|
أيهما تفضل الجامعيه أو الموظفه أو بنت الثانويه؟؟
السلام عليكم
أخواني أخواتي كثير ما نسمع عن الفتاه اللي حلمها يكون دراستها وشهادتها وتفضل الشهاده على الزواج لحد ما يفوتها قطار العمر ......... وهناك فتيات تزوجن وهن يدرسن وكملن المشوار وتخرجن بفضل الله ثم بفضل زوجها المتعاون والمشجع والدافع لها ألى الأمام ...... وهناك من تزوجت مبكر فلا شهاده ولاهم وزوجها يصرف عليها أنا السؤال اللي أطرحه لكم ((للأخوات)) هل تفضلن الشهاده والوظيفه على الزواج حتى لو كان العريس لقطه أم الزواج أهم...؟؟؟ السؤال((للأخوان)) هل تفضل بنت الثانويه لصغر سنها؟ أو الجامعيه للتكافؤ بينك وبينها ولرقي فكرها؟ أو الموظفه لتعينك على صعوبة العيش؟ أما أنا عن نفسي فكان ودي أتزوج من الثانويه ((لا تقولون مستعجله:14: ))لكن لم يأتي النصيب المناسب ألا بعد ما تخرجت بسنتين والحمدلله .. كان تفكيري أن ودي أنجب أطفال بدري عشان أذا كبروا أكون لسه بعز شبابي و واللي يشوفني معهم يقول كأنك أختهم مو بأمهم شفتوا التفكير الصحيح:22: :22: بس قدر الله وماشاء فعل والمكتوب على الجبين لازم تشوفه العين أما بالنسبه لزوجي فكان يبغى جامعيه عشان هو بعد متعلم ويبغى التكافؤ في التعليم وهو مؤمن بضرورةهاذي القاعده وأنتم ماذا عنكم؟؟؟؟ |
اقتباس:
----------------------------- أنا السؤال اللي أطرحه لكم ((للأخوات)) هل تفضلن الشهاده والوظيفه على الزواج حتى لو كان العريس لقطه أم الزواج أهم...؟؟؟ --------------------------- الزواج أهم طبعا .. بس كل شي قسمه و نصيب |
اقتباس:
ياقلبي تتوقعين السالفه سهله تجمعين بين دراسه وزوج وبيت واطفال لايعمري من تجربه واقوله بكل مكان لالالالالا يجتمع زواج ودراسه 6 سنوات صارت عندي 60 سنة من التعب والهم انا لارفض الزواج اذا كان الزوج ونعم فيه لكن اقول تتزوج وتترك الدراسه وتثقف عمرها بالقراءه من الكتب لا تدرس وهي متزوجه لان اختى باول كلية تعتبر عند ابوي عانس لان ابوي يزوجنا بالثانوي وجاء له خطيب قبل يومين وعارضت على الزواج وقلت لابوي اذا بتزوجها تسحب ملف من الكلية مابي اختى تمر بنفس تجربتي أنا السؤال اللي أطرحه لكم ((للأخوات)) هل تفضلن الشهاده والوظيفه على الزواج حتى لو كان العريس لقطه أم الزواج أهم...؟؟؟ الزواج واترك الدراسة |
اولا انا متزوجه وكان تفكيري قبل الزواج الدراسه اهم يعني اتخرج ثم اتزوج لأن قسمي كان صعب ويبيله تفرع
وايضا كنت حاطه في بالي مثلا لو تقدم عريس كفو وانا باقيلي سنه او ترم معليش اتزوج واكمل عنده وهذا اللي حصل لكن كملت عنده سنتين 00 وكانت غرابيل على راسي وخاصه ان زوجي يعمل في ديره ثانيه لكن الحمد لله انه متفهم وهو بعد يبيني اكمل 000 تدرون ليش 00 لأني من الاساس كنت حازمه بموضوع الدراسه ولا تراخيت ولا لحظه 00 وكملت انتظام 00 على اساس كذا هو اخذ الموضوع بكل جديه ونصيحتي لكل وحده بتكمل دراستها مع زوجها تكون من البدايه حازمه في الموضوع واول شي تسويه انها تشرط الدراسه بالعقد الزواج00 وتنظم وقتها بحيث ماتقصر بواجباته حتى ما يكون له عذر ويطلب منك ترك الدراسه ونصيحتي الثانيه 00 اجلوا موضوع الخلفه لما بعد الخرج 00 لأنه من الصعب تجتمع دراسه وبيبي وزوج |
اشكرك على الموضوع اولا ..
