|
ارجوا من الكل الدخول والمساعده
بسم الله الرحمن الرحيم
السلام عليكم ورحمة الله وبركاته كيفكم ياطيبين ياحلوين الله يجعلكم في خير دائما اليوم عندي مشكله ثانيه وابغاكم تساعدوني معليش غثيتكم بمشاكلي وثقلت عليكم لكن والله اني ارتاح نفسيا اذا كتبت لكم عن مشاكلي واللي يصير لي لأني والله اني احبكم فيه واحس انكم اهلي ووطني الثاني المشكله اليوم مع عمي ابو زوجي طبعا كان اهل زوجي امه وابوه عندي ام زوجي تعبانه مره عندها ضغط وسكر وفشل كلوي ومشاكل اخرى الله يشفيها ويشفي كل مريض وعمي ماشاء الله عليه سليم ومعافى وزي الحصان لا قوة الا بالله مع ان عمره قريب من الثمانين وطبعا كان امام مسجد وبعدين صار مؤذن وهو حافظ لكتاب الله ودائما يقوم الثلث الاخير من الليل لم تفته صلاة الجماعه في المسجد ابدا يصوم الاثنين والخميس ويصوم الايام البيض يعني ملتزم مره ومحافظ على دينه بشده نحسبه والله حسيبه ولا نزكي على الله احدا المشكله تبدأانه في يوم من الايام كنت انا والخادمه طبعا حقت عمتي كنا في المطبخ ثم انفجرت الخادمه باكيه فأستغربت لأمرها وسألتها مابك قالت انا في خوف كثير قلت ليش قالت انتي مافي كلام بابا وماما قلت لها لا وحلفت لها اني ماقول لأني خفت وابغى اعرف وش فيها قالت وياليتها ماقالت ان بابا يجي عندي في اخر الليل ويدق البابحق غرفتها ولما يلقاه مقفل بالمفتاح يجلس يخاصمها ويهددها وصارت المسكينه تخليه مفتوح من الخوف على بالها انه يبغى منها تسوي له شي لكن طلعت المصيبه الكبرى انه يستنى نوم زوجته ويجي عند الشغاله ويتحرش فيها ويطلب منها ممارسة الجنس معه والعياذ بالله وقلت في نفسي يمكن ان الخادمه تكذب لكن الشغالتين اللي قبلها قالوا عنه نفس الكلام وقلت يعني معقوله تجي اكاذيبهم صدفه وايضا تقول انه يجبرها تأخذ حبوب منع حمل وعذره ان ماما تعبانه وكان يحرمها ومن ارسال الرسائل الى اهلها الى ان تلبي رغبته لكن هي عاقله وهي كبيره في سنها وباين عليها انها ماتبغى الحركات هذي والله انها كسرت خاطري وهي تحكي لي وتترجاني اني مااقول لاحد لانه هددها انه ما يعطيها راتب صدقووووووني والله اني ماكتبت هذا الكلام الا بعد ان تأكدت من صحته 100% وانا ما ابغى افتري على احد او اظلم احد يعلم الله واكيد انكم ياما سمعتم عن خادمات تعرضوا للتحرش من قبل مكفوليهم واما عمتي المسكينه ماتدري وش قاعد يصير من وراها واولاده كذلك سؤالي لكم هل اخبر زوجي او عمتي بهذا الكلام مع العلم انهم لن يصدقون الخادمه ويكذبون الامام الحافظ لكتاب الله حسبنا الله ونعم الوكيل انصحوني وش اسوي لان الخادمه كاسره خاطري والساكت عن الحق شيطان اخرس ولو ماهي محتاجه فلوس كان سافرت لكن الحجه وطلب الرزق ارجووووووكم ابغى مشورتكم وارائكم لأني محتاره في امري اعذرووووووووووووني طولت عليكم وانشاء الله القى عندكم الجواب وجزاكم الله جنة الفردوس |
فعلا مشكله صعبه
انا اقترح انك تقولين لزوجك بالحكايه واقترح عليك انكم تمسكونه متلبس يعني اتفقي مع الخادمه ولما يدخل عليها تتدخلون ورائه وهيك ما راح يقدر ينكر تقولي انك كنتي مارة من جنب الغرفه سمعتي جضيض حبيتي تعرفي شو الحكايه وتفاجئتي بوجوده والله يعينك |
يالله
الله يستر علينا دنيا وآخرة نصيحتي حاولي انك ماتسكتي حراااااااااااااااااااام وش ذنبها هاذي المسكينة والشرع اللي هو يعرفه جوز له الزواج ومحد راح يلومه يا أنها ترجع بلدها وربي يعوضها من ترك شيء لله عوضه الله بخير صدقيني إذا عرفوا الاهل بهذا الشيء راح يلوموها هي ماراح يطلعوا العيب فيه انصحيها انها ترجع بلدها أنا احسه الحل الوحيد لانهم لو عرفوا راح يسفروها الله لا يبلانا وكان الله بعونك |
شكرا
اقتباس:
|
شكرا
اقتباس:
مشكوره على مرورك حبيبتي |
لاحول ولاقوة الا بالله
يا اختي لاتدخلي في هدا الموضوع نهااائيا صدقيني بتحصل كارثه في الاسرة وفي الاخير انتي بتطلعين الغلطانه لان اخوان زوجك وخواته لايمكن يصدقوا مثل هدا الكلام ادا كنت انا انصدمت والله وانا ماعرفهم فما بالك بعياله ومرته انتي حاولي تساعدي الشغاله باي طريقه اسفه ماعندي طريقه افيدك بها ولكن بالنسبه لعمك استري ماستر الله والله يهديه صعبه على رجال بنهايه عمرة يطلع عليه كلام من هدا النوع ممكن تكلمي زوجك بس على شرط مايتكلم مع احد ويساعد الشغاله باقرب وقت ممكن نسال الله الستر في الدنيا والاخر وحسن الخاتمه اختك ام مجيد |
أقترح أن تخبري الخادمه .. بأن تخبر زوجك بما حدث .. دون أن تخبر أنك على علم بذلك..
و ليراقب الوضع .. حتى لو اضطررتم لوضع كاميرا بشكل مقابل لباب الخادمه.. حتى تتضح الأمور فلربما تكون مكيده من الخادمه.. لا أحد يعلم سوا الله سبحانه!! |
قولى لأبنه وافضحيه
هو أصلا فضح نفسه ما يخاف الله ما يخاف على بناته؟؟؟ الله يهديه خليه يتزوج |
الله يعينكم ونصيحتي لاتخبرين احد وحتى لو سافرت هذه الخادمه بيجئ غيرها وهو طبع فيه ماراح يتغير وعلى الاقل هذى مو راضيه ويمكن من كثر ماتمنعه يخاف وينطم بس اخاف تجئ واحده وتقبل بعد مايغريها بالفلوس وتصير بعدين حامل وتصير فضيحه بجلاجل
|
لاحول ولاقوة الابالله
الله يعينك يااختي انا من رأي تقولي لزوجك بهدوء بحيث انه مايخبر احد وان زوجك يراقبه علشان مايعرف ان الخادمه اهي الي حكت لكم ويتفاهم معاه الله يهديه |
| الساعة الآن 08:27 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©