|
قلت له إلى متى ، قال اصبري (دعواتكم)
بسم الله الرحمن الرحيم
انقطعت عن المنتدى لظروف وجئتكم بأمر سبب لي الضيق والحرج من نفسي ليس لي غيركم بعد الله فأبي لا يفهمني وأمي ليس بيدها شيء سوى البكاء تقدم لي شابين في الفترة الأخيرة لم يفصل بينهما سوى أسبوعان جميعهم رُفِضُوا بسبب مستوى تعليمهم فلم يحصلوا إلا على الثانوية ووالدي لا يريد لي إلا الجامعي فأعلى ولأسباب أخرى لعل هذا أهمها لديه ناقشت والدي اليووم ولكنه لم يفهمني وضحت له بأنني أكبر من قبل ولن يأتي أفضل ممن رفضهم في الماضي بسبب دراستي فالرجال على العموم يرغبون الصغيرة وأنه لم يأتي لي بعد تخرجي إلا حملة الثانوية !!! سكت ثم قال اصبري قلت إلى متى لم يجبني بسوى اصبري اصبري وما زادني هو وجود أربع قريبات لي هن صديقات الطفولة ....... فواحدة منهن أنجبت طفلتها الثانية قبل أسابيع والأخرى أتاها الولد الثاني قبل أيام ولديها طفلة من قبل والثالثة والرابعة في شهورهم الأخيرة ولديهم أطفال قبل هذا ثلاث منهن أصغر مني بسنه وسنتين والرابعة أكبر بسنه و أزواجهم من أفضل ما يكون ديناً وعلماً وأنا في الـ24 ومازلت غير مستقرة أحسب أيامي وأفكر في مستقبلي خصوصاً أن من يعرفنا أخذوا يتناقلون بأن والدها يطرد الخطاب عنها وهذي مصيبة زادت رعبي و ألمي فحسبي الله ونعم الوكيل في من كان سبب همي و ضيقي سأذكر لكم قصه كانت سبب مسح ما تبقى من حب لوالدي فقد كسر قلبي كسر لا يلتئم لا تنسوني من الدعـــــــــــاء بأن يفك الله أسري جزاكم الله خيرا |
طيب كلمي الوالدة او اي احد قريب من الوالد
الله يفرج همك ويهدي ابوك ترى امي كانت كذا والآن تغير رأيها تماما |
شوبادر وش برايك أقولهم !!
صعبه أصارح اي شخص بموضوع مثل كذا ، بالقوة بديت أكلم أبوي ما عندي قوة كافيه بعدين الأمور واضحه للكل و المفروض من أنفسهم يكلمونه الله يعين نصبر ألين نشووف وش تالية هالصبر |
الله يكون بعونك عبير
والله ماادري وش أقولك ماعندك أخوان تمونين عليهم شوي وتقولين لهم يكلمون والدك ويفهمونه إنك راضية باللي يجيبه ربي أو حتى أخوات أجرأ منك على الوالد يكلمونه بالكلمة الطيبة إن شاءالله يتغير رأييه ولو ماضبط معه هالشي برأيي إنك تجمعين كل قوتك وتكلمينه بنفسك ووضحي له كل شي خوفيه شوي وقوليله ترى مو كل فترة بيجيني أحد وإنه كثير سمعوا عنك إنك تردهم ماراح يجيني أحد غيرهم وإن شاءالله يقتنع ويفكر شوي بشكل أوسع إنه الحين مو مهمة الشهادات بقد الدين والأخلاق الله يوفقك وييسر أمرك ويكتب لك الخير يـــارب |
الله يفرج همك وهمي وهم كل مهموم
مافي غير الصبر والدعاء انا بعد شايله هم مررره ابوي يرفض الخاطب الجديد المصيبه انه قاعد يماطله اللهم الصبر |
الله يرضى عليك يالغاليه
بخصوص الأخوان ماعتقد يأثرون لأن احتكاكهم بالوالد قليل جدا وهم عارفين بوضعي و فيه واحد مرره راحمني بس مابيده شيء أما أبوي فصارحته من فتره وبديت اخذ وأعطي معه بهالموضوع بس يا أنه مايفهم أو أنه متعمد يسوي هالشيء فيني والله أني محتااره بقوووه وما أعرف تاليتها معه !!!!! |
الله يكون بعونك
لكن ياعبير انت برضاك برأي الوالد تكوني كسبتي رضاه تعرفي انا من اسبوع بس مريت بنفس الي انتي مريتي فيه ( يمكن انتي كنت غايبه عن المنتدى) تقدم لي شاب ممدح بين الناس طيب محافظ على صلاته فرحت وفرحت الوالدة والاهل كلهم بعدين بيوم وليلة تغير راي الوالد وفكر في الرفض والله اسباب الرفض كانت غير مقنعة وماكنت اشوفها واصارحك حزنت جدا وحسيت بنفس الي انتي حاسة فيه الان ويكون في علمك انا اكبر منك وكانت اول مره انخطب فيها تخيلي جربت طعم الخطبة انهرت جدا وحزنت حزن ويعلم الله انه اثاره مازالت موجودة لكن هذا ابوي وكان لازم اطيعه واسمع رايه ورفضت ولكن مااقول غير اللهم اجرني في مصيبتي واخلفني خير منها وانتي رددي هالدعاء ( اللهم اجرني في مصيبتي واخلفني خيرا منها) وبعد مارفضنا حلمت الوالدة بحلم وكان تفسيره انه الخاطب يخلط الدنيا بالدين وكل شي نصيب ودام انتي استخرتي الله , لو لك خير مع واحد فيهم كان تم الخطبه اللهم عوضها بالافضل منهم والاحسن من الرجال اللهم ارزقها زوجا صالحا حنونا عطوفا تقيا هي وانا وجميع بنات المسلمين |
remany
أهلاً بكِ أختاه الله يكون في العون والله أحياناً أدعي على ابوي من القهرر بس هو يستاهل الله يفك أسرك أختي بالفعل مصيبه ألي يسوونه وحاسه بيجي اليوم ألي ماراح أحد يجي حتى لو أُمي ماتعلم رحماك يا رب |
الحب والحبيب
لو الرفض مره أو مرتين نمشيها ونقول بر وطاعه للوالد بس اذا هو على طول الخط لا والله مو حق للوالد يسويها بل معصية لله وظلم لحقي وهذا ما أسامحه عليه أبداً وباخذ حقي منه عاجلا أم آجلا جربت الظلم والرضى كثير بس لكل انسان طاقه |
!!!!!!!!!!!!!!!!!!!!!!!!!!!!!!!!!!!!!1
|
| الساعة الآن 08:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©