|
هل ما اشعر به من الم هو بسبب تمدد البطن في الحمل؟؟؟
السلام عليكم ورحمة الله وبركاته اتمنى للجميع دوام الصحه والعافيه عندي سؤال لاخواتي المتزوجات واهل الخبره والاختصاص انا والحمدلله حامل في نهاية الشهر السابع... سؤالي هو ....من فترة اسبوع تقريبا اشعر بألم حول منطقة السره احسها مشدوده المنطقه كلها والم معاه.. الحين هالالم متركز في الجهه اليسرى للسره ولما اشتغل في البيت يزيد وفي صلاتي عند السجود والقيام منه... واليومين هذي زايد علي الالم ولما اعطس اتألم اكثر .. لما انام ادهن المنطقه بزيت جونسون للاطفال واصحى الاقي الالم خف بس مع الحركه يرجع لي .. هل هذا طبيعي مع تمدد البطن ام انه فتاق في منطقة السره وهذا اللي خايفه منه... مع العلم انه هذا الحمل هو الاول لي... ياريت تعطوني وصفات اذا كان هالالم بسبب تمدد البطن وانه طبيعي تخفف من الالم هذا واكون شاكره لكم انتظر ردودكم سائله المولى عز وجل ان يجعلها في موازين حسناتكم اختكم على امل اللقاء |
اخواتي محتاجه ومنتظره نصائحكم وردودكم.... معقول مافيه احد رد منكم ؟؟؟
|
لا تضايقي اختي واصبري شوي الين يجيك الرد ..مافي ردود لانه الاغلب نايمين وراهم دوام،، انتظري لبكره ويصير خير..
كنت اتمنى حبيبتي افيدك لكن انا ماعندي خبره بالحمل لسه ما حملت بس حبيت ادعيلك واقول الله يقومك بالسلامه . |
الله يسلمك اختي ماقصرتي يكفيني مروورك
وتسلميين على الدعوه اسئل الله ان يرزقك الذريه الصالحه ويحقق لك ماتتمني |
اختي ( على امل اللقاء ) انا حامل في الشهر السابع و احس بنفس الاحساس و لا حول الصرة عندي صاير لونه بنفسجي بس ما ادري اذا هو طبيعي او لا اتمنى احد يفيدنا
|
يااريت احد يجاوبنا ويخفف من القلق اللي انا حاسته
وينكم يااابنات |
والله حبيبتي انا عندي فكره انه السره بتتمدد مع كبر البطن علشان هيك بتألم انا حصل معي هذا ولكني لم اهتم به
بعد الولاده سار معي عفن بالسره ومارحت على الطبيبه من خوفي لكن الحمد لله راح كل شيء بعد النفاس الله يقومنا بالسلامه وان شاء الله الاخوات الي عندهم خبره يفيدونك اكثر مني تحياتي لك ودمتي بخير |
ايش هو العفن بالسره؟؟؟؟
|
اختي فتحي الباب
مشكوره على ردك ... انا مثلك متوقعه كذا بس اخاف توقعنا يكون خطأ لاني اشعر بالالم عند الحركه والشغل في البيت ... ليه ما اشعر فيه وانا مرتاحه وما اسوي شئ بالبيت اتمنى احد يجاوبني ......................................... اختي دندونه لا علم لي به .. وكنت اتمنى افيدك ياريت اختي فتحي الباب تجاوبك ايش حصل معاها وكيف عالجته تحياتي لكن وبالتوفيق |
اختي عاشقة الليل حابه اخبرك اخر ماحصل معاي
ذهبت في موعدي للعياده اللي اتابع فيها حملي وذكرت للطبيبه ما اشعر به من الم وقالت هذا طبيعي في هذه الفتره من الحمل وكتبت لي ... جل .. استخدمه عند وجود الالم وانا لسى ما استخدمته لاني اليوم اخذت منها الوصفه وان شاء الله استفيد منه وانتي كمان راجعي طبيبتك وان شاءالله تلاقي عندها مايطمنك دعواتي لك وللجميع بالعافيه والصحه والله يسهل لي ولك ولكل حامل على خير تحياتي لك وبالتوفيق |
| الساعة الآن 06:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©