|
الحوار اللي دار بيني وبين الموجودين بموقع الزواج
اغلب البنات بمجرد أن تدخل سن الثلاثين وترى أن فرص الزواج أصبحت أمامها معدومة
تجدها تبحث عن أي فرصة وبأي وسيلة وأنا منهم وخاصة بعد ما شفت نوعية الرجال عند الخطابات في هذا الموضوع اتطرق لموضوع مهم مهم مهم جدا لكثير من خواتي العوانس لاني متأكدة أن الكثيرات منهن تراودها فكرة دخول موقع الزواج وبحكم تجربتي ( دخلت أكثر من موقع للزواج بعضها مجاني وبعضها بفلوس) هنا انقل لكم تجربتي بكاملها الموضوع طويل لذلك سأنقله على فترات والهدف من هذا الموضوع ليس اساءة لمواقع الزواج فالهدف منها نبيل لكن موضوعي هذا تحذير لخواتي العوانس من الموجودين بهذه المواقع وكيفية التعامل معهم واطلاعهم على تفكيرهم وكلامهم بصراحة أغلبهم نصابين ومراهقين فقط 1% يبحثون عن الحلال ولكن مسيار أو بالسر اذا دخلتي موقع الزواج تضطرين إلى دخول الماسنجر والمحادثة الكتابية وان رفضتي لا يوجد من يقبلك فأغلب اللي بالموقع شرطهم انك تكلمينه ماسنجر طبعا هم يقولون ان هدفهم شريف من الماسنجر ويحاول يقنع البنت تكلمه ماسنجر بهدف شريف وهو التعرف على شخصيتها وفكرها واخلاقها ويقول انا ما اتزوج وحدة بدون لا اعرفها جيدا والا تزوجت عن طريق الاهل اللي يزوجوننا بوصف البنت بدون لا نعرفها ولا نعرف تفكيرها وشخصيتها بهذا الخصوص اقتطفت لكم هذا الحوار وهو مادار بيني وبين احد طالبي الزواج بموقع الزواج انا:ان شاء الله ما تكون منهم؟ هو:والله انا مو راعي مغازلات أنا:لا حاشاك هو:بس من حقي اعرف البنت عدل لان هذا زوااااااااااااااج وعشره صدقيني ياالعنود هذا الموقع منفس للشرفاء انا: الشرفاء ينعدون على الاصابع بهالموقع هو:الواحد يحب يعرف شريكة حياته عدل وهي تعرفه عدل وصدقيني الحرام ببلالاش لاكن اللي يخاف الله يتجنب غضب الله ويطلب الحلال لو عسير انا: صدقني صعبة تكون فكرة عن انسان من خلال ماسنجر ولا تلفون انا: ياما ناس عاشرناهم شهور وفي الاخر عرفنا حقيقتهم انا وفيه ناس تعاشرهم سنين وفي الاخر تكشفهم هو:صح كلامج بس في ناس علي نياتهم هو: ممكن سؤال وبصراحه انا:؟؟ هو:كلمتي أحد بالتيلفون او تعرفتي على احد هو: قولي الصراحه انا:عمري ما راح اكلم احد بالتلفون وكل اللي طلبوا هالشيء على طول انسحبت من مراسلتهم [SIZE="3"]هالكلام يتكرر مع كل واحد اضيفه بالموقع يطلب تضيفينه وتكلمينه ماسنجر وبعدين يشكك في اخلاقك وشرفك ويقول اكيد مثل ما ضفتيني اكيد ضفتي غيري وكلمتيهم واذا قلتي انت اللي طلبت اضيفك علشان تتعرف على تفكيري وشخصيتي يقول ايه بس البنت الشريفة ما تدور الزواج بالانترنت البنت الشريفة تجلس في بيتها بانتظار النصيب اهنيه انصدم اقول انت مو داخل تطلب الزواج بالموقع يقول لا -انا بصراحة ادور رفيجة؟؟يعني علاقة محرمة والبعض يطلب ان تقتصر هذه العلاقة على محادثة كتابية او صوتية لكن الاغلب يطلبون علاقة جسدية محرمة حذفت العشرات والعشرات وكل ما احذف واحد اضيف غيره من الموقع اقول يمكن هذا واحد زين مو معقولة كل اللي بالموقع نصابين وظليت شهور على هالحالة وما زال الامل في عثوري على ابن الحلال وكلن للأسف ما لقيت الا عيال الحرام حسبي الله عليهم تدرون بنات انا لما اراسلهم او اكلمهم بالماسنجر احس نفسي مخنوقة لاني حاسة بالغلط بس شسوي يقولون ما نتزوج وحدة الا نعرف تفكيرها وشخصيتها ويحلفون انهم ما يتعدون حدود الادب والاخلاق بالحديث على الماسنجر واذا غلطنا يقولون سوي لنا دليت وحدف اكمل معاكم بعدين واقول لكم شلون قدرت اعرف انهم نصابين ادري طريقتي شوي معقدة لكنها افضل طريقة الى الان ولولاها كنت صيدة سهلة لهؤلاء النصابين[/SIZE] |
