![]() |
ابني واسئلته المحيره!!!
ولدي عمره 5 سنوات منذ دخوله الروضة أواكماله الخمس سنوات وهو كثير الأسئلة بشكل فضيع!! عن كل شي لو بكيفه من يصحى الصباح الى وقت النوم عادي عنده!!
وأغلبها عن الله والشيطان والجنة وغيره!! الله له يدين؟؟ الله يشوف؟؟ طيب ليه هو فوق؟؟ مره تعب الله يحفظه وجاه كحه وترجيع,, وهو تعبان (ماما مين اللي خلاني امرض؟؟ ربي ولا مين ؟؟ قلت ايه الله يمرضنا ويشفينا,, قال طيب أنا صغير ليش أمرض!!!! طيب ليش آكل بيدي اليمين ؟!!! مين أقوى الحرامي ولا ربي قلت الله طبعا,, آخرتها قال أنا إذا كبرت بصير حرامي:24: لأن الناس يخافون منه!! أحيانا احتار بالرد على اسئلته لأني مابغى اعطيه معلومات مغلوطه,, غير امنياته إذا كبرت بشتري همر مدري ايش !! ولا كامري وبيفحط !! تتوقعون للبلاستيشن دور في تفكيره هذا؟؟ لأنه يحب اشرطة المصارعه والسيارات والتي تميل للعنف حاولت امنعه عنها بس ماقدرت,, أمس جاني يركض يقول ماما أنا قطعت راس صديقي:eek: قلت وشو صديقك؟؟ قال بالبلاستيشن:16: تعالي شوفيه:19: ادري كثرت الكلام بس ابغى الإفادة من الرجال خاصه ومن مر بطفوله مشابهه هل تفكيره على النحو هذا عادي؟؟ولا لازم أحاول اغيره!! ويعطيكم العافية |
هلا يا كل الغلا محد بيفهمك قدي<<<<<< تعااااااااااااااااني ولدي مثل ولدك والله يا عيني مالك حل الا تشيلين ام بي سي 3 وسبيس تون وارتينز واي قناة اطفال ما عدا المجد والبلي ستيشن اخترعي له داهيه وخليه يطفى لو تكسرينه حتى من بعد ما شلت هالخرابيط والله نظف عقل الولد وصاير ادمي وابدأي بسرد القصص الدينيه له... وعلميه عن الله...بتشوفينه يستغرب وما بيستوعب بس سبحان الله يصدقك ولا بيكذبك ولدي بمثل عمر ولدك بالضبط...ونفس الاسئله...بس الله يهديك...الله ما يمرض احد...مثلا ولدك لما جته كحه كان علمتيه انها بسبب اهماله...نبي الله ابراهيم عليه السلام قال(واذا مرضت فهو يشفين) علميه ان ما اصابنا من سيئه فبأيدينا والحسنه من الله... ومن هذا الكلام....لا تقولين ما اقدر اشيل القنوات الكرتونيه...اتفقي مع زوجك واحذفوها وقولوا للولد الله مسحها لانها مو كويسه( في قناة الجزيره للاطفال افلام كرتون تجيب خلفية الرجل عاريه...بماذا تفيد الاطفال؟ )وبلااااااااااااوي والله ومصايب في هالقنوات....والستيشن خشونه وجنان ما بعدها...اكسريها واحتسبيها عند الله...وكرهي ابنك فيها...والله سويت كل ما ذكر اعلاه وولدي صاير مثل النسمه...يساعد في البيت ويسألني عن الله اكثر وحفظ واجباته اسرع من اول جربي والله ما تندمين |
اقتباس:
مشكلتي اصدق تسلمين على الرد حاولت امنعه عن البلاستيشن بس ماقدرت مره طاح منه وانكسر اقسم بالله صياح ليل ونهار ومتواصل لحد ماشتريته!! بيني وبينك البلاستيشن احس مريحني لأنه يقلل من خروجه وذهابه لبيت اهلي والاختلاط بالأطفال بحكم وجودي عند اهلي ,,, طبعا أنا عندي المجد ولا عندي صحن فضائي عشانه والله واخته بس مايناظره!! حطيت له مراجيح برى وألعاب واخته بس مايلعب فيها !! حتى اخته تفضل الفيديو (تويتي وتوم وجيري) على المجد!! بحاول اقلل من جلوسه على البلاستيشن واستبدال الاشرطه بأفضل ومخصصه للأطفال الله يعطيك العافيه |
حرام عليكم يا أمهات ، ارحموهم من التليفيزيون والبلاي ستاشن والله حرام عليكم
قارنوا بنظرة بسيطة بين أجيال أباءكم وأجيال اخوانكم وسوف تعرفون ماذا حدث في الرجال من البرامج والأتاري أنا لم أقل إمنعي فالممنوع مرغوب ، لكن قللللللللللللللي ساعة في اليوم واحدة تكفي ، ارحمي عينه من الاشعاعات ومخه من الذبذبات الخطيرة أسئلته طبيعية طبعا ، في سنه وفي المحيط التي تقولين انه يعيشه (بلاي ستاشن) ثم تقولين أنك نفذت طلبه بعد صراخ وعويل ، اذا هذه طريقة سهلة كلما أراد شيئا سيفعل ذلك، من يربي من ، ،، ابنك أمانة يسألك عليها الله اشركيه في نادي يلعب رياضة ، أشركيه في مسجد لحفظ القرآن ، اتركيه يلعب مع أطفال آخرين لماذا تمنعيه ، يجب الاحتكاك ، كيف سيعيش بين الناس عندما يكبر!! |
لا تنسي أيضا اشراكه في مكتبة والله يرجع بعض كل هذا اليوم نائم لا وقت لغير النوم
|
الساعة الآن 05:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©