقسم بالله من جد اتضايق ويناظرون لي نظرة المسكينه ما ادري متى الناس تتخلص من الشي هذا وغير الشي هذا الحين تطور المجتمع اللي عندي صارو هم يبحثون لي عن عريس الغفله :d المهم انه انا في حيره من امري شخص تقدم لي ماشالله السمعه والاخلاق و ... ألخ المهم لابد انه يكون فيه شي طبعا ما فيه احد كامل الا الله ... مشكلته انه تزوج انسانه لمدة أسبوع وطلق يقووووول أنه مــــــــــــــــــــــــــااحبها وش رايكم ؟ عذره مقبول ولا لا كل خوفي اوافق واندم بعدها ويقول ما حبني بعد :( والله الموضوع شاغل فكري ما ادري وش الحل امي اول مره اشوفها محتاره دايما ترفض هذي المره الوحيده اللي قاعده تفكر ما ادري وش رايكم ؟؟؟ |
أختي
الرجل كما تقولين طيب السمعة والأخلاق ومع ذلك لايمنع من التريث والسؤال عن أخلاق الرجل من زملائه ومعارفه خاصة لو كان ليس هناك فترة طويلة بين طلاقه والتقدم لك ، الله يوفقك للي فيه خير وسعاده لك وله ، تقديري لك |
دام انه اسبوع وطلقها احسن من اللي سنين وعاشرها وفهمها وعرف كل اللي فيها ويقارن بكل شي
لو انا بمكانك بصراحة ماشلت هم كثير هذا اعتبره شاب ماكنه متزوج وماراح يقول ماحبيتها صدقيني تلقينه ضايق صدره عشانه مطلق وماوده يفشل للمرة الثانية انا قريب لي طلق بعدشهر زواج وبعدها تزوج وحدة مع انها ماعجبته كثير في الشوفة الى انه اول ماتزوجها حاطها فوق راسه ويهتم فيها كثير يقول اخاف اني غير صالح للحريم :d وماشاءالله ماشين الحين وعندهم عيال أسألو عنه والله يوفقك ويكتب لك الخير |
الأخت نجود
الله يوفقك ويكتبلك الخير.. وأرجو أن تتأكدي وأهلك من الخاطب إن كان فعلا كما وصفوه. لن أدخل فيي تفاصيل القصة فأنت فتاة راشدة وأبويك أحرص عليك مني يجب أن يأخذوا الموضوع بجدية أكثر ويدققوا في السؤال عنه ويجلس معه والدك ويعرف منه السبب الحقيقي الذي دفعه للطلاق قد يكون هناك سبب آخر أكثر إقناعاً. |
وفقك الله
.... لن أقول إقبلي مباشرة لكن إستخيري وإسألي مرات عنه .... ونبارك لك قريباً بإذن الله ... دمتي ياحبيبة |
يسر الله أمرك ..وشرح صدرك لما فيه الخير ..
بالنسبة لطلاقه الذي كان بعد أسبوع فقط ... فلا أتصور ..لأنه لم يحبها ..أبدااااااااااااااااااااااااااا وإلا .. لصبر شهر وشهرين على الأقل .. ولكن حتما ..هناك سبب آخر . قد يكون مما يذكر ..وقد يكون مما لا يصح ذكره لا ندري .. ولكن .. لا ..تقفي عند هذه النقطة من هذا الجانب .. واسألي .. والأفضضضضضضضضضضضضل ..سؤال ..مقربين لطليقته ..ربما تجدين شيئا من الصواب ..ومع ذلك لا تقفين عند حكمهم ..واجمعي حصيلتك من الجهتين.. |
الله يسر لك الخير ياررب ..
|
الله يوفقك الى الاصلح يارب
عادي انا اعرف واحد طلق زوجته من اول يوم بس والسبب يقول ماحبيتها ماقدرت سبحان الله هذي اقداار استخيري اكثر من مره واسالو اهل طليقته عن سبب الطلاق وتريثي بالاختياار واكثري من الدعاء والله يسعدك بالدارين وعقبال يااااااااااااااااااااااارب جميع البنااااااااااات عاجلا غير اجلا مادري ليه متقائله خيررر انه راح يجي نصيب البنات هنا بالتوالي باذن الله وبالقريب العااجل يارب لاتخيب لي امل يااارب والله يرررزق الجميع عاجلا غير اجلااااااا |
ما خاب من استخار عزيزتي
و الخيره فيما اختاره الله:) |
هذي جديده الصراحه
ماحبيتها !!!!!!!!!!!!!!!!!!!!! نلعب حنا هذا زواج يا ناس اذا كان هذا عذره فاعتقد انه غير كفؤ يعني وش ذنب بنت الناس اذا حضرتك ماحبيتها ياخي الا تعلم ان الحب ياتي مع العشره |
| الساعة الآن 02:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©