فكرة حلوة للفطور
 

السلام عليكم ورحمة الله و بركاته


كيف حالكم أخواتي العزيزات ؟


بس حبيت أقول لكم عن حركه بسيطة سويتها لزوجي أمس في الفطور لكنه فرح كثير بها و تركت أثر حسيته ظل ها الأثر الحلو طول اليوم


في البدايه أنا زوجي ما يحب يصحيني علشان الفطور لأنه يأكل أي شيء يعني ما يهتم بهذي الوجبه كثير لكني حبيت أسوي له مفاجأه حلوة الصبح

أول شيء جلست عند أذان الفجر بالضبط وفرصه كان زوجي في سابع نومه قمت جهزت له الفطور طبعا كل وحده و اللي تشوف أنه مناسب لزوجها أنا جهزت له ساندويشات و قطعت له شوية فواكة يعني مو سلطة فواكه بالضبط يعني تشبهها و جهزت الصينية نثرت فيها أوراق ورد و صفيت الأكل و حطيت ورقة خليتها كأنها قائمة الطعام و كتبت فيها قائمة الفطور لهذا اليوم :

- سندويشات بيض لبطنك يالغالي

- نسكافيه مر لكن فمك يحليه

- حليب أبيض مثل قلبك الطيب

- سكر لكنه مو طبيعي مثلك


و عليك بألف عافيه يالغالي


و كتبت له في النهاية / حبيبتك و أم عيالك وزوجتك الأولى و الأخيرة إن شاء الله :)



و حطيت بطاقه أنا سويتها ورسمت فيها بيدي كتبت فيها ( أحلى فطور لجل عيونك يالغالي ) و ثبتها في عود خلخال و غرستها في السكريه اللي هي علبة السكر .


و طبعا زوجي الله يخليه استانس كثير و ترك لي على الكمبيوتر ورقه كلها كلام حلو و لم رجع من العمل كان مستغرب كثير يقول لي متى جهزتي الفطور و ما حسيت فيك لكني ما قلت له طبعا لازم كل وحده تكون لها أسرارها و لمساتها الخاصة اللي المفروض ما تقولها لزوجها علشان ما يكشفها زوجها كل مرة .:28:



تحياتي لكم و تمنياتي لكم بحياة زوجية سعيدة خالية من المشاكل

بصراحة اختي ازهار نيسان فتحتي نفسي حتى انا ماشاء الله عليك فعلاً فكره حلوه وحمستيني اسويها لزوجي المسكين بكره بأذن الله وياريت ما تحرمينا من افكارك الحلوه هذي ...



تحياتي .. لحظة حنين

فكرة روعة الله يبارك لك إن شاء الله انفذها في أسرع وقت

فكره جميله تدل على حبك الشديد بزوجك

الله يسعدكم


ويبارك لكم فى اولادكم


تسلم يدك والله يعطيك العافيه

أخواتي العزيزات

لحظة حنين / تسلمين على مرورك عزيزتي و جربي تسوينها و إن شاء الله تعجب زوجك و الله يحفظكم لبعض إن شاء الله .


قهوة مغلية / حياك الله عزيزتي و مشكورة على ردك و مرورك .


ماهيناز / الله يسلمك و يعافيك و أكيد عزيزتي المرأة المفروض يكون زوجها هو أعز و أغلى ما عندها فلازم تبذل كل ما عندها حتى تسعده ... و الله يسعدك إنتي وزوجك يارب .


demah** / الله يسلمك عزيزتي و الرائع هو مرورك وردك الكريم .


تحياتي لكم جميعا

فكرة تجنننننننننن

وتفاعل زوجك معاك ايضا جمييييييييييل

ما شاء الله عليكم

ربنا يخليكم لبعض

ماشاء الله ..
فكرة حللللللللللللللللوة ..
وأكثر من حلوة ..
بصراحة طلعتي قمة في الرومانسية ..
إن شاء الله أجربها ..

والله فكره تجنن...ان شاء الله اسويها لزوجي
جزيت خيرا