طيب منك أختي نقل التجربة لأن الكثيرات انخدعن في هذه المواقع ..وطبعاً يكون المدخل الزواج لكنهم لا هم لهم الا الايقاع براغبات الزواج..... بحكم عمل أخي في مجال الشرطة المجتمعية تمر عليه حالات ابتزاز مال من الفتيات ... وفي مرة من المرات قد تم ضبط شاب أوقع الكثير من الفتيات وكلهن عن طريق مواقع الزواج ... تخيلي أن هذا الشاب غير متعلم وشكله عكس الصور التي يرسلها لهن ولا يعمل ويعيش فقط من الأموال التي يبتزها من الفتيات حيث يقوم بمساومتهن بكشف صورهن واخبار الأهل ... والغريب أن الفتيات يصدقن الصورة المرسومة أي أنه متعلم وحاصل على دكتوراه وغيرها من الأكاذيب التي لا مجال لسردها ..... فالحمدلله ان الله قد سلمك من شرور من تسول له نفسه بالتغرير بالفتيات.... وجزاك الله خير الجزاء |
أختي الكريمة ليدي سوفت
الله يرزقك ويريح بالك ويفرج لك همك ويرزقك في ولد الحلال الذي يريحك من الماسنجر وغيره تحياتي |
الله يهديهم
جزاك الله خير على ذكر القصه |
بارك الله فيك ليدي لانك لم تنسي الامر
متابعة... |
السلام عليكم
اخت انا متزوجه من موقع للزواج وقابلت الى انتى تتكلمين عنهم وكنت احدثهم عبر المسنجر وبمجرد ان يبدا فى كلام قذر ابعد فوار ولكن الحمد لله زوجى من بدايته كان كلامها مؤدب ومحترم لانه انسان محترم وكان يبحث بمنته الجديه عن بنت الحلال وعلى فكرة هو خليجى وعندهم عادات وتقاليد صعبه جداجدا عننا نحنا المصرين ولكن هو جعلنى احبه واقدرة وفعلا تمت خطوبنتا وان شاء الله بعد كام يوم نحتفل بعيد زواجنا الاول يارب يوفققك لما فيه الخير وعلى فكرة الرجال الى على موقع الزواج 99.9يردون التسليه والصداقه فقط لكن يوجد الامل بنسبه 1./100 وان شاء تجديه عن قريب |
مرة دخلت هالموقع واستغفر الله قعدت اضحك على الكلام الي قريته وطلعت
ولا 1% افكر بهالطريقة اسمحي لي اختي النت كله شايلته من راسي أصلا والسبب لأني عارفة عقليات رجالنا فليه اعرض نفسي للخطر والحمدالله انت تجربتك بعمر ناضج وعارفة مصلحتك بينما فيه بنات صغار يمكن يتأثرون ويضيعون. الماسنجر دمار للبنت لو تضيف لها أحد.. الله يفرج عليك ويرزقك عاجلا غير اجل وبنات المسلمين |
من رايي تبعدين عن هذا الطريق لأنه يخووووف
كثير فكرة أسوي هالشيء وأدخل مواقع زواج بس من الخوووف أتراجع كوني اشد حذرا الله يحفظك ويستر عليك |
بانتظارك.........
|
انا تركت مواقع الزواج بلا رجعة
ولن افكر فيها وبالنسبة للاخت المصرية التي تزوجت خليجي عن طريق موقع الزواج اقول لك ان الخليجيييين يتقبلون هالشي من جنسيات اخرى لكن لم ولن يتقبلوه من وحدة خليجية وبعدين يا اختي انتي يمكن تزوجتي لكن ما تدرين ماهي نية اللي تزوجتيه هل سيطلقكك بعد فترة ويبحث عن غيرك؟؟ لان اغلب اللي في الموقع اذا فكروا يتزوجون من جنسية عربيةغير الخليجية هذا تفكيرهم يا خذها لفترة معينة وبمهر زهيد ثم يطلقها لا رقيب ولا حسيب خاصة انها من ديرة اخرى فلا تشجعين البنات على الزواج من النت لان والله ما وراه الا الخراب وان حصل ونجحت البنت يكون زواج مؤقت اسفة على صراحتي لكن هذي هي الحقيقة |
| الساعة الآن 02:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©