واسمحي لي ان اشارك بما اشعربه واحسه ..الموظفه طبعا افضل ليس لاجل الراتب .. بل لانها تكون في مرحله عمريه ناضجه وواعيه .. جمعت انوثه مع ثقافة جامعيه واثبتت ذاتها من خلال وظيفتها .. احب دائما المرأه الجامعه لتلكم الصفات .. فهي اقدر على تفهم نفسية الزوج ..ومشاركته في جميع الامور فاشعر باالفخر امام زملائي وناسي ,, خصوصا عندما استأذن( هههه) من العمل من اجل احضارها الى عشنا .. ودمتم .. |
ااااااااااااه تراج ييتي عالجرح
انا كانت طموحي ادرس واكمل دراستي الجامعيه بس الله ارسل لي خطيبي الله يحفظه وانحجزت له ودرست كورس كامل بالجامعه وبعدها اقنعني اطلع لان هو من دوله ثانيه ويريد يعرس مافيه يصبر واااااااه ياويلي طلعت من الجامعه واخترت الزواج وان شاء الله راح يكون بعد العيد بس لاتقولون اني ثانويه بس لاني قررت ادرس بجامعتهم من البدايه لان طموحي لاحدود له والله يهديج ياريفان تراج خرعتيني من قلب الله يساعدني وان شاء الله اقدر اكمل بعونه واحب اقول لج اختي ترى الشهاده ماتيي الا بعد كفااااااااااح وياما ناس اشتغلت وكملت دراستها وفوق هذا كله متزوجه ولله الحمد يسلموووووو خيتو اما عن السؤال ........اجابتي هي ..افضل الزواج بعد التخرج .....ولكن تاتي الرياح بما لاتشتهي السفن |
بالنسبة لي كانت الدراسة والتخرج كل شي في حياتي...ولم افكر بالزواج ابدا كباقي الفتيات.. ولكن فجأة توقفت دراستي الجامعية بعد ان اكملت سنتي الثانية لظروف صعبة خارجة عن ارادتي... وتوظفت وفجأة تغيرت الاوضاع ...وتزوجت وشجعني زوجي على اكمال دراستي واصر على ذلك لانه كان يعلم مدى عشقي للدراسة والعلم..والحمدلله تخرجت بدرجة امتياز وذلك بفضل الله ومن ثم زوجي الغالي... والحمد لله لم اعاني من اي صعوبة في اتمام المهمام المنزلية والواجبات الزوجية.. ( اما عن زوجي فكان يفضل الزوجه الجامعية والمثقفة لانه جامعي ولا يهمه ان كانت موظفة ام لأ ) اشكرج اختي على الموضوع الراااائع...ويعطيج العافيه.. اختــج....لمني بشوق |
ينقل الموضوع إلى عالم المقبلين على الزواج مكانه المناسب.
|
أنا كنت أتمنـى أتزوج على آخر سنة جامعة وأكمل مع زوجي علشان أتخرج بإمتياز
<<< أثبتت عندها إنه المتزوجات درجاتهم أعلى من بعض غير المتزوجات لكن قـدر الله وماشاءفعل لم أتزوج إلى الآن الله يرزق كل محروم يـــارب لذلك أفضل أن تكون البنت جامعية |
الجامعية طبعا والدراسة اهم في هذا العصر مع انه كثار يبغو الموظفه وكل شي نصيب
|
| الساعة الآن 05:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©