شجعني موضوع أخوي الكبير ..جزاه الله خير ..عن تصرفات الناس معانا ..
على كتابة موضوعي هذا ..

أذكر لما انفصلت ..طبعا كل الناس استغربت ..بس يعني وش بيقولون ..ماقالوا الا ::الله يعوضها

لكن انا كنت حررررريصة ..وكل ماشفت امي تمسك التلفون وتسكره ..

أروح أسألها لى طول ..

كنتي تكلمين من؟؟
عرفوا عني ؟؟
شقالوا ؟؟

وصار هذا وضعي يومياااااااااا ..

ولما لاحظت أمي الله يطول عمرها ..اني كثير مهتمة بكلام الناس وانتظر ردود أفعالهم ..
قالت لي جملة ماراح أنساها :

قالت : يايما وراج مهتمة بكلام الناس ..ترى يابنتي محد فاضي لحد ..يمكن يتكلمون في الموضوع دقيقة دقيقتين ..ساعة ساعتين ..وان كثروا كثروا ..يووم يومين ..

وبعدين خلاص كلن بيعيش حياته ..وبيشوف مشاغله ..

وصحيح كلام الوالدة

احنا يابنات كثيررررر شايلين هم الناس وكلامهم ونظراتهم وتعليقاتهم

ولما نجي نبي نروح زيارة أو نحظر تجمع عائلي مثلا ..صرنا نشيل هم كلام الناس ونظراتهم ..
بزيااادة

والحين هذي شبتفكر فيني ..وهذي وش بتقول عني ..

ليما صرنا نكره الطلعات والتجمعات ..وعزلنا أنفسنا

وهذا غلط ..وغلط كبير بعد

تدرون أنا مثلا صار ينكسر خاطري على المتزوجات اللي مو مظفات مثلا ..من كثر ماصاروا يشتكون من وحدتهم والملل اللي يعيشون فيه ..خاصة ان أزواجهم دايم برا البيت ..وأقول الحمد لله على الاقل انا عندي اللي يلهيني :17:

أو بعض صديقاتي اللي للآن ماتخرجوا ..
انا صار لي اكثر من سنتين تخرجت وتوظفت الحمد الله ..وبعضهم للآن ..متبهدلين بالجامعه ..عطلهم زواجهم ..سبحان الله



ومنهم اللي تزوجوا للآن ربي مارزقهم ذرية ..يعني سبحان الله يمكن احنا نتزوج بعدهم لكن ربي يقدر لنا نشوف ذريتنا قبلهم ..صح ولا لا ؟؟:14:

الله يعطينا ويعطيهم

وبعدين هم لما راح يشوفنا ..يمكن يجي في بالهم يفكرون في وضعنا ..

ويمكن يقولون في نفوسهم :مسكينة فلانة ماتزوجت ..الله يرزقها ..( وتكوني كسبتي لج دعوة )):17:

أنا طبع ما ألم عن النفوس المريضة ..اللي تتشمت على الرايحة والجاية ..هذي النوعية من الناس أنا حاطة ليهم X

من زمااااااااان

والله هذولي احنا اللي لازم نشفق عليهم لأنهم ناس مرضى ..وندعي لهم ..الله يعينهم على أنفسهم ..

وبعدين ..بالكثير قالوا لنا كلمة كلمتين ..خليهم على ربج

اخرتها بيبعدون عن طريقنا ..وكلن بيعيش حياته ..ولى قولة أمي : محد فاضي لحد ..كلن لاهي بحياته

وبنشغل فيها

الله يشغلنا بطاعته


قوالوا اااااااااااامين