|
لحظة افتكرت شي ؟؟؟؟ ونهاية القصة
:d بسم الله والصلاة والسلام على رسول الله قبل يومين (يومين بالضبط) نزل الراتب:d (اللي يسمع كلمة "راتب" يفكره راتب منجد):d ما علينا المهم راح اخوكم في الله فاغر مع حرمه المصون ام الفغاغير:d واسم الدلع (ام جلمبو):d روحنا الهرم ويخرابي على اللي قرالي في الهرم:25: طبعاً اللي ما يعرف الهرم الهرم: هو محل للملابس الجاهزة مكتوب على بابه (الأسعار المرتفعة لا تعني الجودة):d لأنهم يبيعون ملابس يقولون انها رخيصة يعني محل ملابس لذوي الدخل المحدود او المحتوت بالأصح المهم كنا انا والمودام رايحن نشتري قطعتين للأولاد عشان البرد:24: وقطعتين لأمهم عشان الكلية لنها حامل والملابس ما عاد تجي عليها :14: يعني المجموع كله 4 قطع حسب الاتفاقية اللي سويناها في البيت وفي الهرم الله لا يوريكم :eek: كل شوي تقول المدام جملتها المشهوره (لحظة افتركت شي):d ما انتبهت لنفسي الا وانا اجر عربية مليانه من كل شي :19: طبعاً انا حسيت اني غبي لأني صدقت حكاية الاتفاقية اللي صارت في البيت:23: ثم ومن باب إيماني الراسخ بحرية الرأي والرأي الآخر طلعت محفظتي وانا ساكت وحاسبت وانا برضه ساكت حتى وانا احاسب والهانم تطالع فيه مسوي ابتسامة عريضه يعني مبسوط وانا احاسب:18: طبعاً المصيبة مو هنا المصيبة في اليوم الثاني طلعت كل قطعة شرتها المدام لازم ترجع تدور لها قطعه تناسبها عشان يصير اللبس حسب الموضه ;) هنا انا قلت لنفسي لازم اوقف موقف رجولي وشخطت في المدام: والله لو يطلع براسك نخل ما وديتك اليوم قالت خلاص اللي تشوفه نروح بكره:d ورحنا بكره :d اللي نفسي افهمه بالإضافة لحكاية الوحام:d هو شاللي يصير للحريم بالسوق ودمتم بحفظ الله |
لهذا السبب أفضل أن تضع مبلغا معينا في يد زوجتك قبل الخروج للسوق ..
فبعد الإتفاقية تقدر التكلفة وتحدد الميزانية المناسبة .. ثم تعطيها المبلغ .. وتحرص على عدم أخذ مبلغ كبير في محفظة نقودك .. بل مبلغا صغيرا في سبيل الإحتياط .. وبناء عليه تختار وتتبضع .. (( عذرا للزوجات قد لا يعجبكن كلامي )) .. |
انا برايي ان تخصص لزوجتك مصروف شهري يعني ولنفرض 200او 300 ريال او درهم كل شهر بعتقد من حق الزوجه وتتفق معها ان هاي الفلوس فقط لحاجاتك الخاصه بشخصيتها من فوق لتحت وهي تروح ترتب حالها كل شهر تشوف اللي بينقصا وتجيبه وممكن هالشهر يزود منها وتكمل للشهر الجاي
وتخلي حالك براني عن الموضوع الا اذا انت حبيت تسويلها سبرايز يعني ما يخالف وممكن تزيد المبلغ ايام الاعياد والمناسبات ههههههههه ممكن رايي ما يعجبك بس عن تجربه اريح للزوج والزوجه -------- تحياتي لك |
سلام
يا استاذ فاغر اولاً باسم رابطة الشباب العزاب في المنتدى احييك على الموقف الرجولي الصلب وعلى هذه العزيمة التي لا تلين فقد رفعت راسنا وحق لنا ان نفخر بك الذي اتخذته وقد ذكرني بموقف احدى الدول العربية في ........ :d بالرغم من اني غير متزوج الا انني دائما ما اذهب الى السوق برفقة والدتي واختي حفظهما الله وقد لا حظت ملاحظة عجيبة لا ادري اذا كنت لا حظتها انت ايضاً وهي ان المرأة لا يمكن ان تتعب وهي تمشي في السوق ابداً :25: بسم الله ماشاء الله اما حكاية الاتفاقيات فكثر منها فلا اتفاقية مع امرأة في سوق هذه قاعدتي وقد صقلتها التجارب الطويلة في هذا المجال :18: بالرغم من المرأة افضل من يتولى وزارة الاقتصاد الا انه يجب ان تكون سلطاتها محدودة وخاصة خارج المنزل شكراً لقد فغر فمي من الموضوع |
