البويضات .. (عددها.!..نموها..!!.. إنفجارها..!! موتها..!!)
 

السلام عليكم و رحمة الله و بركاته

اخواتي و اخواني
احببت اسألكم سؤال محيرني ياليت اللي عنده خبره او خلفيه عن الموضوع يجاوبني عليه و ما انسى اكيد دكتورتنا الغاليه بنت النيل ..و دكتورنا العزيز نبيل...!!

سؤالي هو انه انا لمن سويت الأشعه علشان تتابع معاي الدكتورة التوبيض شافت ثلاث بويضات
بويضتين جهة اليمين و بويضة بجهة اليسار
وقالت لي الدكتورة ان البويضه اللي بجهة اليسار هي الأكبر و هي القريبه من الإنفجار ..(( هالكلام صار له اسبوعين تقريباً)
طيب البويضة اللي بجهة اليسار اكيد انفجرت من زمان و احنا سمعنا بنصيحتها و خلينا الجماع يصير يوم و يوم علشان الحيوانات المنويه تصير قويه و قادرة على الإخصاب..
سؤالي الأول : لو ما صار جماع في اليوم اللي انفجرت فيه البويضه و صار في اليوم اللي بعده ( هل استفيد من انفجارها والا لا ..:( )
وسؤالي الثاني: هي قالت لي ان البويضه بتنفجر في اليومين الجايين .. طيب وش صار في البويضتين اللي بجهة اليمين ..؟ بعدين ينفجرون و يصير اخصاب مره ثانيه .؟؟ او خلاص يموتون بإنفجار الأولى ..؟؟
و سؤالي الثالث : متى اقدر اسوي تحليل الحمل المنزلي ..؟؟ ممكن اسويه قبل مايجي موعد الدورة او بعده بكم يوم بالضبط ؟
و سؤالي الرابع : اذكر مره دكتورة قالت لي ان تحليل الحمل عن طريق الدم ممكن ينأخذ قبل اسبوع من موعد الدورة و يعطي النتيجه ..؟؟ هل هذا صحيح والا لا .؟؟


آسفه على هدرتي الزايدة بس والله محتارة و عندي اسئله كثيره و مالي غير هالمنتدى الرائع
اتمنى من الجميع الدعاء لي بالذريه الصالحه

اذا ما تبون تردون علي اسألتي
ياليت يكون الرد بدعوه للخالق بأن الله يشفيني و يرزقني بالذريه السليمة الصالحه ارجوكم


المتعطشه للأمومه
ام المهدي

أختي
ام المهدي

ربي ينور قلبج ويشرحه

ان شاء الله ربي بيعطيج على قد نيتج ولا تستعجلين بيردون اخوانا الي فاهمين في هالاشياء

لا يسعني الا ان اطلب لك الصحه والعافيه من الله سبحانه

سلااام

ياريت اجاوبك بس ماعندي خلفيه..
الله يرزقك ويرزقني الذريه الصالحه يارب..

اللهم ارزقنى و أختى أم الهدى ذرية صالحة عاجلا غير آجل
أسئلة طبية و نحتاج إلى دكتورة المنتدى للأجابة عليها و ها نحن ننتظرها

ما يهزك , الساعه كم , نرجس
لله لا يحرمني منكم ولا من دعواتكم الله يسمع دعائكم يارب و ابشركم بالحمل هالشهر

اتمنى احد يجاوبني على اسئلتي :(
بالإنتظار

اختى ماعندي فكره بس البويضات اذا صارت كبيرة يفضل بوقتها الجماع

الله يرزق كل محرومه يارب

عزيزتي نجوله أُقدر مرورك الله يسمع دعائك و يرزقنا جميعاً و المؤمنين و المؤمنات بالذريه الصالحه


يا اهل الخبره في هالمجال انا بإنتظار ردكم لا تردوني

حبيبتي
الله يرزقك ويانا بالذرية الصالحة

اتوقع ان البويضة بعد الانفجار تقعد يومين يعني يفضل الجماع في هذه اليومين

على حسب علمي انه اذا تلقحت احدى البويضات وانفجرت بعدها البويضات الثانية فلن تلقح

السؤال الثالث ما ادري بس احسن شيء حللي بعد اسبوع من تأخر الدورة

مع العلم اني قرأت ان بالإمكان معرفة الحمل قبل ذلك

هذا رأيي و رديت عليك لآنك الحيت

لكن القول الفصل لدكتورتك التي كان من المفروض انك وجهتي لها هالأسئلة

اشكرك

ادعي لي بالذرية قريبا سأدخل السنة 13 من زواجي بلا اطفال

رب لا تذنا فرادى وأنت خير الوراثين

عزيزتي غلا اشكرك من كل قلبي على تعقيبك
موعدي الثاني مع الكتورة بعد اسبوعين وانا ماني متحمله اجلس اسبوعين من غير ما احد يجاوبني ((عجوله ))
يا عمري عورتي قلبي الله يرزقك و يرزقني بالذريه الصالحه يارب العالمين قبل ما ندخل السنه الجديده