![]() |
مشكلتي عويصه مع زوجي .. ابي حلول من الجنسين وخصوصا اللي مروا بهالمشكله
والله مادري شقول لكم ،، في البدايه السلام خير كلام .. وآنا اشتكي لله لأن الشكوه لغير الله مذله بس اعرف ان اخواني واخواتي في هالمنتدى الطيب ما راح يبخلون علي بالحل .. آنا صار لي 5 شهور متزوجه ومشكلتي بكل صراحه هي ان زوجي عيونه وااااااااااااااااااااااااايد زايغه ويحب يسمع سالف عن البنات وكل زواج اروحه يسألني حلوه العروس ؟؟ .. يعني لو كنت جيكره شبيسوي ؟؟ بصراحه آنا نفسيتي زفت لأن اليوم كنت بالمستشفى معاه ودخلت بنت ومعاها زوجها والبنت جميله ،، وزوجي ما شال عينه من عليها .. وآنا من هذيك اللحظه للحين ماكلمه ،، وهو يعرف السبب واذا افتح معاه الموضوع يقول لي لا تفكرين مثل اليهال .. آنا اعرف انه يحبني وايد بس ليش يسوي جذي ؟؟ مع العلم انه ملتزم وايد ومو من هالسوالف .. |
السلام عليكم ورحمة الله وبركاته ...
حبيبتي زوجك زي ما قلتي : ملتزم وايد ومو من هالسوالف .. . ماداام هو مش من هادي السوالف اجل ليش يسويها لازم تصارحيه بكل ود واحترام ... امكن في نفسه حاجة ما شافهاا فيك بس لابد من المصارحة عشان ما توقعين في مشكلة مثل هاذي كل ما خرجتوا ... اجل لو ماكنت معاه ايش بيسوي عشان كذا لابد من المصارحة ... مادامك قمر ليش يضيع حياتوا في مثل الخرابيط اللي تخرب البيوت لاسباب تافهة مع انه ملتزم ... واتمنى تتقبلين ردي وما تزعلين ... الله يهدي سرك انت وزوجك ان شاء الله ... |
حاولي ان تذكريه بان مايفعله اليوم من عدم غض البصر
سيرد له في محارمه والعياذ بالله هداه الله وايانا |
وعليكم السلام
شوووفي انا لو كنت مكانك لاقدر الله اول شئ اسويه اتكلم معاه في الموضوع بكل صراحة ووضوح واقله كل اللي في نفسي لكن بادب وهدووء عشان ماتكبر المشكلة وبالاسلوووب اللي يقبله زوجي اذا استمر على حركاته انا احاول قدر الامكان اعرف انا في ايش مقصرة واتدلع واهتم بنفسي موووت والبس قصير وخفيف وكل شئ تتخليه اسويه اذا والله لسه مستمر انا مستعدة امنع نفسي من الخروج من البيت كثير واجلس مع زوجي افضل واهئ له الجو المناسب واهم شئ ادعيله بالهداية وربي يصرفه عن هذا الشئ اعملي المستحيل عشان تحافظي على بيتك بالتوفيق يارب ماتشووفي شر |
اختي يمكن زوجك من النوع الي يحب يغيضك
عشان تغارين عليه ويحب يشوفك غيرانه عليه ومقهوره .. بس في داخله مايحب احد غيرك ولا يهمه الا انتِ ... وتصرفات هذي سببها حبه لك ... بس لو طالت المسأله وحسيتي الأمر زاد عن حده لازم تناقشيه بجديه في هالموضوع وان هذا الشي يزعلك وتقولين له لو كان في البدايه مزحه يمكن تصير عندك عاده بعدين ماتقدر تتخلص منها .. واتمنى منك ماتخلي مثل هالأمور تبني حواجز بينا او تخلق مشاكل احنا بغنى عنها ... تحياتي لك |
الف شكر لكم اعزائي على السرعه في الرد اقسم لكم بالله اني مو مقصره ولا في شي ،، نظافه وجمال ودلع ودلال ،، وع العلم اني حامل بس ما اهملت نفسي ولا لحظه حتى لو ما فيني حيل اوقف على ريلي .. واذا اناقشه يعترف لي بهالشي .. بس المشكله انه ما يقدر يغض بصره ،، |
الله يهدي زوجك
ويبعد عنكم بنات الحرام اجلسي معاه جلسة صريحة وتناقشي معاه بكل هدوء وطيبه لين تفهمي منه ليش يسوي كذا وقولي له يرضى اي احد يناظر فيك زي ماهو يغار اكيد انتي تغارين والله يجمع شملكم ان شاء الله |
عزيزتي الغالية ((أحلى ريم)):
إذا وجدت أن زوجك لا يستجيب لمصارحتك له فالجأي إلى الرسائل وعبري عن كل شعور تشعورين به .. وذكريه أيضا بالله واستشهدي بالأيات القرأنية وبأحاديث الرسول صلى الله عليه وسلم عن وجوب غض البصر... وأخبريه عن مدى ماتعانين به من تصرفه هذا وبغضك له ..... وهناك كتاب اسمه رسائل متبادلة بين الزوجين وهو رائع جدا ومفيد لحالتك ......... وأثناء فعلك هذا إلجأي إلى الله عز وجل بالدعاء في جنح الليالي بأن يهدي زوجك واعلمي يقينا أنه لن يردك خائبة مهما طال الزمان أو قصر ....... ولك مني دعواتي...... |
هذي صفة موجوده بكثير من الرجال وحتى لو كانوا ملتزمين ..
يكون هو متعود على هالشي والمرأة تفتنه .. وما يمنع انه يفكر بالزواج من أخرى .. لكن بنفس الوقت الحل فيج انتي الكلام الجميل بينج وبين نفسج تصاارحينه ليش يابو فلان ما يجوز لازم تغض بصرك الحمدلله انه رزقك وحده مثلي .. او اكتبي له ورقة وخليه يقراها واكتبي فيها مشاعرج وكيف انه هالشي يحز بخاطرج .. وشلون انه هو قدوتج وانه ممكن يأثر على علاقتكم والكلام الطيب يجيب نتيجة |
مشكورين يا جماعه آنا صج البارحه كتبت له رساله وحطيتها في حقيبة الددوام ،، طبعا قراها لما راح العمل بس الحمد لله شكله تأثر وظل يعتذر ويبرر لي موقفه وهو خجلان ويقول ان هذي نظرات عابره وشي طبيعي ان الواحد يتلفت .. الله يهديه ان شاء الله وما يعاودها مره ثانيه . |
الساعة الآن 01:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©