ليلة زفافي .. لا قدر الله!!!
 

هو لازم الوحده تفقد أهلها والجو اللي عاشت فيه .. لكن لا تسبقين الأحداث وتفكرين بهالشي من الحين.
في بنات يتزوجون ويعيشون جنب أهلهم وفي بنات يعيشون في مدن ودول ثانيه لكنهم مرتاحين أكثر..
المهم التوفيق.. وترى الوحده إذا تزوجت تحس إن بيت زوجها هو بيتها <<< على حسي ما أشوف من معارفي

ساعات لما أشوف بنات متزوجات وساكنات في مناطق بعيدة عن اهاليهم ومتوفقين
أقول بنفسي فراق اهلي عيد:d

وساعات أحس اني ماأقدر اعيش بعيد عن امي خصوصا مرة متعلقة فيها جعل يومي قبل يومها.

وكل ماتذكرت ان اهلي رفضو خاطب تقدم لي راح يسكن في كندا سنوات للدراسة أحزن وأضيق

لذلك استنجت ان فعلا فراق أهلي عيد :26: بدون شر ان شاءالله


يقولون البنت اذا تزوجت تقول لزوجها يابعد اهلي كلهم << حتى اهلها تنساهم ههههههههه

اخواتي ربي يزرقكن الصالحين البارين بوالديهم

محد يقدر يعرف وين الله مقدر له يعيش فربما تتزوج البنت وبيتها بجنب بيت اهلها وبعد شهر تجي بعثه لسنوات للخارج

اهم شي زوج صالح ^_^

عيل انا شاقول ..

قبل الزواج كنت اقول إذا انخطبت باخلي زوجي يبني لي بيت أو يشوف لي شقة بنفس المدينة اللي أنا فيها ..

وسبحان الله ..
مو بس رحت مدينة ثانية .. إلا دولة ثانية بعد ..

ليييييييه ليييييه لييييه :29:


أذيتيني يالوفية :21: الدموع تهررررر شلالات


يعني كل ما أتخيل عرسي أتخيله مناحة

من هيبة الزفة لوجه أبي ودموع أمي الجاهزة

شكلي ما راح أطالع فأحد :25:

فكرة!! أخصص ليلة للمناحة زيي ليلة الحنة :22:


أنا أقول المناحة حسب المعرس.. لو واثقة من أخلاقة 100% وعارفة إنه راح يصوني ويشيلني بكفوف الراحة

طبعا راح أنسى أمي وأبي :d بس لو نظرنا للموضوع بإيجابية الزوج لو رأى أهل البنت يبكوا عليها وحزنانين لفراقها يعرف إنها غالية على أهلها فتغلى عليه.. خاصة لو كان رجل بمعنى الكلمة :22:


لا تشيلي هم حبيبتي ربي راح يرزقك الشخص المناسب في الوقت المناسب :14:

عليكم السلام ورحمة الله وبركاته



يـــاوفيه إتركي وساوس الشيطان اللي تتعب تفكيرك كذا

صدقينــــي إذا ربي رزقك رجل صالح ذو أخلاق راح ترتاحين معه وماراح تشيلين هم

بعدك عن أهلك بهالشكل

كل شي في بدايته صعب وشوي شوي يتعود الواحد ويصير الوضع عنده طبيعي

إنتي أهم شي لاتكبرين في عقلك هالموضوع وادعي ربك إنه يرزقك الخير كله

عاجله وآجله

الله يطمن قلبك ويرزقك كل خير

اختي الغاليه وفيه تحيه طيبه لك

كل بنت تتمنى انها ماتفارق بيت اهلها ولو بيدها تبغى تسكن معاهم بس القسمه والنصيب فووق كل شئ

انا وحده من البنات حرصت وبشكل ماتتخلي اني اعيش على الاقل في نفس المدينه اللي اهلي فيها وكنت ارفض خطاب

على هالاساس وكان هالشرط هو اللي يحدد قبولي في العريس لدرجة بعضهم يقبل ويقول اسوي لك بيت عند اهلك

وهالشئ صعب يصير لانه لفتره معينه وبعدها راح يقول لك يا انا يا اهلك وانتي اختاري وطبعا بعد ماتكوني جايبه اول

طفل او طفله وبكذا ضمن انك ماراح ترفضي كلامه....

وبالرغم من موقفي هذا وحرصي على تنفيذ شرطي مثلك تماااما .. ماحصل لي اللي ابغاه وتزوجت وانا الحين في مدينه

واهلي في مدينه وبدل ماكنت اتمنى اشوفهم يوميا صرت اغيب عنهم بالاسابيع وكل شهر مره ارووح وازورهم ويومين

ولاكأنها يومين احسها ساعتين ولا احس لها لا طعم ولا لون ....

هذا النصيب وما كل مايتمنى المرء يدركه

في الاخير حابه اقوولك انه تاخر زواجي كثيير بسبب هالشرط وماتزوجت الا بعد الثلاثين.. وكلي امرك لله سبحانه واللي

كاتبه لك راح يحصل بأذنه تعالي واعرفي انه كل الخير واسئل الله لك ولاخواتي بالمنتدى اللي انا متابعه مواضيعهم

اول بأول الخير والتوفيق اينما كان ..

اسفه على الاطاله بس حبيت احكي لك معاناتي ولو انها باختصار...

دمتي والكل في خير بأذن الله

ليس فقط افتقاد اختي الغالية .. أنا أريد أن أهتم بوالدي عندما يكبران في السن و اذا لم أقدر لسبب الزواج فسأموت من القهر

فقد ضحيا بالكثير الكثير من أجلي أنا بالذات

قلب حنون و عين تبكي لو أصابني مكروه

هذا ماعدا لقمتهم التي تصبح في فمي و هم يتعذبون و لا يقولون

بصراحة لا أقدر ابدا ان ابتعد عنهم ..

فأخواتي و أخواني يحبون والديهم إلا أنني اختلف عنهم و لهذا لا أريد ان أتركهم

كلامك صحيح أختاه ..حيث أن أهلي نفسهم يتمنون ان اكون قريبة لكنهم لا يريدون ايضا التضحية بسعادتي

و دوما أتسائل .. يعني ( ليه لازم يبعدني عن أهلي )؟؟؟


شكرا لمرورك العاطر اختاه

بكل وجع الوفية