|
هل تشكين في زوجك أو خطيبك اِذا ....... ؟
خواتي العزيزات ... طبعا أكيد أغلبكم تجيه مسجات رومنسية من الزوج أو الخطيب , طيب اِذا كان المسج رومنسي حيييييل بتسألين نفسك :11: ياترى من وين زوجي حصل على هذا المسج بمعنى ثاني من اللي بعثله هالمسج وهو بدوره بعثه لي ؟؟؟؟؟ تتوقعون يكون أحد من أصحابه أو قرأه في أحد المنتديات أو بعيد الشر تكون له علاقات أو أو أو .......أف في راسي عشرين ألف احتمال بنفجر :18: . بالنسبة لي ماأتوقع اِن واحد يبعث لصاحبه مسج رومنسي يفتت الصخر ويدش القلب اِلا فيما ندر . ها وانتوا شرايكم ؟ تفكيركم نفس تفكيري :29: ؟ |
زوجي توصله مسجات حلوه رومنسية كثير احيانا يرسلها لي واحيانا يقولي اسمعي هالمسج ويقراه لي ... بس ولا عمري مر ببالي ان اشك فيه او سألت نفسي من ارسل له المسج؟؟؟؟؟ ... الامر ما يحتاج انه يتحول الى شك .. وبالتالي انعدام الثقة بينكم .. وايضا تمنعينه انه يرسلك اي شىء ... او يقولك عن اي سالفه خوفا من انك تشكين فيه ...
اتركي زوجك على طبيعته معاك خليه صديق لك مش بس زوج ... لا تحسسيه انك تشكين ابدا .. ولا تدققين على امور صغيرة بعدين تكبر وما تقدرين تسيطرين عليها ... خلي زوجك يقولك كل شىء .. يفضفض لك بكل شىء .. لا تخلين على فمه حراس ... لا تخلينه يسأل نفسه (إذا قتلها هالسالفة بتشك فيني بعد ؟؟) .. خليه لمن يكلمك كانه يكلم نفسه ... الله يهديكم لبعض اختكم |
نصيحه اقفلي باب الشك تماما والا فستفتحين باب مشاكل على نفسك
اذا رائيتي شي واضح او كان معك دليل قاطع عندها يحق لكي ان تشكين وتسالينه انا كنت اتصل على الشباب يرسلون لي مسجات رومانسيه وارسلها لخطيبتي تحياتي |
ياأختي الله يهديك اتركي التفكير في مثل هذه الأمور الغريبة !!
ياما بيووووت دخلها الشك من مسائل تافهة جدا جدا بدأت تكبر حتى كونت مشكله كبيرة زوجك لو مايحبك ماارسل لك رسائل حلوه زي كذا لأنه يحب التجديد معك انا والله احيانا اتعمد ابحث عن رسائل حلوه لزوجتي وخاصة اذا كان جوالي فاضي ابحث دائما عن الجديد والرائع في الرسائل تذكري دائما ان الشيطان عليه لعنة الله حريص على التفريق بل يغضبه السعادة بين الزوجين فتعوذي بالله واسأليه التوفيق أسعدكم الله |
إذا كل البنات يفكروا بنفس هذا التفكير فالأفضل إننا نبتعد عن المسجات !!
|
يا شيخه حرام عليك هالتفكير
فيه منتديات فيها صفحات فقط مسجات غراميه وفيه مسجات تجي من ناس بالغلط وفيه مسجات يسمعها عند غيره وتعجبه وممكن يطلبها منه وفيه كذا احتمال والاغلب انها كلها سليمه تعوذي من ابليس الله يهديك بس |
يا حريم يانسآء يا زوجات
المتهم بريء حتى تثبت إدانته |
بنسبه لي والله أني شكااااااااااااااااااااااااااااكه فوق هذا كله زوجي محترم بس الشكل يقتلني لو مثلا يرسله صاحبه ماسج رومنسي أجلس اصيح وأتهاوش معاااااه
يعني بالمختصر المفيد اي شئ أشكل فيه الله أعلم متى أعقل :d :d |
مبدئيا خلي عندك شك بسيط بس لا تقولي له ابدا ابدا وطبعا حاولي تتاكدي بنفسك بدون ما يحس وحتى لو لاسمح الله اكتشفتي شي امسكي نفسك ولا تقولي له . . وبس لمحي بالكلام . . لك كل حبي وتقديري
|
اقوووووووووووووووول ماصدقت الغيره تبعد عني كمان اروح ادور لي باب شر الله يستر عليه
اهم شئ يرسلي وبس واذا حاولت افكر باقول يمكن واحد من زملاه خاطب واعطاه الرساله وصلى الله وبارك |
| الساعة الآن 01:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©