ستتزوج معدد لأن أختها الصغيرة راح تتزوج؟ أرائكم؟
 

السلام عليكم

صديقتي تبلغ من العمر 27 سنة ولها أخوات أصغر منها ..عمرها 25 وأخرى بعمر 22

كلهم بسن زواج.. وصديقتي اقلهم جمالا ملتزمة جدا جامعية موظفة..

خطاب أختها ذات 25 أكثر منها .. ونفسيتها تعبانة لهذا السبب

تقدم لاختها رجل مناسب وبنفس الوقت تقدم لها رجل متزوج فقير..

وتبغى توافق والسبب ماتبغى أختها تتزوج قبلها تقول الناس ماراح يخلوني بحالي.. الآن يتكلمون فيني واخواتي لأننا ماتزوجنا..

والدتها مصرة عالموافقة تقول ماابغى افرح بأختك قبلك.. والدها يقول الرأي رأيك

سألتني.. قلت لها لو انا بمكانك اخلي اختي تتزوج وبس الشكوى لله .. اتعذب فترة وارضى

لكن اتزوج زواج ماني مقتنعة فيه عشان الناس وبعدها أتندم لا.

لأنها ماهي مقتنعة أبدا أبدا ونفسيتها تعبانة جدا

قلت آخذ برأيكم وأعطيها خبر الله يفرج عليها..

مساء الخير..
عجبا تتزوج عشان بس كلام الناس
اذا لم تتحقق شروط الزواج الناجح فأنا أرى أنها تبقى في بيت أهلها معززه مكرمة
أفضل لها
((لاسمح الله لو تزوجة وتعذبة في حياتها في ماذا ينفعها الناس))
وخاصة أنه فقير ..
نصيبها إنشاء الله سيأتي لها ..

تحياتي وتقديري
أختك
عاصفة

عليكم السلام ورحمة الله وبركاته

والله قهـــــــــــر إنه كل شي بحياتنا نحاسب فيه كلام الناس قبل أنفسنا :( :(

والله إني حاسه فيها وأنا أول وحدة للأسف يهمني كلام الناس بس موقفها مررره صعب

طيب الرجل فيه مميزات ؟

يمكن يكون كويس وهي ماشافت فيه إلا إنه معدد وماتبيه ؟

طيب موقف أختها الصغيرة ؟

يعني فيه بنات يقولون مانبي نكسر خاطر أختنا اللي أكبر منّا وننتظرها لييين ماتتزوج

إذا فيه إمكانية تسوي خطوبة بس ماينشرون خبرها والرجل كان موافق ينتظر لييين يجيها واحد أفضل

من المعدد .

لو كانوا مستعجلين ومابيدها شي لاتوافق عليه مدامها مو مقتنعة والناس بكيفهم

قوليلها هم بنفس ذيك اللحظة بيتكلمون وينسون وانتي اللي بتعيشين حياتك ومااحد متحملها غيرك

وطمنيها ياشوبارد انه سبحااان الله لما تنخطب الصغيرة الكبيرة على طووول بعدها تنخطب وربي يوفقها

الله يكون بعونها ويصبر قلبها ويكتب لها الخيييير في أمرها

قلبي معها والله :(

كبريائي
عاصة الابداع
غالية

جزاكم الله خير
السبب الرئيسي طبعا الناس.. وبنفس الوقت عشان نفسها تقول لما رحنا السوق نشتري لأختي ملابس عشان يجون اهل الخاطب يشوفونها تقول غطاي كله دموع ومااقدر أشوف طريقي وانا امشي تقول مرة متضايقة ماتخيل اختي تروح قبلي<<< مالومها حاجة تحرق القلب

أختها تقول انت انانية اهلي ماراح يفرحون فيني اذا ماتزوجتي تزوجي هذا وفكينا!!

ولو عندك مقومات تشرطي.. احمدي ربك جاك معدد


قلبي معها والله وكل شوي اكلمها واخاف اقولها اصري على رفضك وتتندم والله مترددة كل شوي تقولي هاه شرايك أنا أجلت قراري لبكرة ( قصدها اليوم)
واتصلت علي اليوم وتقولي انا مابغى ابداااااااا وحالتي حالة بس مابي اختي تروح قبلي
واهلي يقولون الواحد يشوف نفسه قبل مايتكلم
صرت امثل لها لبنات اعرفهم مافيهم اي مميزات وماخذين احسن الرجال.. يعني ماله علاقة بالجمال
وحسستني بالمسؤولية تبغى رايي بأي طريقة
ماتعرف عنه اي معلومة الا متزوج وفقير وعمره في منتصف الثلاثين
بس البنت فيها مميزات يكفي انها ملتزمة وطيبة جدا ومستواها الجمالي مقبول

من اهداف الزواج السكن النفسي والشعور بالاستقرار ، لا لمجرد اسكات كلام الناس الذي لن يسكته شيء .

كيف تحكم على نفسها وحياتها ومستقبلها بمثل هكذا مغامرة ؟! ما دامت غير مرتاحة وغير مقتنعة فلماذا ترمي بنفسها الى هذا المصير ؟! وما ذنب الرجل الذي ستتزوجه ليس عن قناعة به بل هروبا من واقع يؤلمها؟ هو مقبل على الزواج وله طموحاته فهل هي قادرة على تحقيق تلك الطموحات وهي بهذه النفسية المتعبة ؟ هل ستتمكن من العطاء لزوج غير مقتنعة به اساسا ؟
ارى ان لا تقبل بشيء ليست مقتنعة به لانني اخشى عليها من العودة بلقب مطلقة .

الله يوفقها ويكتب..
لها الخير يااااااااااااااااااااااااااااااااااارب

والله الواحد مايعرف وين الخير ..سبحان الله ..

خليها تكثر الاستخااااااااااااااااااااااااااااارة والدعاء ..

الله يفرجها علينا أجمعين اللهم ااااااامين ..

الأمر جدا صعب

والقرار أصعب


انصحها ان لا تقدم لزواج غير مقتنعة فيه

فهذه حياة خاصة بها

وليست حياة الناس لتهتم بكلامهم

أسأل الله ان يفرج امرها قريبا

غنه على كل شي قدير

حبيبتي شو بارد لا نحن ولا الناس رح نفيدها لازم تستخير يمكن هذا الي مو عاجبها واختها بتحكي عنه يمكن يطلع احسن من زوجها اختها الله يهديهم ويوفقهم

ياشوشو سن 27 لاتعتبر صغيره

وهي كانت من اول تعاني لانها في الواجهه

شلون الحين لاتزوجت اللي اصغر منها

معدد او فقير او اي شيء في نظرها معيب لايساوي صاحب الدين

ان كان ذا خلق ودين فما المانع

المهم نيتها عليها ان تحسن نيتها وتقول هذا ستر وابي استر على نفسي

صدقيني لازنت النيه كل شيء يزين

والاستخاره عاد شيء أكيد

خليها تتوكل على الله يمكن هذه اخر فرصه لها

بكره تتعدى 28 وبعدها29وبعدها ستتعب جداً لمجرد التفكير بسن ال30

يعني مابقى في العمر باقي

وربي يكتب اللي فيه الخير