:d
كأنك تتكلم عني <<< ليش شاكة إنك مش إمرأه لاسمح الله :d عندي وجهة نظر في الموضوع قلتها لأبوي ولأخوي حسب اللي بيوديني للسوق صحيح بأني أحدد قبل أروح وش أنا أبي بالضبط لكني أحاول أستغل الوقت وأمر على كم محل زيادة من باب إنه الواحد يستغل الفرص اللي ماتكرر متى ماتبي لأنه معروف إنه طلعت السوق مشكثير نطلع فلازم نستغل الموقف وهذي أكبر وأهم وجهة نظر في الموضوع :d وبالنسبة للي يقول أستغرب إنهم مايتعبون من المشي !! من قال ؟ نتعب ونعطش لكن مثل ماقلت نستغل الموقف ونأجل الراحة بعدييين وعلى فكرة يشترك بعض الرجال بنفس هالموضوع تشوفه داخل سوبر ماركت بيشتري خبز وبس ياخذ على طريقه أشياء ثانية أعجبته أو عليها تخفيضات يعني كلنا في الهوى سوى والحياة فرص <<< وش دخلها |
:d
ما شاء الله .........دمك خفيف ...........ارجوك لا تعلق تعليق سيء والله كل كتاباتك تضحكني ...........واستانس اذا قرأت اسمك .........اضحك الله سنك والله كتاباتك تسعد القارئ .........جزاك الله خير بالنسبة لزوجتك واللي سوته فيك ما عليه اخوي ضرب الحبيب مثل أكل الزبيب :) وحنا النسوان تقريبا بنفس الطبيعة أعانكم الله علينا يالرجال وخلف الله لكم بخير ورزقكم . |
والله يا أخي تعيش وتاخد غيرها واكيد راح تاخد غيرها
هاي احنا النسوان ونعرف بعضنا وشخطت في المدام: والله لو يطلع براسك نخل ما وديتك اليوم هاي صراحة اول مرة اسمعها اسلوب بيصحكني كثير ربي يجعل ايامك فرح وسعادة مع المودام على قولتك تحياتي أم شادي |
السلام عليكم ورحمة الله وبركاته
أبد الله يسلمك ما يصير شيء
اللي يصير إننا نفتكر اشياء في السوق ما نكون متذكرينها في البيت قبل أمس رحنا لمحل ودفعنا في 700 قبل الرواتب اختي وصاحبتها كان راح يغمي عليهم :30: عند الكاشير وقت الحساب وقالوا راح نكنسل طبعا أنا وقفت موقف أنوثي :d وقلت لا ما نكنسل ولا شيء لأن اللي ماراح ناخذه اليوم وقت التخفيض راح نضطر ناخذ سعره دبل المره الجايه يعني إذا شفنا السعر شوي رخيص ننخم بعقولنا ونقضي أشياء كثيرة وندفع حساب أكثر وسلامتك انت وحرمك المصونه وربنا ينتعها بالسلامة |
:22: والله زوجتك متواضعه رايحه للهرم:25:
|
طيب الشيء الواحد .. لا تنسَ أنّ له فرووع كثيرة !! أخويا في الأول .. كان يخلينا في السوق ساعتين وييجي .. وكنااا دااائما نلومه .. ( و إحنا مو من المداومين في الأسواق ) والمرات الأخيرة .. صار يتركنا لما السوق يبدأ يقفل .. وكل ما نتصل بيقول : شويا .. اكتشفنا مؤخراًن أن أحد أصحابه نصحه أن يفعل مثله .. يتركنا لمااااا نتعب حتى ناخد درس !! بس ع العموم .. ما عمرنا تعبنا إلا لما يقفّلوا :d ماااا شاااء الله ،، |
| الساعة الآن 10:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©