|
تجديد احلى ليالي العمر
السلام علييكم ورحمة الله وبركاته بصراحه هاذي اول مشاركه فعليه لي في هالمنتدى الرائع واتمنى انها اتحوز على اعجابكم المهم ندخل في الموضوع عزيزتي الزوجه ودك تسوين شي جديد وحلو وتسهرين احلى سهره مع زوجك العزيز؟ عندي الحل ان شالله ولكن اتبعي معاي المقادير اسفه اقصد الخطوات :p اولا:اخذ ورقه ملونه اي لون على ذوقج واكتبي فيها بالقلم الفضي او الذهبي المهم سويها نفس بطاقة عرس واكتبي فيها عاد بسلوبك الناعم انك تعزمين زوجك على حفلة خطوبتكم ويفضل تعطينه في نفس اليوم وحطيله كنوع من المزح اذا عندكم اطفال ممنوع اصطحاب الاطفال :D وحطيها بثيابه او سيارته العصر. ثانيا:اذا جا وقت الاحتفال صرفي عيالك المهم رتبي الغرفه على النحو التالي: اشتري باقتين واشتري كم ورده يعني عشان اتسوينهم مسكه. اشتري كيكه وحطي عليها مبروك الخطوبه اسمك واسمه. اشتري كم شريط اغاني ولي ماتسمع تاخذ الاناشيد الي بدفوف. ثالثا:طبعا بعد الترتيب وتعطير الغرفه جيبي كرسين وقدامهم طاوله وحطي الباقتين على جوانب الكراسي وانتي بشطارتك رتبي المسكة . والحين جا وقت التزين تمكيجي كانك بتروحين عرس وسوي شعرك واذا بتروحين صالون احلى بعد ولبسي احلى فستان من اعراس هلك وخلي على لون الورد والمسكه والكيكه اذا ممكن. وبعدها انتظري زوجك اول مايجي شغلي له اغنيه وطبعا بيستغرب من جو الغرفه وعلى طول خليه يجلس بالكرسي وبعدها انتي جهزي العقد مال خطوبتك على الطاوله وقعدي جمبه وطبعا لاتنسن المسكة وحاولي تكونين مستحيه اتذكرينه بالي مضى هههههههه المهم واطلبي منه يفتح العلبه وهو بيفهم الباقي وبيلبسك العقد وبعدها قطعوا الكيك واكلو بعض وجيبي عصير وشربوا وحاولوا اتذكرون ايام الخطوبه بما فيهاا من شوق وعتاب وغيره وصدقوني بتنتانسون وبعدين قومي رقصي ورقصيه معاك او خليه يشجعك وبس. والباقي على ازواجكم ;) ومشكورين انكم تقرون فكرتي المتواضعه ملحوظة:-انا مخطوبه وعرسي قريب يعني بجرب هالحركه بعد كم سنه :o |
الله يهنيكي ويكتب لك كل الخير... ويسعدك مع إبن الحلال "خطيبك" ويجعلك من المتزوجين المرتاحين بلا هموم حتى تزيدينا من هاذي الأفكار الحلوة.. أتمنى لك كل التوفيق..وتسلمين على هذا الطرح الحلو..;) |
هلا وغلا بالعضوه الجديده ربيع القلب تحياتي العطره
ياليت زوجتي تسمع كلامك0000000000 افكار حلوه كتير00000000 والله يوفقك بزوج صالح يهنيك ----- سلامي -0000 |
بصراحه غريبة
قولي ليش ؟ اقولك وانا اخوكي لما أنت ما تزوجتي بعد ولم تعانين من رتابه العادات وملل التعود ونفس الكلام ونفس الوجوه ونفس القصص الباليه : ومع ذلك تفكرين باشياء جديده اجل انا واخوي ولد نعمة ويش نعمل لا تعليق :p |
مشكورين mema و ولد نعمه وتسلمون على هالكلام الطيب .
اخوي هامس صدق اني مو متزوجه بس انا عايشه في وسط كله متزوجين وحياتهم ممله وروتينيه وانا قررت لا للروتين والملل ومشكور . ابي اشوف بعد من ردودكم وارائكم يمكن عندي اخطاء في فكرتي والمتزوجين الخنره يصححون . |
والله فكرتك رائعه
بس اخاف بعد ما تتزوجين انتي ما تنفيذينها اههههههههه على كل يا ريت الحريم كلهم يقرؤون كلامك الحلو التهو باولادهم وبالمشاغل ونسوا ازواجهم وانفسهم |
فكرة جميلة
الله يسعدك و يهنيك .. |
السلام عليكم
أختي...الله يوفقج ويه خطيبج انشالله...وألف مبروك مقدماً....ومشكوره على هالكلام الحلو...وانشالله أنا يوم بتزوج بكم سنه بسويها......:) |
مشكوووووووووور أخوي
مع تحياتي...................... |
| الساعة الآن 01:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©