بنتي سوتلي مصيبه
 

انا في مصيبه والسبب فيها بنتي اعطيكم المشكله وياليت تساعدوني في حلها لاني من شدة التفكير في حل احس بالم في المعده واحس اني بااستفرغ اكرمكم الله
في البدايه سيرت على ناس من جماعة زوجي وحصلنا عند هذه الحرمه حرمه عندها وكانت اجنبيه عنا وكل ماشافت واحده مناقالت فيها وصف طبعامدح ولما رجعنا البيت طبعا بنتي تدرس في مدرسه ومعاهابنات من جماعةا بوها وراحت بنتي تطق حنك مع البنتين ان رحنا عند فلانه وحصلنا واحده عندها وقامت توصف ماما وتصف فلانه وعلانه حتى وصلت عند حرمه تكون قريبة راعية البيت وفي نفس الوقت تقرب لاابوها البقره اللي هي بنتي صارت تتكلم عنها كلام جهله انها مش رومنسيه وفيها........الخ ماتدري ان ام البنات اللي بنتي تكلمت معهن انها صديقتها الروح بالروح ونقلت الكلام كله اليها واليوم رحت عند ناس سهره وفجاءه واحده تقول ان فلانه زعلانه على بنتك وانتي كمان طبعا بغيت انجن وقلت ليش قالت كذا كذا وتقول هذا كلام الكبار ونقلوه الصغار وتعالو شوفوني
اولا والله العظيم اني لم اقول كلمه من اللي صار ثانيا لوجاني الخبر وانا في البيت كنت ذبحت بنتي بس الله اعطاها اني كنت عند ناس وما رجعت البيت الا هديت شوي وسويت معها تحقيقواقسمت انها ماقالت وان البنت الفت عليها .
المهم طول الوقت وانا افكر ايش اسوي ما قدرت انام ابغى اكلم الحرمه بكرهواعتذر عن بنتي بس المصيبه اللي اعطتني الخبر قالت لاتخبريها اني انا قلتلك المصيبه هاذى ملسونه كلن يخاف مواجهتهاوانا متردده مادري ايش الحل الله يفرجها من عنده.
معلومه بنتي عمرها 14 سنه انا عارفه انها تفهم مش صفيره وكذا مره حذرتها من عواقب نقل الكلام بس لاحول ولاقوه
عندي حاله غريبه والله العظيم انه حقيقه اني اذا فكرت في شى حلو ينقلب ضدي مع اني والحمدلله دينه ولااتطير ولا اتشاؤم بس مادري زي اليوم الاتصالات من كل مكان يحبون اسير معاهم وفي نفسي احمد الله اني محبوبه عند خلقه وصار اللي صار ولي احداث كثيره اقولها في نفسي قبل لساني وتصير
المهم ساعدوني ايش اسوي في هذه المصيبه والله اول مافكرت فيكم لانكم اهلي اللي ارجع لهم في الشده والرخاء
وحسبنا الله ونعم الوكيل

أول شئ فهمي بنتج اي شي يصير لازم ما يطاع بر البيت وبعدين كلمي المره واعتذري لها رضت بالرحب والسعه واذا ما رضت بصراحة هي بتكون الغلطانة لازم اتعرف انها بنت هاي كلام بزيرين

مشكورين على الكلام الطيب

الله يعينك ..................

الأيام كفيلة بمداواة الجروح

بس الواجب تطلبين من المرة تسامحكم

بس الكيفية فكري فيها وان شاء الله تجدين الوسيلة .

الللللللللللللللللللللللللله يعيييييييييينك

يا قلبي الوجه للوجه ابيض وبنتك حسابها معك يعني لازم تعلمينها وشلون ما تنقل الكلام وخاصه اذا صار هالشي فيها عاده راح تخرب بيوت بسببها وياما بيوت تخربت سببها نقل كلمه فعوديها من الحين على خطوره هالشي

ثانيا تحملي الكلافه واعتذري وتحللي من المره وفهميها الموقف عشان تصفى القلوب ازين

والله يعينك

تسلمون جميعا وانشاءالله مايصير الا كل خير وكأن الموضوع انتهى 50% والباقي على الله
وحسبنا الله ونعم الوكيل

احكي مع الحرمه وقولي لها هاي بنتي جاهله وسامحيها ومن هالكلام لانه بنتك مو كبيره كتير يعني بدها تحط عقلها بعقلبنتك والله يهدي بنتك ويهدي النساء الذين ينقلون الكلام فلانه زعلانه وفلانه مش رومنسيه كله هذا من الغيبه والنميمه ابتعدي حبيبتي عن هذه المجالس قدر المستطاع تحياتي لك وطمنينا شو سار معك

حاولي ما تكوني قاسيه مع بنتك كلميها بهدوء وعرفيها انها حتى لو ما كانت نقلت الكلام بس هي غلطانه بفتح مواضيع تعطي المجال للقيل والقال وتخلي يل عنده استعداد للاخد والرد مجال للعبث في الكلام ونقله
اما عن صديقتك التي وصلها الكلام فعرفيها حقيقة الموقف وبلغيها ان ابنتك لم تقل هذا وانه ربما فهم خطئ وفي النهايه اهديها اعتذاركي واعتذار ابنتك وان كانت هي محبه ومتفهمه تقبلت منكي والا فانتي لستي غلطانه وفي الاول والاخر فهو (كلام عيال)اهم شيئ لاتلومي بنتك بعنف حسسيها بغلطها بس بدون ماتجرحي علاقتك فيها
الله يخليكي الها هي واخواتها