|
محتاج لرأي كل واحد فيكم ؟؟
السلام عليكم ورحمة الله وبركاته مساء الخير أخواني أخواتي الاعضاء عندي موضوع مشغلني وأبي أخذ رايكم فيه أنا ان شاء الله عازم على الزواج خلال هالسنه او بالاصح الصيفيه القادمه (( أدعولي ان الله يوفقني ويرزقني بنت دينه وخلوقه وعلى قدر من الجمال )) وماقد خطبت الا مره وحده وماحصل نصيب ماعنهم مارفضو والا أنا رفضت بس المشكله كانت في عدم أمكانية الزواج خلال السنه هذي او حتى اللي بعدها عشان كذا أعتذرنا لهم والله يوفقهم ويفقنا .. أدري بتقولون وين المشكله الحين :d طيب هالحين بدخل بالموضوع أنا لي بنت خال عمرها تقريباً الآن على وشك الدخول في 29 مابعد تزوجت مع ان والله العظيم ماينقصها شي جمال دين اخلاق ثقافه طيبه خريجت كليه ماشاء الله عليها بس النصيب مابعد جاها وانا دايم أسأل أمي عنها لاني شايل همها ويوم أشوف معانات البنات بهالقسم تطري علي وأدعي لها بعد ماجينا من الديره سألت الوالده الله يطول بعمرها عنها قلت يمه وشلون افلانه ماجاها نصيب للحين ؟؟ قالت والله ماجاهم احد نصيبها وقف حزت بخاطري وحسيت بحزن وتمنيت لو سمعت عنها خبر يفرح المهم قلت الله يوفقها ونسيت وقلت للوالده هاه دورتي لي عرووووس لاني انا دايم اقول للوالده برمضان تقولي اصبر لين الناس تعيد تراك اشغلتنا أحد يروح يخطب برمضان :d المهم قالت لي العروس جاهزه .. انبسطت انا وحسيت بتفائل .. قالت لي فلانه بنت خالك .. بصراحه ماصدقت وقلت للوالده اما أتزوج فلانه أكبر مني بسنتين .. وانا اللي أنظر لها نظرة أخو .. ولا عمري فكرت مجرد تفكير أني أتزوجها مع أني معجب بخلاقها وبجمالها ودينها من يوم انا اصغار بس مسألة زواج يختلف الوضع مدري ليش المهم الوالده بدأت تقنعني .. وتقول والله مافيها كلام .. وراح تسعدك لان نفس الصفات اللي تبيها موجوده فيها هي فعلاً كل الصفات اللي أبيها فيها موجوده بس المشكله الاساسيه أكبر مني بسنتين وانا حاط أبالي من يوم فكرت بالزواج اتزوج وحده أصغر مني بثلاث سنين او اربع ؟؟ وانا أنسان قلبي رحوم واذا تذكرت ان هالبنت تعاني بمسألة الزواج يحن قلبي عليها .. وانا الحين محتار ومسألة العمر بيني وبينكم تخوفني .. ؟؟ .. خاصة ان البنت توقف عن سن الانجاب في الاربعين تقريباً برايكم هل فارق السن يأثر ؟؟ وأبي رايكم بمشكلتي وأبي مشورتكم الله يوفقكم أخوكم رجال |
عادي بس سنتين؟؟؟؟
الرسول تزوج خديجه وكان عمره 25 وهي 40 وانجبت منه 4بنات و2ولدين وكانت اول وحده يتزوجها ولم يتزوج عليها في حياتها وفاء لها لانها وقفت معه بدايةايام النبوه واول من اسلم من النساء اذا كانت عاجبتك توووكل على الله واذا كنت تفكر في الانجاب البنت توها صغيره يمديها ان شاء الله تجيب لك16طفل اكثر الحريم يوقفون على45 وبعضهم 50 |
والله انا ما اييد الرجال الي ياخذ وحده اكبر منه
لكن في المقابل هناك الكثير من الزيجات تكون ناجحه اما عن الاولاد فليس كل من كبر عمرها قل انجابها والحين الناس يكتفون4او5اطفال والله يوفقك |
بالعكس
العمر ماله دخل بالعكس تكون عاقلة ومتزنة... وبالنسبة لسن الانجاب حنا عندنا الحريم هالحين ما شاء الله إلي الـ45 والـ50.... بعدين في هالظروف المادية الصعبة كم ولد بتجيب...؟! أستخير وشوف وش ربي بيوجهك له... الله يكتب لك ولها ما فيه خير وصلاح... ما تدري.. يمكن ربي ما كتب لها عرس للحين لأنها مكتوبة من نصيبك باللوح المحفوظ...! |
بصراحه اخوي احس انك تبي تتزوجها من باب الرحمه فقط
حرام بصراحه احس فيه ظلم للبنت والله ... هذي حياة وعشرة مو يوم او يومين فكر كثير قبل لاتتخذ القرار وما ادري انا مو من المؤيدات انه تاخذ بنت اكبر منك مهما كان السبب ... والله يوفقك |
و عليكم السلام و رحمة الله و بركاته أخي رجل:
و أخيرا كتبت الموضوع المنتظر؟!!! كنا في الانتظار:) السن ليس مشكلة .. مجرد سنتين!!! أعطيتك مثالا في موضوع آخر.. عن أختي التي تكبر زوجها بأربع سنوات تقريبا.. و في محيطنا .. كثيرة هي الزيجات التي تكون المرأة فيها أكبر من الرجل.. خذ على سبيل المثال.. أحدى مدرساتي تأخرت في الزواج لمده طويـــــله جدا و لكن ربك رحمها.. و تزوجت من شخص يصغرها قرابة ال 8 سنوات.. و ليست هي الوحيده .. رقم 8 متكرر في زيجات أخرى.. ولله الحمد مرتاحين و عندهم أبناء.. و انت اتفكر بعدد الأبناء من الحين .. سبحان الله.. هذا رزق ماتعرف شو ربك كاتب لك.. الله يسهل عليك يا رب.. استخير .. ما خاب من استخار.. و الخيره فيما اختاره الله.. و من يدري يمكن البنت ترفض بعد لأنك أصغر منها؟؟ كلها احتمالات فقط لا غير.. و الخيره في اللي يختاره ربك.. |
اقتباس:
16 طفل :d ياليت والله أكيد أفكر بالانجاب .. لان الاطفال زينة الحياة الدنيا الله يجزاك الف خير على ردك وابدا رايك والله يخلي لك خالد وابو خالد اخوكم رجل |
اذ مايعيبها شي عاااااااااااادي
وترا هذا زواج عشره عمر يعني اذ بتاخذها من باب الرحمه لا انتبه واعتقد البنت هي مراح توافق تاخذ احد اصغر منها مع انه عادي الامر بس قليل من البنات يوافقون على انهم يتزوجون رجال اصغر من اعمارهم استخير واستشيررر والله يوفقك ويوفقها والجميع يااااااااارب |
اقتباس:
ممكن اعرف ليش ماتأييدين ؟؟ الله يجزاك خير على مروورك وردك |
اقتباس:
هذا اللي معجبني اكثر فيها العقل والاتزان وانا سواءً اخذتها او مخذتها مستحيل اتزوج وحده من 22 وتحت الظروف الصعبه .. !!! قصدك الغلا وووالخ يابنت الحلال الله بيعين .. الله يجزاك خير أختي وشاكر لك ردك |
| الساعة الآن 04:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©