|
زوجي :-(
السلام عليكم أنا مخطوبة من ثمانية اشهر ومن بداية خطوبتي خطيبي ما يحب يجيني وايد وهذا الشي مستمر للحين ما اقدر اقول ان اسلوبي وياه ما يعجبه لانه من البداية كان جذي ما اعرف شلون اغيره حتى اهلي كله يسالوني ليش ما يجي لج خطيبج صاير كل تفكيري هو وحتى دراستي تأثرت ومشكلتي وايد طيوبة وعلى نياتي وايد ادلعه حتى ساعات اقول لروحي خل اصير شوي قاسية معاه بس ما اقدر واعتقد ان هذا سبب خلاه يبتعد عني يعني وايد ادلعه انا هني اطلب مشورتكم ونصحكم شلون اخليه يتغير واخليه يتعلق فيني مثل باقي المخطوبين وعلى فكرة احنا مالجين |
سبحان الله
يابنتى دى فرصة ان تجيدى دراستك |
عليكم السلام ورحمة الله وبركاته
عزيزتي حل مشكلتك انت ِ ذكرتيها !! يمكن يكون من النوع اللي يحب إنه يكون شريكه ثقيل شوي ويحب هو اللي يلاحق وراه ومايحب الشيء السهل جربي إنت ِ تكونيين رسمية شوي معه وثقيلة ، خليه هو يدور وراك ويسأل عنك وشوفي وش يصير ولو مانفع معه كذا أتوقع إنه بيكون طبعه كذا خاصة إنك تقولين عنه إنه مايجي عندك كثير وفيه حل ثالث لو مانفع أي شي .. كلميه وحاوريه بهدوء وأسأليه وش ناقصك ؟ مقصرة أنا معك ؟ وإفتحي مجال للحوار بينكم يمكن يكون متضايق من شي إنت ِ ماانتبهتي له والله يوفقكم ويسخركم لبعض وييسر أمركم ويجمع مابينكم على خير |
مشكورة اختي غالية على نصايحج الحلوة واتمنى تفاعل اكثر
|
يمكن مايبغى يلهيك عن دراستك
ويمكن بعد سريع التأثر (خصوصا إنك تدلعينه على الآخر )ويخاف إنه يكون فيه شئ بينكم وأكيد عرفتي قصدي ويمكن بعد مايبغى يكثر الجيات عشان يكون للزواج طعم وتشتاقون لبعض الله يوفقكم يااااارب |
الله يوفقكم
|
اثقلي عليه الرجاجيل يحبون الثقيله
|
يظهر أنك زوجك يحس بفجوة بينك وبينه , فحاولي تصارحيه لما الجفاء ؟
|
عليك بمصاحته ومحاورته باسلوب هادئ وجميل والله يوفقكم |
الله يسخر لك :(
|
| الساعة الآن 10:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©