|
محتاجه مشورتكم
السلام عليكم ورحمة الله وبركاته
محتاجه استشارتكم بشي غريب يحصل صار له اسبوعين منذ 5سنوات الوالد مر بظروف ماديه سيئه جددددا خسر بمشروع كان حاط فيه كل مايملك في وقتها كل اخوانه ابتعدو عنه مع ان والدي اهو اكبر اخوانه واهو الي صرف عليهم لين ماعرسهم كلهم ووقتها اختي واخي الي اكبر مني يدرسون في الجامعه برى البلد وماتكلم لهم وطلب من امي ماتقول لهم علشان يخلصون دراستهم يعني انا كنت اكبر وحده في البيت واخواني صغار صغار مايفهمون شي نرجع للمحور الاساسي اخوانه انقطعو عنه بشكل رهيب واذا شافوه يتهربون وبعد سنه الوالد احتاج مبلغ وطلب سلف من اخوانه كلهم اعتذرو مع العلم انهم قادرين يعطونه والملبغ الي طلبه مو كثير واحد من عمامي عطاه ربع المبلغ المهم ان الوالد طلب منه مهله اسبوعين بس لكن خلال يومين جى عمي وطلب فلوسه ورجعهم ابوي في نفس الوقت طبعا في وقت محنته مااحد وقف معاه غير الوالده الله يخليها خلال سنتين بدى الوالد يستعيد نشاطه والحين الحمدلله رجع مثل قبل واحسن وعمامي صار لهم شهر وبزياده هالاسبوعين كل عندنا نهار وليل يعني معقوله رجعو له علشان وضعه المادي تحسن انا من اسبوعين سمعت ان واحد من عمامي خسر مبلغ كبيررررررر ومحتاج علشان مشروعه وحاليا هذا عمي يوميا اشوفه في البيت اليوم الوالد جى يسولف معاي يقولي تذكري الايام الي فاتت مااحد يسأل عنا ولااحد يجي واذا شافوني اخواني يتهربون انا ماابقى امن عليهم بس انا ماقصرت عليهم وقت الي احتجت لهم ماشفت ولاواحد منهم واليوم يابنتي عمك طلب مني مبلغ وقلت له عطني فرصه اشوف وضعي مع ان الوالد حاليا مرتبط بمشروع ويبني لنا بيت يعني وراه مصاريف يقولي وش رايك اعطيه اولا انا بصراحه مااعرفت وش اقول له والوالده كانت موجوده بس قالت له انت مع اخوانك تتفاهم والي يريحك اعذررررروني للإطاله ودي اخذ رايكم اختكم:الحائــــرة |
والله ياعيوني في هذي الأمور انا ماأفهم
ملدووووووووووووووووووووووووغه كثييييييييييييييييييييييير وماأدري ايش اقولك انتظري رد الأخوان وان شاء الله يفودنك لكن من رأي خلي ابوك يصلي ويستخير ويعطيه نص المبلغ او ربعه وربي يشرح صدركم ويخليلك الوالد والوالده ويفرحوا فيك يارب انت واخوانك وينولك مرادك ويسخرلكم |
|
عليه أن يحسن الى أرحامه حتى ولو ابتعدوا عنه في وقت المحنة والله سبحانه وتعالى لا يضيع عند ه أجر المحسنيين واليد العليا خير من اليد السفلى وجزاك الله خيرا اختي الفاضلة على اهتمامك بشؤو والدك وجزا الله والدتك خير الجزاء على وقفتها المخلصه مع والدك في محنته المادية وواضح أن أمك بنت أصول ومن منبع أصيل ويغلب عليها الدين والكرم وحب الزواج وفقكم الله وسدد خطاكم
|
والله والنعم فيكم
وابوكي ادري لاتعطونه اي راي خلوه يتصرف |
نعم خلوووه بروحه يتصرف هاذلين اخوانه
امه اذا طلب مشورتكم ف صلة الاراح اقدر وانفع واجرها عضيم وصلة الارحام ومساعدتهم من اهم الامور |
السلام عليكم ورحمه الله وبركاته
والله ياعزيزتى الطيبات لله واذا ابوك من اول جالس يساعدهم لوجه الله فلمفروض مايهتم لموقفهم السخيف معاه لمن كان محتاج لاكن من راأيى بما انه هو ملتزم ومايقدر يساعده يعتذر له بطريقه لطيفه والله يختار الطيب ومصيرهم يعرفوا قيمه ابوك الله يعطيك العافيه لك فائق احترامى |
والله يا حبيبتي الانسان بأصله...( انا لو من ابوك اساعده بربع المبلغ او نصه فقط ولا يحلم بأكثر )
اذا يقدر يعطيه يعطيه....واذا ما يقدر يعتذر والوجه من الوجه ابيض واساسا مافيه احد يقدر يطالبه بشي لانهم ما وقفوا معاه في محنته... اهم شي اذا صار واعطاه الفلوس لازم تتثبت في ورقه او يكون فيه شهود او ان ابوك يعلم اخوانه الباقين ولو بشكل غير مباشر انه ساعد اخوه...اللي زي هالاعمام ياخذون وما يعطون ينخاف منهم ....وما احد يزعل من الحق... ولو ابوك يعتذر او يساعده بمبلغ ضئيل يكون افضل...لان ايضا ابوك وراه شغل ...فلازم يتمم امور عمله وفي نفس الوقت يكسب اخوه بأنه يساعده ولو قليلا... والموضوع اولا واخيرا بيد ابوك...هو اعلم بالظروف ... |
اقتباس:
اسعدني مروركي ونورتي الله لايحرمني من الوالد والوالده |
اقتباس:
ابوي قرر انه لما يجي من الحج بيشوف وضعه شكرررا |
| الساعة الآن 07:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©